مساجلة شعرية

بسم الله الرحمن الرحيم
إخواني أعضاء منتديات الشدادين
أولاً أقدم لكم إعتذاي عن الغيبة وذلك لظرف العمل
وأشغال الحياة ولكن تبقون في الذاكرة مهما غبت عنكم
هذه مشاركة بسيطة في المنتدى
وهي مساجلة شعرية بيني وبين الشاعر فارس الدوسري
وهو أحد الزملاء الذين لهم مكانه خاصة لدي

يقول :

يا بوعلي والحال مايفرح الحال =حالن كما حال الغصون المحيله
نرجي محالن دونه الحظ قد حال=ونرجي خراجن صار مافيه حيله
صرنا مثل حرن على الصيد محتال=حرن مبرقع والسبوق تحديله
او مثل زملن للثقيلات ماشال=هشن عظامه والمسافه طويله
اومثل شيخن للطويلات ماطال =خلوه ربعه مالقى له وسيله
أو مثل ذيبن عويه غدا ذال= عاف الطويل وعاف حتى عويله
لو إنها يا صاحبي قصة أموال=نشري هوانا من هواة الرذيلة
ولو إنها يا صاحبي حرب عيال=علنا وكلن محتزمله قبيله
لكن يا رجال للصعبه رجال =وحنا من اللي ينقلون الثقيلة
نصبر على حالن تبدع بالأحوال=ولابد من يزرع يحصل حصيله

الشاعر فارس الدوسري

يامرحبا ياطيب الجد والخال=شيال حمل اللي عجز مايشيله
همك يابوسالم علي اشغل البال=ماجورمن كثرالهموم الثقيله
ان كان قصدك مال فانا لك المال=لابارك الله فاليدين البخيله
جتني بيوتن طعمها سكرن حال=بيوتن رجلن مايخلي زميله
حنابوقتن زايده فيه الاهوال=وقتن يصير اللاش شيخ القبيله
كثرت همومي والشقا بعثر الحال=ضاق الطريق ومالقيت الوسيله
انسى واهوجس لكن الهم مازال=اشد حيل الحظ ياقل حيله
وليانويت اسج والا انبسط قال=بالهون ياصاحب وراك الف ليله
يالله ياعالي على الخلق متعال=افرج همومن زايده كل ليله

أخوكم سلطان الحارثي

وأتمنى أن تنال إعجابكم

صح ألسنتكم أخوي عزيز النفس
والأخ فارس الدوسري
مساجلة رائعه وتوحي بمعنى الأخوة الصادقة
أدامها الله بينكم على طاعته

صح لسانك وصح لسان الشاعر
فارس الدوسري
ونتمنى ان نرى محاورة بينك وبينه في منتديات الشدادين

حتى نكون بالقرب منها اكثر واكثر

تحياتي

عزيز النفس
صح لسانك والسان فارس الدوسري
مساجلة راقية وهذه هي
صداقة الرجال تقبل مروري
دمت بخير ,,,

مساجلة راقية والله يديم الأخوة بيناتكم ...

صح لسانك مليون وصح لسان الدوسري

وعساكم ع القوة "

اشكركم جميعاا على المرور الرائع
لاهنتم