الحق في سلم العرب يرجع نصيب الأولي

سيـــــــــــــف الشـــــــــــــــــــلاوى

سلام تسليم القناعة والوفا والأحترام=والطيب والمعروف والقدر النزيه المعتلي
غيبت يالغربي وأنا غيبت وأكثرت الملام=والحق في سلم العرب يرجع نصيب الأولي

		المشاركة الأصلية بواسطة : سيف الشلاوى اقتباس
	سيـــــــــــــف الشـــــــــــــــــــلاوى سلام تسليم القناعة والوفا والأحترام=والطيب والمعروف والقدر النزيه المعتلي غيبت يالغربي وأنا غيبت وأكثرة الملام=والحق في سلم العرب يرجع نصيب الأولي

يامرحبا ترحيب مقدار ومعزه بالحشام=يالشاعر اللي تعرف اسعار الجواهر والحلي
ما اغيب انا ياسيف عن ربعٍ يفكون الزحام=ربعٍ ليا قامو يدوسون الصعاب وتنجلي

سيـــــــــــــف الشـــــــــــــــــلاوى

دام البقى بك يالمرحب بعد رديت السلام=يانسل قوماً نارهم وقت المواقف تسطلي
واليوم يالغربي تناسيت الأدله والنظام =أخلفت علم الشافعي وأخترت علم الحنبلي

ياصاحبي كب الضنون اللي توديك الحرام=انا على درب الوفا مشيت رجلي وجملي
تراني اعرف وش يدور بوسط صدرك بالتمام=لكن خل صدور خلق الله تغيض وتمتلي

سيـــــــــــــف الشــــــــــــــــلاوى

ما أذمكم غفران مار الغصن مليان(ن) حمام=والذيب أبو ناب(ن) محنى موسم(ن) راس الطلي
ياعيد أنا ماجيك بالبهتان في عرض الكلام= ماقلته الأ يوم شفت القدر فايح ويغلي

الذيب قدامه رجالٍ تنفض اللي فالحزام=وتذوقه نار المشوك والرصاص المشعلي
لكن ياسيف الشلاوى لاتزيد الاتهام=عود على دارك ترى فوقه خيالٍ منزلي

سيــــــــف الشــــــــلاوى

ياراعي النبوت صار الرمي من فوق الغمام = وأعول نجد أستوطنت وانته معرضها الخلي
وداري عزيزه مالحقها شك يامال الرحام= يوم (ن) دارك مربعه فيها الجمال الهملي

سيـــــــف الشــــــلاوى

اخــي الغــربي :
تحية طيبه في الحقيقه كان بودي إكمال المحاوره معك ولكن تفاجأة بخروجك من المنتدى

ولا أعلم هو قطع في الأتصال او ظرف طارئ مع العلم انني اتصلت عليك حينما تباطأتك ولم ترد .

لذا أشكرك على هذه المحاوره الرائعه وإلى الأمام يالغـــربي,,,,,,,,,,,

والــســـلام عــلــيــكم