قصيده تجآرب عمـري

السلام عليكم ورحمه لله وبركاته
اليوم حبيت انقلكم قصيده ناصر بن ثويني العجمي
واعجبني البيت الي يقول
اكابر بصمتي وافل حجاجي والناس ما تدري وش اللي فيه
وهاذي القصيده كامله عسها تعجبكم

سامرت براق شعاني ضيه =خارج نطاق الصوره الرجعيه

يجذب سنا نوضه خيال الضامي=اللي يعس فجوج الايحائيه

فان كانه امطر علم يا عبدالله=والا اعتبرها مزنة صيفيه


احاول اطوي لك تجارب عمري=وافل لك من مهجتي مطويه

عطني من عيونك فديت عيونك =بسمعك ماهي عطا ... عاريه


لو تعلم ان لي ضحكة ممزوجه=مغيب شمس وصبح عيد الضحيه

كان امتطيت الجرح يا خياطه =حتى تشوف ابعاده النفسيه

استر عن عيون الشماته جرحي=واقول وش هي طعنة الجنبيه ؟

اكابر بصمتي وافل احجاجي=والناس ما تدري وش اللي فيه


تسمو صروح الراحه المنشوده=اللي بلبنات التعب مبنيه

مغانم الدنيا بحر من دونه=اتذود تيارته المائيه

والادمي حظه على الما شوعي=اما طبع و الا سلم راعيه

ما يدرك الغايه سوى متثبت=كم روحة ما جاء بعدها جيه

ونادى الحياه تجي لك=واعقد لصلفات الطرايق نيه
واليا طعنت من الخلاف ادري انك=قدم العرب والطعنه الماريه


لا تعرض الذمه على السوامه=خلوك في رمضا وهم في فيه


المال لو يشري ضمير ابن ادم=ما يشري اقلوب البشر موليه


انطقت لك من صمت فكري لوحه=لك التـــــــأمـــل والتـــألم ليـــه


فان غيبت شمسي صروف الدنيا=انت الرجاء كله وشمسك حيه

وهاذي شيله القصيده:
بصوت:سعد اليامي
http://www.albdwan.com/twaqe3/tgarb.MP3

		المشاركة الأصلية بواسطة : اقتباس
	ما يدرك الغايه سوى متثبت كم روحة ما جاء بعدها جيه

شبيه الريح

نقاء جيد

وطرح رائع

آهلا بك

وآستمر بنشاطك

دمت بخير

^
^

أنتقاء أكثر من رائع ..


الله يعطيك الف عافيه ..

صح لسان الشاعر
والله يعطيك العافية على طرح كل رائع من الشعر والشيلات