استفسار عن نهار الباضة

السلام عليكم ورحمة الله وبركاته

من يعرف قصة نهار الباضة وقصايده اللي منها

دخلت على اللاش وعيا اللاش يدخلني
عزي بصقر يلوب بمنكب عليه


للشاعر( ملحان الشدادي) ... وسلامتكم

حياك الله أخي
أخو فاحة ويا هلا بك
أظن القصة قد وردت هنا كاملة من قبل
وننتظر مشرفنا أبو زايد ليفيدك بما أتيت
تستفسر عنه

حياك الله أخي أخو فاحه

وبالنسبة لإستفسارك عن نهار الباضه

والمعروف عند الشدادين بيوم المزابا فالحديث فيه يطول

ولعل يفيدنا عنه أبن العم تركي بن عبدالله بن مشعل بن دابان

خصوصاً وأنك أوردت البيت المذكور أعلاه وقائله جده الشاعر مشعل بن دابان ويقول:

هيض عليه نهاري يا ملاحاني = يوم المصوّت بداله راس مبنيه
نخيت ابن ...... وابطى اللاش ما جاني = وعزي لصقر ٍ يلوذ بمنكب اعليه

إلى آخر القصيدة التي إن شاء الله يزودنا بها تركي بن عبدالله ..



ومن القصائد التي قيلت في ذلك اليوم قصيدة للفارس سفر بن حديّد الشدادي أخو قطنه رحمه الله يقول:

ارس يا عد ٍ هله نزلوا فوقه = قرروا مشروبه الاد شدادي
لو ترد برقا عتيبه مع الروقه = ما يغيّض جمها كل ورّادي
شاهد الموتان تحته ومن فوقه = عزوتي في الحرب شعوان الاولادي
عزوتي نو ٍ تنافض به ابروقه = اوله برق ٍ وتاليه رعادي
مثل سيل ٍ ينهب الطلح بعروقه = قام يرميبه على الضلع والوادي
والجبل نبديه ونعدي اوسوقه = لين راع الدين يخلص ويزدادي
في نهار ٍ غالي ٍ ينهبط سوقه = كل يوم ٍ فيه صيّاح ومنادي

وهناك الكثير من القصائد ولكن المجال لا يسمح لذكرها يابن العم


والسلام عليكم ورحمة الله وبركاته .. أخوك ابن مهرس

بيض الله وجهك أخوي
أبو زايد
ولا هنت يا الغالي على استجابتك
وبإنتظار المزيد من أخونا أبو عبدالله

		المشاركة الأصلية بواسطة : ابن مهرس اقتباس
	حياك الله أخي أخو فاحه وبالنسبة لإستفسارك عن نهار الباضه والمعروف عند الشدادين بيوم المزابا فالحديث فيه يطول ولعل يفيدنا عنه أبن العم تركي بن عبدالله بن مشعل بن دابان خصوصاً وأنك أوردت البيت المذكور أعلاه وقائله جده الشاعر مشعل بن دابان ويقول: هيض عليه نهاري يا ملاحاني = يوم المصوّت بداله راس مبنيه نخيت ابن ...... وابطى اللاش ما جاني = وعزي لصقر ٍ يلوذ بمنكب اعليه إلى آخر القصيدة التي إن شاء الله يزودنا بها تركي بن عبدالله .. ومن القصائد التي قيلت في ذلك اليوم قصيدة للفارس سفر بن حديّد الشدادي أخو قطنه رحمه الله يقول: ارس يا عد ٍ هله نزلوا فوقه = قرروا مشروبه الاد شدادي لو ترد برقا عتيبه مع الروقه = ما يغيّض جمها كل ورّادي شاهد الموتان تحته ومن فوقه = عزوتي في الحرب شعوان الاولادي عزوتي نو ٍ تنافض به ابروقه = اوله برق ٍ وتاليه رعادي مثل سيل ٍ ينهب الطلح بعروقه = قام يرميبه على الضلع والوادي والجبل نبديه ونعدي اوسوقه = لين راع الدين يخلص ويزدادي في نهار ٍ غالي ٍ ينهبط سوقه = كل يوم ٍ فيه صيّاح ومنادي وهناك الكثير من القصائد ولكن المجال لا يسمح لذكرها يابن العم والسلام عليكم ورحمة الله وبركاته .. أخوك ابن مهرس

حياك الله ياخو فاحا
ومشكور يابن مهرس على ماتفضلت بذكره
وبالنسبه لقصيده جدي رحمه الله يقول

هيض عليه نهاري يا ملاحاني = يوم المصوّت بداله راس مبنيه
ارجي المدد والمدد جا الليل ماجاني =وهم مددهم مثل حج اليمانيه
نخيت ابن (......) واغضى اللاش ما جاني = وعزي لصقر ٍ يلوذ بمنكب عليه
ياليت يوم التقانا ذاك والثاني =ياليت مع لابتي نيمس ودوليه
ليوصل خبرنا ليا صنعا ونجراني=وتالي خبرنا يعود للسعوديه

وقد رد عليه الشاعر ملاحان الشدادي
بقصيده لايحضرني منها سوى بيتين

ألآد متعب نهار الهوش ظفراني =ماجالهم ضيفة ٍ تجلي الحفوفيه
يابنت شوقك ظهر لك منه ماباني =يعجبك زوله وشق الجيب دخليه

وقد كان عدد الشدادين
الذين حضروا ذلك اليوم لم يتجاوز
خمسة عشر رجل معظمهم ذوي عواض
واستطاعــوامواجهة عدة قبايل من بنيوس
يتضح ذلك من البيت الثانــي في قصيــدة جــدي
ولوان الكثره تغلب الشجاعه ولكن لم تغلبهـم كثرة
من قابلهــم وقد فعلــوا رحمهــم الله مايبض
وجيههم والحــديث عن ذلك يطـول
اكتفـي بايراد ذلك ولكم منــي
وارق التحايا واطيب المنى

تركي
تسلم وبيض الله وجهك شاعر وراوي كبير
وانت مكسب للقبيلة والدولة حفظك الله

ونعم بالاد شداد مهب باللي اليا احتمى الميقاف هجوا