إهداء خاص لعموم الأعضاء

هذه المحاوره إهداء مني وأخوي عايش الحرقان
إلا أعضاء المنتدى الكرام
وعشاق الفتل والنقض







الرحال

سلام الله على عايش وعايش من زحول القوم=لـكــن الـنـفـس فـــي ذا الـوقــت منـهـيـه ومـامــوره

مدام إنا بشهـر الخيـر والإحسـان شهـر الصـوم=أبـــي عـايــش يواجـهـنـي هـنــا ويـتـرجـم أشـعــوره

عايش

هلابـك ياعـزيـز يـابـن ضــاوي يابعـيـد الـحـوم=بـنـي شــداد ربـعـك بالـوفـاء والـطـيـب مـذكــوره

مـــدام انـــا بـشـهـر الـخـيـرلازم نبـتـعـد ونـشــوم=شعوري مع شعورك تتفق بالصوت والصوره

الرحااااااااااااااال

يدوم الك البقاء ياللي ترحب والهدف مرسـوم=ومـنـه نـفـوس منـسـره ومـنـه نـفـوس مقـهـوره

وأنا مدري ليا حاربت أحرب الفرس ولا الروم=أحــد يـغـزي مـعـه مـدفـع وأحــد مامـعـه بـاكــوره

عايش

اناشفت الهدف بين وعيني ماغلبها النوم=قضـيـه سلـمـت واحدغشـيـم مـاحـكـم شـــوره

وانامدري من اللي نلحقه ياصاحبي باللـوم=ابـه عـربـان ماتـعـذر وبــه عـربـان مـعـذوره

الرحاااااااااااااااال

مــدام أنــه يـعـرف الـــدرب لا تـايــه ولا مـنـجـوم=بـأسـلــمــه الـقـضــيــه كــامــلــه قــــــدام جــمــهــوره

وأنا أعرف من عليه اللوم لامعطى ولا محروم=لـكــن الـعـلـم فـيــه عــلــوم والأوضــــاع مـخـبــوره

عاااااااااااايش

لاتستعجل ترى عندي علوم ومن وراها علوم=ابــــو زنــــده رمــــى صـفـارتــه مـاحـكــم الـــــدوره

اشوف الصقر حول مـن مكانـه وعتـلاه البـوم=وراعــي الـبـل صــار ايـتـابـع التمـثـيـل والـكــوره

الرحااااااااااااال

أنا وغيري نبى الموضوع كله ينتهي في يوم=ولـكـن أبــو زنــده بـالـرشـاوي جـالــه أسـطــوره

ياكثـر الهـرج ياعـايـش ولاكــن الفـعـل مـعـدوم=لــك الله يــا اليـديـن الطـايـلات تـقـول مبـتـوره

عاااااااااااااايش

اناوانته نبي نهبط سوى سوق الغلا ونسوم=ولانحـسـب هــذاه الـعـام لاايـامـه ولا شـهــوره

تعرف الا دمـي ماياخـذ الا كـل شـي مقسـوم=وكـل واحــد يـحـاول ياعـزيـز حـسـب مـقـدوره

الرحاااااااااااااال

نغوص البحر ونجيب الدرر واللي يعجز يعوم=مكاسيـبـه مــن الأيـــام كـــوب وكـيــس شـابــوره

تـرى قصـدك مهـو همـي ولانــي مـنـه بمهـمـوم=أنـــا هـمــي عـــدوٍ مـــا أردع والـضـلـم دسـتــوره

عااااااااااااااااااااايش

ترى الظالم لو تصفق له اصحابه ضعيف اعزوم=يجـي لـه يـوم يسكـن فــي مسـاكـن شـبـه مهـجـوره

يحسبـه فايـز مـع النـاس وهـوه دايـم-ن- مـهـزوم=ويمـشـي فــي ظــلام ومـعـه كـشــاف انـطـفـى نـــوره

الرحااااااااااااااال

أمرنا الله بدينه يابن عمي ننصر المضلوم=عـلامـك ساكـتـن للحـيـن ومـربــط بـمـاصـوره

يجيـلـه يــوم لا كـنــا تعـبـنـا ننـتـضـر هـالـيـوم=ودمـوع اللـي تباطانـا علـى الخـديـن منـثـوره

عاااااااااااااايش

انــا حر-ن-طلـيـق وملتبسـلـي مــن جــداد هــدوم=ولاادري مـــن طـبـيـب الـجــرح يـاعـزيــز ودكــتــوره

لاكن لاتصوم ثم تفطر على حبت بصل مع ثوم=تــرى المخـطـي يحـمـل حـمــل ويـبــرك عـلــى زوره

الرحااااااااااااااال

تقوله وأنت في دنياك لا خـادم ولا مخـدوم=قرارك في يديـن الغيـر والأوضـاع مستـوره

مدام الله معك لا تلتفت في سيفك المثلوم=توكـل وأعقـد النيـه وتصـبـح ريــس الـثـوره

عااااااااااااااايش

انا عندى ثقه في النفس وقسمي من خيار قسوم=ولا بـه نمـر ياعزيـز عقـب كلـب-ن- علـى ســوره

ابــــه قـدامـنــا رجـم-ن-وبـاقــي مــــن وراه ارجـــــوم=وحــنــا بــــدو مـانـحـسـب بـــــراد الــوقـــت وحـــــروره

الرحاااااااااااال

مدامك واثـقٍ للحيـن وشبـك ساكـت ومكتـوم=ترى الكلب العقور أستذيب ولاحصل نموره

تحزم وأبد راس الرجم وأنا سيفـك المسمـوم=أقص رقـاب عدوانـك وترجـع عنـك مدحـوره

عاااااااااايش

انـا جـوي صفـا وبشـرك ماعـاد فيـه غـيـوم=اباارد المدرب فـي التراصـف وسـط طابـوره

مـا دام انـك حـزامـي ياعـزيـز بعـتـزي وقــوم=وصد المعتدي عن مايبي ورمي بصاطوره

الرحاااااااااااال

ليامنه صفـا جـو الشجيـع ونصـرة المضيـوم=تـقـدمـت وعطـيـتـه خـطــةٍ مـاهـيـب مـحـظــوره

يطالبنـا بعقـال وهـو فـي بطنـه جمـل ماسـوم=ولا يرضى بهاذي غير لاش ويده مقصوره

عاااااااااااااايش

اعرف الداب الاسود من صغرتي وعرف الحلقوم=وفـــيـــه ابـــيـــوت مــهــدومــه وفـــيــــه بـــيــــوت مــعــمـــوره

تــقـــدم ورســـــم الـخــطــه لاتــرجـــع كــــــل ابـوهـاحــلــوم=ونـــاس تـقــدم الـمـعــروف فــــا الاصــحــاب مـشـكــوره

الرحااااااااااااااااال

سقيت الداب الأسود ماك ثم كفتك فالبلعـوم=وحدرك أبـه ماشـرق أبـك والأمثـال مشهـوره

أبيك تقص حبل الدلو وتزيد السهوم سهوم=وتـأخـذهـا دبــــل وثــــري يـاعـايــش وبـالـفــوره

كفو والله ياشاعرنا

وصحت السنتكم

دفاع وهجوم في قمة الروعه

لكما حضور عند الإبداع وإبداع عند الحضور

أشكركم جداً على هذا الطرح الرائع



دمتم بود ومحبة

صح السناتكم ولاهنتم

موغريب عليكم الابداع والتميز

دمتم بخير

		المشاركة الأصلية بواسطة : رعد الجبوب اقتباس
	كفو والله ياشاعرنا وصحت السنتكم دفاع وهجوم في قمة الروعه

ياهلا مليوووووووووووووووووووون يارعد
وماعليك زود وصح الله بدنك
ومشكور على حظورك
الرائع

دمتم مبدعين وأهل للتميّز والتفرّد الشعري

رائع ماقرأته وكفو والله وعساكم ع القوة

وصحت ألسنتكم

		المشاركة الأصلية بواسطة : اقتباس
	بني شداد ربعك بالوفاء والطيب مذكوره

انا اشهد

ما كتبت وما طرزت من كلمات عذبة المعنى
وجميلة المغزى بقلمك العملاق يدل على
إجادتك استحواذ القلوب بسحر محاورتك المميزة
أدامك الله محاورا شامخاً
ودي

أخي الكريم

الر ح ـال

لم اجدا بلغ من الصمت كي اعبر عن اعجابي بهذا الديوان الرائع...

بكل تأكيد ...سأعيـد الكره ...

لكي أقرا وأستمع ، وأكتفي .... ....

اعتقد اني ساصمت لاني لن اوفي ...

بما تستحقها هذي الكلمات ...

فكي لا اقصر او اظلم حقك علي ..

علي الانسحاب بصمت كما وقفت بصمت ..

وانتظر المزيد..دمت بكل تألق

أختك

..عاشقة القمر..

بيض الله وجهك أخوي الرحال
وبيض الله وجه شاعرنا أبو سعد
والله يعطيكم ألف عافية
وصحت ألسنتكم