قرب العيد والمحبوب عني بعيد

قرّب العيد والمحبوب عنـي بعيـد=أتوجـد عليـه ودمعتـي حايـره
والهواجيس في صدري وقامت تزيد=تصطفق كنها أمواج البحر ثايـره
كل ماقلت : هادت عودت من جديد=أشهد إن المحبه ياملا جايـره
السهر صار للعين الشقيـه بريـد=بين جنح الدجى ونجومه السايـره
أتذكر لطيف الروح عنـق الفريـد=وتخيـل صعـوده سلـم الطايـره
كان ماجا من المجمول علمن وكيد=وبشرتنـي وقالـت للبلـد زايـره
والله إنه ولو صبري يقص الحديـد=مستطيع انتظر دور السنـه دايـره
الوفا والرجاء والعزم نعم الرصيـد=والتعاسه نصيـب العالـم البايـره

قصيدة للشاعر نواف بن رازن..

صح لسان الشاعر نواف بن رازن

والله يرد الحبيب لحبيبه قبل العيد

سلمتي ياعسوله والله لا يهينك على جهودك المتميزه في القصايد المختاره

جهد تشكرين عليه

أشكرك على طيب المرور يعطيك العافية يارب

الله يرد كل الحبايب والغايبين عن
اهلهم واحبابهم في العيييد
قصيدة رائعه وجميلة
صح لسااان الشاعر نواااااف

وسلمت يمناااااااك على الاختيار الذوق

ياهلا والله فيك ياقلبي أسعدني مرورك حيييييييييل
شكراً لك

صح لسان شاعرها


لاهنتِ عــــــــــــــسولة

صح لساااااان الشاعر

والله يعطيك العافية يا عسولة على الاختيار الرائع

دمتِ كما تحبين

ياهلا والله فيك ياقلبي اسعدني مرورك حيييييييييييل شكراً لك

بصراحة القصيدة جميلة ومؤثرة
أعجبتني كثيراً
وألف شكر لك يا عسولة
على ذوقك الفريد

ياهلا ياهلا فيك أبو نوره اشكرك على مرورك العطر.......