يا سكون الليل سكن من عصبنا

يا سكون الليل سكن من .... عصبنا
شدت الاعصاب من ضغط المعيشة
كثرت الشرهات من يمة ...... عربنا
والعرب والدار يا مكثر .... طشيشة
الحياء هو سترنا والله ....... سترنا
واحتمانا من هل النفس .. الغشيشة
من بغا منا لو جعنا ما ........ عذرنا
وده ياكل جثتك ...... لو هي وليشة
يالله احشم بالعرب منه ..... حشمنا
يفتهم وش وضعنا روحه .. هشيشة
ربي فرج همنا وادعم ......... كرمنا
مدنا من جودك اللي ...... نستريشه
ريش عبدك ريشه ربي ....... وعطنا
من رشايش العطاء نبني ... عريشة
من عرايش زرعنا نجني ..... حطبنا
والنخل مع المطر ماحلا .... نشيشه
ضيفنا لو مرنا يلقى ........... رطبنا
والفقار اللي عقب جوعه .... يريشه
ختمها على النبي صلوا ........ عربنا
عد ما خط القلم من حبر ..... ريشة


القارظ العنزي

ما شاء الله تبارك الله
قصيدة في قمة الجمال والروعة أخوي أبو فيصل
ما قصرت في نظمها ومشاركتنا بها هنا وصح لسانك

الجمال والروعة
في مرورك العطر
سمو الشدادين رفع
الله قدرك دمت بالوجود

مرحبا وألف هلا يا أبو فيصل
والله يبيض وجهك على تواصلك معنا بكل جديد ومميز
مبدع في نظمك ومعانيك وما قصرت وصح لسانك

ارحب أخوي الغالي أبو فيصل
شاعر مبدع ومتميز وعسى فالك البيرق
ما قصرت وعسى عمرك طويل

مرحبا الف ايها القدير
السلطان لاهنت ولا هان منطوقك

مرحبا الف درع الخوي
لاهنت ولا هان منطوقك

صح بوحك ياابو فيصل
وكثر خيرك ع جودك وتواجدك وجمال قلمك ابدعت
طبت بخيرروعافيةة

صحة ايامك شواهيق
كل عام وانت بخير