حمّال الأسفار

الاخوه الكرام اداري واعضاء
(شبكة الشدادين الرسمية)
اسعد الله اوقاتكم بكل خير
اطرح على انضاركم قصيدتي هذه وعسى ان تحوز على رضاكم
والسلام عليكم ورحمة الله وبركاته

بيني وبين الحرف شيمة ومقدار=وتقدير ذاتي باحترامي شغوفي
أوازن المنطق واسدد بالأفكار=وأضبط مقالي فالمقام الكلوفي
أحفظ كلامي قدر الامكان وأختار=قول يجملني من أغلى قطوفي
احاول اتوصى وادقق بالأدوار=ورضى البشر غاية عصية شفوفي
يا جاهل الدنيا على قصر الأنظار=مـا لك على الـدنيـا تـكامل يحوفي
لسانك أقرب من يوديك للنار=وحصانك اول من يواليك خوفي
ولا عشت ظالم طول الأيام جبار=فعلك على حالك وبال وحذوفي
لا طال عمرك بالخطية والاصرار=تـخونـك الـدنيـا وعينك تـشوفي
غرورك أول من يحملك بالعار=وافـعالك أول مـن تهينك وقوفي
بايامك العبرة وبالذات معبار=ومـنها وفيهـا مـعطيات الظروفي
معيارك اللي ما يسدد بالأشوار=كمين مـن ذاتـك بـذاتك جـحوفي
نهايتك تقضي تحملك الأسفار=وسندك خاين فالمواقف يطوفي

جزل البيان
صح لسانك على جزالة حضورك
وشعرك. لاهنت

سلمت ولا هنت يا جزل البيان
ما قصرت وصح لسانك على هذي الجزالة
وهذه الابيات والقصيدة الرائعة

ارحب ويا هلا بك والله يا أبو محمد
ولا هنت يا شاعرنا العزيز والمتميز دائماً
وبيض الله على تواصلك معنا وتواجدك اولاً
ثم مشاركاتك في منتدى ربعك الشدادين
وعساك على القوة اليوم ودوم

صح منطووقك ع جزل الابيات وطيب مااجدتهه ريشتك

وجمال حرفك مخملي شاعرنا دوومك عودتنا ع ابداع سطورك الرااقيةة
كن بخير وطيب العواافي يارب

صح لسانك .. لاهنت .. دايما تمتعنا بالقصيد اللي في مكانه

بيض الله وجهك يا أبو محمد على هذه القصيدة
ولا هنت وعسى فالك الطيب اليوم ودوم
متميز ومبدع وما قصرت

صح لسانك وسلم قافك وبنانك يا أبو محمد
لا هنت شاعر كبير ومتميز والله يعطيك العافية

لا طـال عمـرك بالخطـيـة والاصــرار
تخونك الدنـيـا وعـيـنـك تـشـوفـي
انا اشهد يابومحمد درر وحكم ماتقدر بثمن صح لسانك مليارات على هالجزالة اللى عودتنا عليها ابدعت وامتعت والله يعطيك العافيه
تقبل تحياتي✋✋✋✋

سلمت ولا ندمت
ولا هنت وبيض الله وجهك وصح لسانك
على هذه القصيدة المميزة