حلقات سيرة الفارس الشاعر محدي الهبداني

بسم الله الرحمن الرحيم

وبعد ان طفنا وجلنا في كل زاوية من زوايا منتدنا الغالي وبيتنا الثاني وجب على ان اشارككم بموضوع بسيط عن شاعر وفارس من الجزيرة العربية هو الفارس والشاعر :-

( محدي الهبداني )


مولده ونشاته :-
-----------------
هو محدي بن فيصل الهبداني عاش الى تاريخ 1300 هجرية تقريبا وهو من قبيلة ال فضيل التي يرأسها الشيخ ابن رشدان , وهي فخذ من افخاذ قبيلة الجعافرة من ولد سليمان , (من ضنا عبيد) من بشر , وبشر هو ابن عناز بن وايل , وهو شقيق مسلم بن عناز الذي تتفرع منه قبيلة( ضنا مسلم )0
نشأ هذا الشاعر وترعرع بين قبيلة ولد سليمان المشهورين بالشجاعة , وكثرة العدد , شيخها العواجي وعائلته , والعواجية لا زالوا هم شيوخ هذه القبيلة , نشأ في بيت مشل العواجي الفارس المشهور , ونشا في وقت التطاحن بين قبيلته والقبائل المحيطه بها وامه ( ذكر ) بنت مشل العواجي , ووالده فيصل الهبداني ليس مرموقا بين افراد هذه القبيلة , ولكن ابنه ( محدي) نشأ ثائرا وذكيا وطموحا , يطمع بالزعامه , ولكنه لم يلق مجالا لزعامته , مع وجود اخواله الابطال العواجية , وبعد ان لاحظ اخواله طموحه , وتدخله بالقبيلة , وتحريضه لهم , وترفعه عن مسلك ابيه00 ضغطوا عليه , لهذا لم يستطع ان يبرز بينهم , وضاقت به الارض بما رحبت واخذ يتألم ويقول الشعر محرضا اقاربه من ال فضيل , وهاجيا لهم احيانا , وقال قصائد كثيرة بهذا المعني منها هذه القصيدة :

هنيكم يا اهل القلوب المريحة = يالدا لهين اللي على بركة الله
هنيكم بقلوبكم مستريحة = وياليت قلبي كل ما جاه ينساه
ينسى هواجيس الضمير المشيحه = ويرضى على غوال حلقه الى ارخاه
خطو الولد يرضى العلوم القبيحه = ويقفى ويقبل كالهنوف المرضاه
وانا دليلي ما يطيع النصيحه = يا ناس عياني دليلي وانا انهاه

ثم قال هاجيا قومه :-

يا فضيل ياقلوب الغنم ما تحامون = يا ليتها والله تحسن لحاكم
يا طولكم يا عرضكم يوم تاتون = يا قل حمراكم على من بغاكم
آليا اجتمعتوا للمراجل تذيبون = والناس عرفوا طيبكم من رداكم
الكل منكم دائما يتبع الهون = يالعن ابوكم كيف توخذ نساكم
ترضون بالذلة عساكم تهبون = واشوف بالرجلين كل وطاكم
يا فضيل بالورور بغيتوا تباعون= ويلقى المذلة خائف وان نصاكم
من عقب فعل الطيب قمتوا تدانون = وانتوا من اول ما يقرب حماكم

ثم قال هذه القصيدة متبرئا من قومه :-

ليتني من الصلبان والاصل ما بيه= لا سايل عني ولا ني بسايل
اقعد على ( مقر) خفي موازيه = برهراهة ما ياصله كود حايل
من الوسم رويان مع الصيف مطغيه= تلقى الخصاب مكوم للزمايل
الوذ عن دحش كبار علابيه = يهوش كنه باشة للقبايل
متباركين بالموالد بني خيه = على النزول يكثرون الضوايل
انا ان بغيت الصبر قلت مشاحيه= ونفسي عيوف ولا رضيت الفشايل
نويت اهوم وكافل العبد اليه= والبعد طب للقلوب الغلايل
اشوف سلم ابليس( محدى) يسويه = يلعب على ظهر اللعين القوايل
عزي لنزل قام ( مجدى) بشظيه = لعب بكم يا ذاهبين الحمايل
مطاوع لبليس وابليس مغويه = لا تتبعونه يا القلوب الهبايل
هذا جزا خال يعزه ويغليه = لا واحسايف قولة : يا بن وايل

وبعدها قرر ( محدى ) ان يبتعد عن اخواله , وعن قبيلة ( ولد سليمان ) ورحل من نجد مع قسم من قبيلته ال فضيل الذين التفوا حوله , واتجه الى قبيلة الفدعان من عنزة , لان الفدعان اقرب قبائل عنزة ( لولد سليمان) ودخل الاراضي السورية

ونعم السيره

مشكور اخي ابن مهرس على هالطرح الرااائع

كل الود

مشكورابن مهرس 2008

معلومات وافيه عن سيرة احد فرسان الجزيره العربيه

وشاعر من شعراءها

تحياتي

ونعم الرجل الذي لم يرضى المهانه

سيرة جميلة كان ودي تفيدنا أكثر عن بطولات وشعر محدي الهبداني

انا لأول مرة أقرأ عنه لكن سيرة تشجع مثيرة ومشوقة

وكل الشكر اخوي ابن مهرس2008

يعطيك العافيه اخوي ابو على ولاهنت على مرورك الرائع 0 تحياتي

يعطيك العافيه اختي هدى واشكر لك المرور الرائع

ابشر بعزك اخوي غريب ولاهنت على مرورك الرائع

سيره رائعه لفارس وشاعر من الجزيره العربيه

مشكور اخوي ابن مهرس 2008 على الطرح الرائع

تقبل مروري

يعطيك العافيه اخوي البدر ولاهنت على مرورك الرائع

بيض الله وجهك يابن العم

وللفارس محدي الهبداني قصيدة في ربعه مؤثرة منها:

يا دار وين اللي بك العام كاليوم = ما تقل مرك عقب خبري نجوعي
خال ٍ جنابك بس يلعي بك البوم = ماكن وقف بك من الناس دوعي
شفت الرسوم وصار بالقلب ثالوم = وهلت من العبرة غرايب دموعي
راحوا لنا عدوان وحنا لهم قوم = ولا ظنتي عقب التفرق رجوعي

وياليت أن كان تعرفها تعطيناها