قصيدة بر الوالدين لصالح الحارثي

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
هذي قصيدة للشاعر / صالح بن عالي الجياشي الحارثي
يتكلم فيها الشاعر عن الوالدين و رضاهم واجب علينا
و أرجوا أن تكون القصيدة تحوز على رضاكم

يالله يا المعبود رب البرية = يا ناصر المظلوم في كل هيه
يا عالم أسرار البشر و الخوافي = ياكاتب(ن) للعبد حسنه و سيه
إنك توفقني و تغفر ذنوبي = وتكتبلي الجنه نهار المنيه
و إنك تسخرلي رضا الوالدينا = و أكمل لوازمهم في صبح و عشيه
وإنصرت فالدنيا مادور رضاهم = الله يجعلها حرام(ن) عليه
ودي أعبر لأجل أوضح كلامي = وقالولي التعبير يخذل خويه
لكن ياستر العذارى ياعالي = مني سلام إسلام هذي التحيه
وبعد السلام السامي اللي بديته = تمر الحساء سقته مع الشاذليه
الدله أم الهيل يا تاج راسي = كيفك وكيف أهل الوفاء و الحميه
و أقلط على الحايل واكل من شحمها = ثم أغتبق يا جعلها لك هنيه
وبعدها تستاهل العود الأزرق = طيب سبالك ياحميد السجيه
ونذر(ن) على رقبتي يا مال الغنيمه = إني مقصر مالحقت الجزيه
ولاأصل مواصيلك يا طلق الحجاجي = ياطويق مدري طويق قالوا سميه
الطيب لو إنه على هيئة إنسان = تراك تاج(ن) فوق راسه وليه
و أهم حاجه في حياتي يا هامه = راحة يدينك فوق راحت يديه
و بعدها لبا كفوفك يايمه = يا عزوتي يوم أعتزي الحارثيه
مدي كفوفك لأجل أقبل كفوفك = و أقبل الرجلين يا مزهرية
تكفين يا يمه أنا أقول تكفين = تكفين ضحيبي نهار الضحيه
أقسم برب البيت لبيع روحي = و في بيع روحي باقي فضلك عليه
وإختامها يا رب للديم سترك = وتكتبلي الجنه نهار المنيه

الشاعر \ صالح بن عالي الجياشي الحارثي

ذيب الشلاوى ...


ياسلام على الشاعر وجميل بدعه..

وبيض الله وجهك على النقل .. قصيدة

أعجبتني جدا / سلسلة ومعانيها رائعه

صح لسان / صالح الجياشي مدد ولاهنت ..

سلمت يمناك أخوي ذيب الشلاوى

على إنتقاء هذه القصيدة الجميلة

وصح لسان قائلها ونتمنى المزيد من هذه الروائع

ذيب الشلاوي يعطيك العافيه عزيزي على النقل

قصيدـه جدآ جميله صح لسان الشاعر صالح الحارثي

ذيب الشلاوى
اختيار موفق وتسلم
وصح لسان الكاتب والناقل
اسال الله ان يجعلنا ممن يكسب رضاء ابويه
تحياتي لك

صح إلسان الشاعر صالح

وبيض الله وجهك على نقلها

اختيارك موفق اخي الكريم

صح لسان الشاعر اللي ابدع في هالقصيدة

مودتي

الله الله يا ذيب الشلاوى

طالت الأيام بيننا وبينك ونسيتنا واليوم ترجع لنا

بهذه القصيدة الطيبة عسى الله يطيب وجه راعيها ووجه ناقلها

الليلة عيد برجوعك بنا بعد كل هذا الغياب

نرحب بك من جديد ونتمنى أن تتواصل معنا فأهلاً وسهلاً بك في منتداك

ذيب الشلاوى


حياك الله

وصح الله لسان الشاعر

وتشكر اخوي على هذا النقل المميز

وشكراً

صح لسانك ولسان قايلها
وعسى الله يعينا على بر الوالدين
لاهنت وبيض الله وجهك
تحياتي ،،،،،،،