لا تلوم القلب لو يجرح الصوم

لا تلوم القلب لو يجرح ........ الصوم
هذا كلام دارج ما هو ............ قرآن
الصوم فرض نكمله لآخر ........ اليوم
حتى يغيب من الشفق وقت .. الاذان
مير البلا جرح على القلب .... موسوم
قام يتزايد بالبلا طول ........ الازمان
جرح القهر واللي بدا لي من .... القوم
شفت الردي يشره على المدح يا فلان
لو الهوى جرحي صبرنا ....... ولا لوم
لو جالنا من يمهم خوش ....... عنوان
صحيح همي زاد والنوم ...... معدوم
لكن عزانا مالك القلب ......... سهران
متساوي وياه في همنا ........... دوم
والكل منا يشتكي فقد ....... الانسان
عزاه يا جفن فقد لذة ........... النوم
من عبرة تطري لنا ... بعض الاحيان
نخفي بها الغصة فلا يكثر ...... اللوم
من شامت دينه على دين .... شيطان

القارظ العنزي

صح لسانك اخوي ابو فيصل
على هذه القصيدة وما قصرت
شاعر مبدع ومتميز وعسى فالك
الطيب اليوم ودوم

صحة ايامك سمو الشدادين
والابداع في مرورك الأروع

ماشاء الله ابيات جزل وبوح

طيب وراقي منك ياابو فيصل
لك الورد من بعد اذنك باانقلها لمكان

خارج الموقع لموقع آخر وطبت بخير

مرورك وعبورك اطيب
شواهيق ولك ما تطلبينه
بل تمونين على قصيدي كله

حياك الله يا أبو فيصل
وسلمت يا بعدي وعساك على القوة
شاعر ومؤرخ ومتميز في كل الأحوال
ما قصرت وبارك الله فيك

التميز في مرورك
السلطان الله يحييك