اصدق مع الخلاق لا تكتب الزور

اليا صار ما لك بالعرب كل .... جمهور
ابحث عن الغلطات داخل ... ضميرك
اصدق مع الخلاق لا تكتب.. .. الزور
واصدق مع المخلوق والله .. يجيرك
حبل الكذب لو زاد بالوقت . مقصور
واحذر مع الكذبان تلقى .... مصيرك
من عاش بالحيلات يموت ... مفقور
تموت فقري بالعرب من ....... يديرك
الصدق نور بالمناعير من ........ نور
والكذب نار تشتعل من ...... سعيرك
والصدق منجاة من الظلم .. والجور
والكذب يهدم مع الايام ........ بيرك
افطن ترى الفرسان هم عشقة الحور
والخايبة للي أرخصك في .. عشيرك
وافطن ترى المطنوخ بالناس مبرور
واليا كره شرواك ....... ما يستشيرك

القارظ العنزي

جميل جداً يا أبو فيصل
نصائح راقية من رجل راقي وخبير في هذه الحياة
تقدمها بأسلوب شعري مميز وفريد
ما قصرت وصح لسانك ملايين

صح بدنك لاهنت وجمل الله
حالك ايها القدير السلطان

حياك أخي أبو فيصل
وتسلم على هذه الحكم الطيبة
التي تحتويها هذه القصيدة المتميزة
فصح لسانك وما قصرت

صحة ايامك سمو
الشدادين طاب حالك