الحب عشق مشترك يا غناتي

هات ي عطيني من لطايفك منحة
هيا امنحيني فرصة في ... حياتي
والا ترى المعلوق يزداد .... جرحه
وابقى عليل بالمنازل ...... يهاتي
لا سايل عني ولا فيه ....... فرحة
كل السبايب جفوة من ... فتاة ي
الحب ما هو شعرنا ... شاع طرحة
الحب عشق مشترك ..... يا غناتي
والحب ما هو بيننا هرج .... مزحة
بل هو مشاعر تختلج ... بالذواتي
هيا اطعميني من مطاعمك . ملحة
تملح هوانا واهتني في. ... مباتي
حبي اساسه شفتكم يوم ... لمحة
لكن سهمكم انكسر في ..... قناتي
اصبحت أسيرك والبلا طال شرحة
أما تعالج جرحنا ........ او مماتي
القارظ العنزي

سلمت وعساك على القوة أخوي أبو فيصل
قصيدة رائعة بكل معانيها
ما قصرت وصح لسانك

ارحب يا أبو فيصل
وعسى عمرك طويل والله يرفع قدرك
شاعر مبدع ومتميز وتستاهل كل تقدير وثناء

بيض الله وجهك يا أبو فيصل
على هذه القصيدة الطيبة
والله ما قصرت وصح لسانك

يسلم عمرك سمو الشدادين
طبت وطابت ايامك

وبك رحب الله السلطان
هذا فقط من لطفك وذوقك

كذلك وجهك ابيض
واسعد الله ايامك
درع الخوي ونعم
الخوي انت وامثالك