نشكي على اللي عزنا

نشكي على اللي عزنا
يوم ان عربنا .. نايمة
ما همه منه ...... بزنا
ارسل فزوعه . حايمة
رب كريم ........ رزنا
خلا الردي . كالسايمة
يوم ان بعضهم خزنا
بعين الحسد سخايمة
وبراس موسه . حزنا
ربك بتر ...... قوايمه
ليته سكت .... ما لزنا
ان كان ما حد لا يمه
لكن بذنوبه ..... هزنا
والروح منا .. صايمه
قلب البشر من .. وزنا
في دعوة رب صارمة
يا سعد منه ..... كزنا
في حاجته واللازمة
نقضي اللازوم . بعزنا
والا الردي . ما نلايمه

القارظ العنزي

صح بوحك ياابوفيصل ع الابيات ابدعت

ولك الورد اطيبهه

صح بدنك شواهيق
وأرجو نقل القصيدة
لقسمها الصحيح فقد
وضعتها هنا بالخطأ

حييت يا أبو فيصل
والله يرفع قدرك ويعلي منزلتك
شاعر مميز وتستاهل كل طيب
وصح لسانك ملايين

صح بدنك السلطان
لاهنت ولا هان منطوقك

صح لسانك وأعتلى شأنك يا أبو فيصل
ما قصرت وبيض الله وجهك على هذه القصيدة

سلمت وصح لسانك يا أبو فيصل
ما شاء الله على حضورك وتميزك
في الشعر والتاريخ والمعلومات الهادفة

صح بدنك درع الخوي
لاهنت
ولا هان منطوقك

يسلم عمرك وصحة ايامك
سمو الشدادين دمت بخير