تشيلني عزتي وسلوم جداني

العذر مكتوب لاصـار الخطـا مقـري=آسف على ضحكتي وآسف على احزاني


خطـاي معـذور والا غلطتـي عـذري=و مرارة العذر في قلبـي وفـي لسانـي


مدري وش اللي ذكرت وضاق به صدري=مدري وش اللـي نسيـت ولا تنسانـي


لبست انا ثـوب لاطولـي ولا قصـري=ياطيبـه القلـب ويـن القلـب ودانــي


سنتين من عمرها مرت ومـن عمـري=سنتيـن احـس الزمـن فيهـا تعدانـي


سنتين مرت حياتـي مـن ورا ظهـري=والحـب سجنـي ومسجونـي وسجانـي


والشعر مطرود من قلبي ومـن فكـري=سنتين ماني ب انا مانـي باحـد ثانـي


غنيـت للنـاس والدنيـا علـى خبـري=والشعر في دفتـري مغـرور وانسانـي


غنيـت للحـب يـوم عيونهـا تغـري=يوم الوفـاء والكـلام الطيـب الحانـي


غنيت للدمـع يـوم ان البكـى كبـري=واليوم انا اكبر من دموعـي وحرمانـي


اليوم ماعاد يمدي اللـي جـرح يبـري=مليـت كثـرت خطاياهـم وغفـرانـي


مليت انا الشعر مل الشعر مـن شعـري=مليت انا الحـب مـل الحـب وجدانـي


و لو هي عليه عزيز النفس من صغـري=ماشاور القلـب فـي كرهـي لعدوانـي


ان رحت ياكثرهم وان جيـت ياكثـري=ضاقت بي عيونهم لـو كنـت وحدانـي


تعبت وازريت مامليـت مـن صبـري=ليـت الـذي راح منـي كثـر ماجانـي


احيان ودي اطيـح مـن التعـب وازري=و تشيلنـي عزتـي وسلـوم جـدانـي

الشاعر / سعد الحريص

صح إلسان الشاعر وسلمتي على النقل يا شموخ

		المشاركة الأصلية بواسطة : بندر النايف اقتباس
	صح إلسان الشاعر وسلمتي على النقل يا شموخ

بندر

صح بدنك

ومشكور على تواجدك

شموخ


صح لسان




الشاعر



وأختياركــ الموفق.

		المشاركة الأصلية بواسطة : خيال الشدادين اقتباس
	شموخ صح لسان الشاعر وأختياركــ الموفق.

صح بدنك يالخيّال

وشكراً لتواجدك وردك .

صح لسان شاعرهاااا

شكراً لك ِ ياشموخ

كل الود

احسنتي النقل شموخ تحياتي لك بالتوفيق

صح لسان الشاعر الحريص
وسلمت يديك يا شموخ على هالأختيار المتميز

تقبلي تحيتي

احيان ودي اطيح مـن التعـب وازري
و تشيلنـي عزتـي وسلـوم جـدانـي

رهيييبه

صح لسان شاعرها

وتسلمي ياشموخ

راائعه
صح لسان شاعرها وسلمت يمين ناقلتها
تحياتي