جتكم عصارة فكرنا لك هدية

جتكم عصارة فكرنا لك .. هدية
دامه يشوقك حرفنا . والقوافي
تعال وادعم حرفنا .... بالحمية
وحنا لكم نكتب حروف انظافي
لولا الهقاوي والاصول .. الندية
ما قالوا بالعربان رجل . سنافي
اليامرنا بالبيض خطو .. العذية
بنت اهلها يقطعون ... الفيافي
نطرب لوصل الجادل الغشمرية
لو حدة المشتاق كثر . الشلافي
نثبت لها عشق النقي ... والنقية
ما هي سوالف مسرد ما يشافي
جاك الجواب المحترم والتحية
يا ناسع المجدول زين الاشافي
كتبتها والقاف ما هو .... قضية
يزين للي لقافنا ....... ما يعافي

القارظ العنزي

صح بوحك ياابوفيصل
ع جزل الابيات ورائعها
ماقصرت كثر خيرك

لك الورد اطيبهه وعافيهه

صحة ايامك شواهيق
طبت وطاب فالك ومآلك

كفو كفو يا أبو فيصل
شاعر مبدع ومتميز والله يطول بعمرك
ما قصرت وصح لسانك اليوم ودوم

سلمت ولا ندمت يا أبو فيصل
وصح لسانك على هذا الابداع الشعري
ما هو غريب عليك والله يحفظك ويبارك فيك

ما عليك زود درع الخوي
طبت وطاب مرورك العطر

يسلم عمرك السلطان
ولاهنت يالعزيز

صح لسانك أخوي الشاعر
أبو فيصل
ولا هنت وعساك على القوة

صح بدنك سمو الشدادين
دمت بالوجود وكل جود