أسمى تهانينا

الاخوه الكرام اداري واعضاء
((شبكة الشدادين الرسميه))
اسعد الله اوقاتكم بكل خير
نهنئكم بقرب شهررمضان المبارك
ويطيب لي اطرح على انضاركم هذه القصيده المتواضعه بمناسبة تخرج ابن اخي /مشعل بن عبدالله بن عبدالعزيزبن خليفه الحارثي
من كليه الملك خالد برتبة ملازم اول تمنياتنا له بالتوفيق ودمتم
والشهر مبارك علينا وعليكم

اسمى تهانينا يا مشعل وتهناك=واسمى تباريك القلوب الحميمه
جزل القصيد ومقصده من مزاياك=يرقى على القمه بذوق الفهيمه
وشرفت من جاهد من اجلك ورباك=وحملت اراده للملوك الكريمه
فخرا لعمانك وربعك وسيماك =ولخوالك الزود رجال الزعيمه
تبارك الله زادك الله ويرعاك=بالخير والخيره مفاخر هميمه
خلك وانا عمك على قدر ما جاك=وارقى المعالي والنوايا سليمه
وحافظ على دينك وبرك ومعناك=وابوك لا تنسي عطاه وقديمه
الطيب والمعروف ثابت بمبداك=وللحق عون ولا تجامل عديمه
على النقاء والطيب عزز لممشاك=ولا تتبع أفكار الرخوم السقيمه
واللي على الطيب يودك وخاواك=خاوه على الطيب بقيمه وشيمه
واياك وايا صاحب القيل لاجاك=يرميك باقواله فدرب الظليمه
اللي يعزك يا عزيزي ويفداك=قوله وفعله ما يخالف صميمه
وراعي العلوم الغانمه لا توزاك=خلك زبون العانيه والتميمه
والوقت لا يغريك لا شفته ارضاك=ترى الليالي ما لها مستديمه
ارقى افق خل المدر تحت ما طاك=والله يزيدك من خزاين نعيمه
ما دام حققت الشرف بأول خطاك=خلك على درب الشرف يا نديمه
منظومة الشاعر وعمك بنصواك=للنجمه اللي فوق كتفك لزيمه
والتهنئه من حق مثلك وشرواك=في ملتقاك اليوم بوح الوسيمه

ما شاء الله تبارك الله
ألف مبروك تخرج ولد أخوك ويستاهل
ومنها للمناصب الأعلى
ولا هنت وصح لسانك

الله يوفقه وعقبال اعلى المناصب
وصح لسانك على جزالة وصاياك له

كفو والله يا أبو محمد
راعي واجب وما هي غريبة عليك
يستاهل الطيب من جاء به
وتسلم وبيض الله وجهك على هذه القصيدة
وصح لسانك ملايين

صح لسانك ولا هنت يا أبو محمد
ومبروك تخرج بناخيك مشعل وعسى فاله
الطيب والمناصب العليا

تبارك الرحمن

والف امبارك له لي ولد اخوك التخرج ومنها للعوالي المناصب

صح بوحك جزل البيان
طبت بخيرر

صح لسانك يا جزل البيان
مبدع ومتميز وما قصرت
ويستاهل الطيب من حصله

		المشاركة الأصلية بواسطة : سمو الشدادين اقتباس
	ما شاء الله تبارك الله ألف مبروك تخرج ولد أخوك ويستاهل ومنها للمناصب الأعلى ولا هنت وصح لسانك

اختي
سمو الشدادين
هدانا وهداك الله
وصح بدنك والله يبارك فيك ويسلمك
شكرا على الاطراء العطروالمرور الزاكي
تقبلي خالص
تحيـــــــــــاتي

		المشاركة الأصلية بواسطة : خيال الشدادين اقتباس
	الله يوفقه وعقبال اعلى المناصب وصح لسانك على جزالة وصاياك له

اخي الغالي
خيال الشدادين
ويوفق الجميع وصح بدنك ياسنايدي
شكرا على الاطراء العطروالمرور الزاكي
تقبل خالص
تحيــــــــــــــــــاتي

		المشاركة الأصلية بواسطة : السلطان اقتباس
	كفو والله يا أبو محمد راعي واجب وما هي غريبة عليك يستاهل الطيب من جاء به وتسلم وبيض الله وجهك على هذه القصيدة وصح لسانك ملايين

عزيزي
((السلـــــطــــان))
ماعليك زود ياسنايدي وصح بدنك ولاهنت ياسنايدي
شكرا على الاطراء والمرور الزاكي الذي نحضى به من لدنك دائما
تفضل بقبول خالص
تحيـــــــــــــــاتي