مدام حبي ما مشى في عروقك

صحيح ان مخطي معك في حقوقك
لاكن خطايه كان تدمحه الاعذارً

قامت تكاشح في السما لي بروقك
ابروق صيف كلها عج وغبار

مادام حبي مامشى في عروقك
ولا قدرت تغظ عنا بالنظار

لازم تحمل عاقبتها حروقك
الي يشب النار يصبر على النار

كنت اتحرا كل ماصبح شروقك
انت الحياه وانت عزمي والاصرار

مليت من موالك ومن طروقك
ومليت من زود المعاند والانكار

كانه كبر اعرف ترا الله فوقك
بكره تعلمك اليالي والاقدار

نتايج الاخطا بكره تسوقك
والنفس عزتها من الذل تنهار

ترضين غصب بدون عذر يلوقك
طيحتك من عينن لها الف مقدار

كان التواضع تاج راسك وطوقك
وبساطتك كانت غطى لي وستار

مدري وش واصف كل مابان شوقك
وعن كل احاسيك وعن زين الافكار

مغير اعدد بالحسن في فروقك
الي تتوه كامل العقل لاختار

ارحب يا أبو نايش
والله يحييك ويبارك فيك
كفيت ووفيت وما قصرت
وبيض الله وجهك وصح لسانك ملايين

النائش
شاعر مبدع ياابو نائش
فالك التوفيق. لاهنت

صح لسانك يا أبو نايش
ولا هنت وما قصرت وعسى عمرك طويل
شاعر كبير وشهادتي فيك مجروحة

قصيدة جزلة من شاعر جزل
كفيت ووفيت وما قصرت
ولا هنت وصح لسانك