لا يا بحر يا اللي تغازلك الأشعار

لا هنت وصح لسانك يا الذيب
وأتمنى تتواصل معنا بكل جديد

ربعي بعيدين المطامع والانظار=بحيله وحال وسيفٍ املح جريدي
من عصر راس ذياب عساف الامهار=لفعولهم وسم وعمار وشهيدي
لاجيت اعدد في خصايلهم احتار=بين السطا والجود فكري شريدي
اذكر مهيّبة العدا سقم من جار=ولا اذكر مضرّين راس الهريدي
ولا اذكر اهل البير حماية الدار=سبعه وحدّوا من حداهم حديدي
يامدح عبّر للرياجيل معبار=واحصد معاريف النشاما حصيدي
مزبّنة من ضامه الويل والعار=امداحهم تملا البحور وتزيدي
من روس ابالحارث طويلين الاشبار=اللي لهم فالعز مجدٍ تليدي
تشهد قبايل نجد واطراف سنجار=وتشهد مغلقة النحور وتشيدي
يكفي ليا عديت مقبول وعجار=عون القريب وكحل عين البعيدي
لايابحر خلك على قلبي ستار=وحبل التواصل في هوانا مديدي
ماطعت بك قولت .. ترى البحر غدار=طبعي كذا فالعشق راسي عنيدي
شفني على شانك تمثلت الاشعار=واعذب طواريق الهوى والقصيدي


والله قصيدة ترفع الرأس وتشرفك وتشرفنا

وبيض الله وجهك ولو إني شاعر كان رديت عليك بمدح فيك

والله والنعم والسبعة أنعام بمقبول وعجار

وفعولهم معروفه ومذكوره؟

صح لسانك
مليااااااااااااار




تقديري

صح لسانك ولا هنت يا الذيابي وقصيدة طيبة

صح لسانك يا بشير

جزلة من شاعر جزل دائماً

		المشاركة الأصلية بواسطة : السلطان اقتباس
	الله الله يا شاعرنا العذب أبو محمد جميل جداً أن تتحفنا بمثل هذه المشاعر الفيّاضة ورائع أن تطربنا بكل جميل ورائق لا هنت وصح لسانك يا الذيب وأتمنى تتواصل معنا بكل جديد

صح بدنك وشكراً على مرورك الجميل

		المشاركة الأصلية بواسطة : تــــرف اقتباس
	صح لسانك ملايين يالذيابي " أكثر بيت عجبني لأنه يحمل العناد والمكابرة على العالم كلها اللي تقول البحر غدار وبكل عناد وبوقفة عاشق تايه وضايق ومحتار ... ماأجمل هذه القصيدة مع ماحملته من مناجاة ومعانقة البحر بظلام الكون وتوهان الفكر أبييات جزلة حملت وقفة بحر وشرهة دهر ونقص الصبر ... بوحك بالأوجاع وقسوة الزمن وتغيرات البشر حملتها تلك الأمواج بكل قسوة وارتطمت على حجر الواقع فما زاد الظلام إلا ظلام ولا نفع البوح في تغيير ويلات البشر وحنقهم العجيب وحسدهم المرير وغيبتهم القاتلة وما إلى ذلك .. وذكرتني بأبيات لفهد المساعد اللي قال فيها : ياصاحبي لاتجي وتقول لـي قالـوا لوقلت ماقلـت غيـــر الله يجازيهـــم لاشفت بعض الأوادم للـــردى مالــوا نفضتهم من عيونـي قبـل أخليهـم يكفيني القـدر نلتـه يـوم مانالـــوا الا أو أقول مابغى أجيـب طاريهـم ماقول غير أنت لامن حطـوا وشالـوا تعـوذ برحمـة الله مـن أساميهــــم وذكرهم أن العمار إن طالت وطالـوا الخالـد الذكـــر ولا المـــوت قافيهــم أم أنت ياقـلـب لـو صالوبـك وجالـوا خلك مثل ماأنت لاتشرهه على يديهم الناس مـن خلقة الدنيـا ومازالـــوا عيـال رجـال لكـن فيهـم وفيهـــم ذولاك من عرض ناس مالي إن مالوا الا أني أسكت وأقــول الله يجازيهـم ونعم في بالحارث وكفو ودايم على العليا سنود ... صح لسانك ,, وسلم قلبك ,, وعلا شانك .. لاهنت على هالجزلة ياشاعرنا "

ترف

صح بدنك
وشكراً على هذه القراءه الجميله والرائعه
دائما مميزه لا خلا منك ولا منك عدم