تدري ؟ أهي لك !

تدري أهي لك وللشيطان = هونت ماعاد لي فيها
عجزت تكرم بها حمدان = خذها عساك انت راعيها
وأنا لي الله عظيم الشان= وعلول قلبي يداويها
بنيتها تحسب انك انسان = بيقال لك طاب بانيها
لاوالله ياصاحبي غلطان = مادمت تجهل مداويها
من يلقط الهينه ينهان = ويبوس باطن حذاويها
ومن تطفل مع الورعان = يصبر ويحمل هقاويها
واليوم ماني معك طمعان = صيدتك مادمت شاويها
ياليتها تشبع الجوعان = عضمانها مع كلاويها
ماني حسوفن على شي كان = لك ماعليها ومافيها
حزيت لك من قديم ازمان= تضوي بها في مضاويها
وابا عليك الحقد والجان= زانت لنفسك سلاويها
الحاصل ؟ المقبله بتبان ! = واللي هدمها يسويها
غطى السحب من على الشفيان = والغيث روّت بداويها

وشكراً لكم .

الله الله
يا أبو حمد
على وزن الكسرات والقوافي الخفيفات
تسلم ويسلم غاليك وصح لسانك ملايين
وننتظر منك المزيد

من يلقط الهينة ينهان ويبوس باطن حذاويها .

صدقت يالطيب وصح لسانك
ويعطيك العافية ..
ننتظر جديدك

صح لسانك يا شاعرنا

قصيده اكثر من رائع ووصف جميل

يسلم لنا ذوقك الشعري الراقي

وسلمت يمينك على القصيده الرائعه

دوم مبدع ولا تحرمنا جديدك

صح لسانك شاعرنا
سلمت يمينك ع القصيده الرائعه

		المشاركة الأصلية بواسطة : اقتباس
	الله الله يا أبو حمد على وزن الكسرات والقوافي الخفيفات تسلم ويسلم غاليك وصح لسانك ملايين وننتظر منك المزيد أهلاً بأبي عبدالله وعساك سالم .

لاهنت أخوي وصح بدنك وسلمك الله من كل ذي شر .
لاعليك ياصاح كل مافي الامر :
(ونور الفجر يشهد له شعاعه)
ــــــــــــــــــــــــــ

هنى يا أبا عبدالله نواشغ الخوافي لتلك القوافي !! خلك معي - خلك معي / شاهد معي شاهد معي .
هههههه الله يرحمه .
ودائماً خذها من إول تساؤلاتك .
لماذا إختار أبو حمد هذا التساؤل والإستغراب؟!! ( وش الطاري .. وش قومك).
،،،،،
أبحر معي من هنا واروي عطشك ربي يسعدك ولا يحرمني أخوتك السامقة .
ــــــــــــــــــــــــــــــ
ودّعْ هريرة َ إنْ الركبَ مرتحلُ،
وهلْ تطيقُ وداعاً أيها الرّجلُ؟

غَرّاءُ فَرْعَاءُ مَصْقُولٌ عَوَارِضُها،
تَمشِي الهُوَينا كما يَمشِي الوَجي الوَحِلُ

كَأنّ مِشْيَتَهَا مِنْ بَيْتِ جارَتِهَا
مرّ السّحابة ِ، لا ريثٌ ولا عجلُ

تَسمَعُ للحَليِ وَسْوَاساً إذا انصَرَفَتْ
كمَا استَعَانَ برِيحٍ عِشرِقٌ زَجِلُ

ليستْ كمنْ يكره الجيرانُ طلعتها،
ولا تراها لسرّ الجارِ تختتلُ

ـــــــــــــــــــــــــــــ
ولا تراها لسرّ الجارِ تختتلُ
تختتلُ
تختتلُ

إنه الجمال بعينه يا أبا عبدالله ، فإن لم يكنفه ويحداه الخلق والتعفف ، فما هو إلا القبح ظاهره وباطنه ،لكل قبيح أجارنا الله وإياكم من ذلك .
الطاري.

		المشاركة الأصلية بواسطة : أم وريف اقتباس
	من يلقط الهينة ينهان ويبوس باطن حذاويها . صدقت يالطيب وصح لسانك ويعطيك العافية .. ننتظر جديدك

صدق الله قولك وتسلمين سنين ولاهنتِ يابنت الرجال .
وهاهو جديدي وسيليه جِدادُ.
ــــــــــــــــــــــــــــــــــــــــــــــــ
إن الفراش التي في ظهورها قِذذُ ُ
عيّفت منها وروحي مالها فيها

لاترتجي الطير للطاري ولا أملُ ُ
مادامت العين تخفي لي بلاويها

ابو حمد

انت

داهيه

وكفى

ابو حمد

مااقول الا صح لسانك ياالامير وانت راعي الجزاله والله وانا اخوك والله يرحم من جابك وتقبل مروري وفائق احترامي

		المشاركة الأصلية بواسطة : بناخي الطحاطيح اقتباس
	ابو حمد انت داهيه وكفى

أهلاً بشاعرنا سعد .
الله يوفقك أخوي ويسعدك ويرضى عنك في الدارين .
لاهنت وقواك الله .