وقائع وتواريخ ... اهداء لقبيلة بني الحارث

		المشاركة الأصلية بواسطة : أماني زياد اقتباس
	صح لسانك فصيدة الحلوة مشكور ما قصرت يعطيك ألف عافية

صحت ابدانك يا اماني وحياااااااااك ربي

كل الشكر لحضووورك

		المشاركة الأصلية بواسطة : خيال الشدادين اقتباس
	عيد صح لسانك قصيدة جزلة من شاعر الجزالة امتدحت قبيلتك فهي تستحق المدح والثناء دائم محافلها تشرف هذة قبيلة بني الحارث جمرة العرب ومهما قلنا فيها لن نوفيها حقها وفقك الله

صح بدنك يابو مشعل

ولاهنت على مرورك المميز وحضورك الراقي

كل الشكر لك

صح الله اللسانك وبيض الله وجهك واطال في عمرك
لاتستغرب الجزله إلا إذا اتت من غير اهلها
وانت راعيها ولاهي غريبه منك يابوعبيد ويحق لك التفاخر بأفعال ربعك ومليون نعم بك
و المفروض هالشامخه تثبت للأبد

صح الله
لسانك
ياعيد
وماقصرت
والف شكرلك على المشاركه

		المشاركة الأصلية بواسطة : العربية للعود اقتباس
	~ صح لسااانك ..كفيت ووفيت وربي يسعدك ~

صحت ابدانك يالعربيه

وحياك ربي

		المشاركة الأصلية بواسطة : عيد الشدادي اقتباس
	في الحقيقة العنوان يحمل أسم كبير يطول الحديث فيه وتكثر فيه الوقفات مع مشاهيرنا والتوقف عند كل حادثة مرت بأبطالنا في عصر البقاء للأقوى عصر الجوع والطمع والخوف قبل أن يمن الله على هذه البلاد بالأمن والأمان بعد توحيد المملكة العربية السعودية على يد الملك عبدالعزيز رحمه الله فالحمد لله على هذه النعمة العظيمة. . . . . انا لاجيت ببدا في القوافي=يزين الجو لي ويصير صافي انقي واتخير في المعاني=واجيب الجزل واكب الخفافي اجيب البيت الاول في دقيقه=ويجي الثاني على نفس الطريقه وعسى من لا يصدق في حريقه=مدام ان الزمن فيه اختلافي وبعد مازان جوي ياجماعه=بسوق القاف انا في ربع ساعه وهو يقول لي سمعٍ وطاعه=ولايعصى مدام العلم وافي وفي القيفان ماني بمتغزل=وعن شعر الغزل فكرت اعزل ولو الحب في القلب امتزلزل= بكب الحب والدنيا عوافي وابا اجيب السواليف الجزيله=وابا امدح في الرجال اهل الجميله رجالٍ تعتلي راس الطويله=وكل افعالهم دايم تشافي رجالٍ مدحهم واجب عليه= هل الطالات ورجال الحميه وكل علومهم دايم وفيه=وابا اهديهم بيوتي والقوافي ولاهو عيب لامن قلت ربعي=لهم مجدٍ عريق وزاد طبعي ينابيع الفخر تشهد لنبعي=وانا ذخر الرجال اهل الرهافي بني الحارث عطيبين الفعايل=قبيله تنعرف بين القبايل وانا منهم وراسي دوم طايل=ولاني عن وجيه القوم خافي ولد شداد وعزومي قويه=وربعي كل ابوهم صيرميه بني حجري ليا من ثار هيه=الا كم طامعٍ عود خلافي برينيسي ومن صبيان دمشق=والي بالجود والطلات معشق يوم ان الاش وقت الفعل يشقهق=على الحساد هبي ياسوافي انا لي عزوةٍ يوم المقاوى=يردون الذياب اللي تعاوى بني بنيوس ورجال الشلاوى=وذكر الناصري ماهوب خافي فعول اعجير ابن مهرس كثيره=ومقبول انشهر بارض الجزيره بيارقهم ترف بكل ديره=غنايمهم تجي ماهي مقافي عجير اللي مشى غازي بحشرا=وجيشه مايعود الا ببشرا وحالة من طمع فالجيش قشرا=ليا من راح ولا عاد لافي يوم ان الفارس الطاغي تمادى=وجت قيفانه العجله تعادى تحداه ابن مهرس ماتهادى=وقال ان جيتنا بتعود حافي وعايض كانها ثارت غبرها=يرد شيوخها ولا جبرها الا كم وقعتٍ عنده خبرها=ليا منه قطع كل الفيافي واخو فاحا وخيال البويضا=شرار اللي مكاسيبه تفيضا بوقت البرد ولا وقت قيضاً= على طول السنه فعله يشافي وابن مهرس مبارك عان ذكره=مع اهل المعرفه في كل فكره خصيمه لاسمع طاريه يكره=لانه في ديار القوم طافي ومقبول ان غزى جاب الغنايم=هذا ابن هريس قطاع الخرايم ليامن صار عج الجيش قايم=يحوز الفوز دايم بحترافي ولا انسى فعل من حاز الجماله=هذا ابن حريش كساب الشكاله ليا منه رمى صاب بسهاله=وفعله بين كل الناس كافي ولا انسى عيد ابن عايش وابا اذكر=شجيعٍ سيرته تذكر وتحكر الا كم طامعٍ جوه تعكر=ونور اللي تحدى عيد طافي ودوخي بن مهلج له فعوله=واخذ له في ديار القوم جوله يحوز المجد بالغصب وينوله= ولا للعلم ذا شيٍ ينافي ومحسن له فعولٍ تفتخر به=يقود الجيش سربه خلف سربه مدام ان العواجي مشتهر به=على نوماس ربعي جبت قافي وابن عاتق مع ابن شويش حازوا=على جزل الغنايم ثم فازوا لجل نوماسهم فزو ونازوا=وغير العلم ذا بقول مافي وفريس القبيله والغزاوي=يضيع الوقت ماجبت التساوي (صباح الحزم )(ولا يوم ضاوي)=عناوينٍ لها قسم ومرافي وغزوة (عن) (وموقعة البهاره)=ونخوة عايضه جت فالصداره وجارٍ ماترك خلفات جاره=بعد جوها الحناشل باختطافي ولاني ناسيٍ (غزوة طميه)=ولا (ريع الخويطر) يالبريه ومضى يم (ابرق الجلبه) عشيه=يقول الخصم ليتي كنت غافي وعدٍ مشربه جمٍ زلالي=حماه الله وحامين التوالي بعد صفق البنادق والصقالي=شبع ذيب الخلا والطير رافي وشعار القبيله لا لفينا=وجزلات الغنايم في يدينا بوسط ديارهم ياما حدينا=ولا للصدق فالواقع تنافي هذا فعل الطحاطيح النشاما=ماهو فعل الضعيفين الغشاما وياكثر السوالف والكلاما=وابه عدةٍ مواقيفٍ خوافي الا كم ديرةٍ ربعي حموها=وشربوا عدها ثم اوسموها وعين الطامع الحاقد عموها=يوم ان الاش وسط الخدر غافي لكن اليوم في حكم السعودي=عيال العود ذربين الجدودي نعيش اخوان في كل البدودي=ولابه ياهل الطيب اختلافي بعد روح زمان الجاهليه=وبايعنا المليك بحسن نيه نعيش اسنين وشهورٍ هنيه=ولو باصف يجي وصفي خرافي ولكن نعم في كل القبايل=لهم فالواقع امجاد وفعايل اكررها واقول الشك زايل=ولا للصدق ميلٍ وانحرافي وانا شاعر ليا هاضت هجوسي=الا كم واحدٍ يتبع دروسي ولا هموني اضعاف النفوسي=اقول الصدق لو الصدق جافي اقدر عزوتي ويشوش راسي=ولا البس فالثياب الا مقاسي وافرق بين لعبات الكراسي=وهرجي دايماً للجرح شافي ولا يرضي غروري في زماني=سوا جزل القوافي والمعاني مدام الله عطى الناس وعطاني=اموت ولا حسبت حساب هافي احب الجزل واصخر اطروقه=واعزه واظبطه واحفظ حقوقه واعشق الفكره الغير امعشوقه=ولاني من محبين العجافي وصلاة الله وتسليمه على اللي=تبعنا سنته في كل حلي على محمد نبي الله اصلي=عدد من زار بيت الله وطافي . . عيد بن عبيد بن سلطان الشدادي

مبدع وشكرا لك على موضوعك القيم ونقول بيض الله وجهك يبن العم و ماقصرت

شكرا لك على موضوعك القيم ونقول بيض الله وجهك