قصيدة موجهة للسلطان

هذي القصيدة أوجهها للسلطان ابو عبدالله عندما
قال لي سيصبح لك حضوراً طيباً في المنتدى فقلت:

سلطان يا سلطان يا نسل حوران=تكفى تراها تكفي الكون كله
انا من أغلى ورد بأهديك بستان=الطائفي كل البشر ما تمله
مثلك يعرف الكسر ويعرف الأوزان=وانا بقول اللغز وأنته تحله
يهمني رأيك بنا يا كحيلان=قدام ناقف في مواقف مذله
أما ابتدي واطبع من الشعر ديوان=والا بلاش أخم سيفي واسله
أمي تعاتبني تقول أنت غلطان=شعرك ضعيف ولا حدٍ فاطنٍ له
الشعر يا بني ينبني خوش بنيان=إن كان ما تعرف بنا الشعر خله
الشعر له صبة قواعد وعمدان=كأنك تعمّر لك على الخط فلّه
شف خالد الفيصل بمجموعة إنسان=بنا طويل العمر روحي فدىً له
احذر تجي علكة فم فلان وفلان=الشعر لا يلهيك والفرض صله
واقول كيفي يا أم فواز بطران=بأنسب قصيد أبوي الي واستحله
قصايد المرحوم جزلات وسمان=ما فيه أحد يلقى على أبوي خله
جتني وهي لي لينة قلب ولسان=أبوك شاعر جدكم شاهد له
جتني بنات أفكاري أشكال وألوان=نظمتها في اقل من شرب دله
وانهالت الافكار ياخوك بركان=في وقتها تقدر تعبي مجله
اما عطونا الضوء الاخضر على شان=اهلّها من مزنة مستهله
والا قل انحش جيتكم للمرستان=عادي ترى بزوّد الطين بله
يمكن تصيب احط في شهار دكان=اشوي حبش وابيع والحمد لله

تسجيل حضور يا ذيبان
ولي عودة بإذن الله الليلة
وأعطيك العلم كله

انحش جيتك شكلي بنحاش انا . صراحة شاعر الله يوفقك قصيدة قمة الروعة
بس لا تنسانا من الحبش:applause:

تحياتي وتقديري.

صح السانك قصيده رائعه ولاااهنت

انحش جيتك هههههههههههههههه

صح للسانك اترك الرد لسلطان..!!

حياك الله يا الذيب من جديد
أنا والله عارف إنك مطنوخ وشاعر ومن رووس شعّار
كان يبغى لك في البداية بعض التوجيه لا أكثر ولا أقل
وأنا متأمل منك الكثير ومتأكد إنك في يوم من الأيام
بتكون من كبار شعراء هذا المنتدى
قصائدك طيبة وأنا أخوك
واللي فات مات ما عليك منه ولا تفكر فيه
وأنا أول من يرحب بك
والضوء الأخضر متاح للجميع في حدود الأدب والاحترام
وما أحد يقدر يقول لك شيء دام أنت ملتزم بحدودك
وفقك الله
وإن شاء الله نشوف لك المزيد من الابداعات

أولاً :-

صح لسانك ملايين

ولك مني هذا الاهداء

الشعر سبك وحبك وبحور واوزان=وان اشهد ان الجزل محدٍ يمله
اقوووووول لك شاعر ومبدع ولك شان=بإذن الإله مكون الكون كله
شهادةٍ مني بلا شك يافلان=نجمك سطع بين النجوم المطله
عسى لابوك بجنة الخلد مسكان=ويحفظ لك أم ٍ قالت الشعر خله

أخوي الغالي انت شاعر وسلالة مجد وفخر شعر

أسال الله ان يرحم والدك وأن يسكنه فسيح جناته

وأن يجعلك عملا ً صالحا ً له بعد مماته

وأن يحفظ لك والدتك وأن يجعلك قرة عين ٍ لها

سجل إعجابي

وتقبل تحياتي

انحش

صح لسانك وتمسك فالوصيه زين هههههه

مبدع ياغالي

سجل اعجابي ولاهنت

والله يرحم والدك ووالدين المسلمين اجمعين

صح لسانك ولاهنت اخوي
قصيدة جميلة ومعبرة .. لاهنت على طرحها
وبـ انتظار جديدك وتواصلك .. تقديري لك .

بارك الله فيكم جميعا شهادات اعتز فيها اضعها وسام على صدري من ابنا عمومتي وكلي فخر فيكم تقبلو تحياتي