۞ ديوانية الشدادين ۞

	بسم الله الرحمن الرحيم نظراً للبس الذي قد حصل في الموضوع الأول لأخي العزيز مطارد سراب والذي قد يساء فهمه من بعض الأخوان أو الأخوات في حين كان كاتبنا مطارد سراب لا يقصد أي عضو بكلامه في هذا المنتدى أبداً ولا يعني به أي أخ أو أخت بل كان كلامه عاماً وحواره متصوراً بما كان يتكلم عنه ولم يقصد أبداً أي حادثة واقعية أو قصة حقيقية حتى لا يساء فهمه من أي عضو أو عضوة. ولذلك ودرءاً لأي فهمٍ خاطئ قمت أنا بعد إذن أخي مطارد سراب بحذف الموضوع وافتتاح الديوانية من جديد ... وأتمنى من أحد الأعضاء أو المشرفين افتتاح هذه النسخة بأي موضوع نقاشي أو حواري أو جلسة لنتكلم براحتنا بعيداً عن أفكار ومعتقدات الغير. أنتظر من يأت ويفتتح الديوانية ويبدأ بالكلام وفقكم الله

السلطان الله يسلمك
اخونا مطارد سراب شرح في بداية موضوعه ووضح انه لا يقصد احد
ولا يقصد منتدانا
والمشاكل هذي تحدث في كل المنتديات
لكن ,,,,,,,,,,,
(من اتقي الشبهات فقد استبراء لدينه)

,’
بسم الله الرحمن الرحيم

اولاً الف مبروك الافتتاح ..وتحقيق رغبة اخونا مطارد سراب ..

ونبدأ بحق الضيافه :moptop:

..
وللناس اللي ماتحب الحركات دي احلى تمر وقهوة من اللي يحبو قلبكم :wink5:

,,

دحين إذا سمحتو ليا اني افتتح بموضوع خفيف لطيف مر في بالي ..

إذا سألتك هل تحب الرسول صلى الله عليه وسلم ..؟؟

حتقول ..نعم مافي شك ..

وكلنا عارفين انو حب الرسول يتمثل في الاقتداء به عليه افضل الصلاة واتم التسليم ..

طيب ..رسولنا الكريم في حديث شريف اترككم مع نص الحديث ..

عَنْ أُمِّ الْمُؤْمِنِينَ عَائِشَةَ رَضِيَ اللَّهُ تَعَالَى عَنْهَا قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: خَيْرُكُمْ خَيْرُكُمْ لِأَهْلِهِ وَأَنَا خَيْرُكُمْ لِأَهْلِي أَخْرَجَهُ التِّرْمِذِيُّ.

وكل من قرأ سيرته العطره ..على يقين بأن الرسول صلى الله عليه وسلم كان يساعد زوجاته في أمور المنزل ..

السلام عليكم ورحمه الله وبركاته

الديوانيــــة للجميــــع
للسوالف والنقاش
كملتقى يجعنا تحت سقف واحـــــــــد
بعيدا عن روتين المنتدى
كفاصلة وقت .. بعيدا عن الملل ..

في أنتظار الأعضاء من أجل أن نبحر معهم
في النقاش المفيد والجاد

طاقم منتديات الشدادين

أين أنتم

همســــه

عاد الله لايهنيكم اي احد يجي للديوانيـــة
لاينسى يجيب قهوة _ شاهي .. حلا .. مكسرات ..

ولا اقولكم به بوفيـــــــة هنا للطلبات
عاد لاوصيكم كثروا طلبات .. بنجمع الدراهــــــــم

ياهلابك والله

نورتوا كل أبو الديوانية

أخيراً تم افتتاح الديوانية

ا


أممم نجي للحكي السنع واللي يجمد على الشارب

حيا الله الربع ومساكم الله بالخير والمسرات ..

أنتم : مسّاك الله بـ النور

أنا : كيف الحال ؟ وشلونكم ؟ عساكم طيبين ؟

وشلون العيال ومن يعز علاكم ؟ هات العلوم !

أنتم وأنا :ستر الله يدوم , عساك طيب ؟ إي والله وشلونك ؟

عسى ماتعد خلاف ؟ ياخوي وش هالقطاعة ؟ لك شهور

ولا كلمه ولا علمه ؟ ترى كلن يموت وحاجته ماقضاها ...

مير الدنيا الله يكفي شرها !

إي والله وشلونك ؟ عساك طيب ؟ حبينا نسلم علاك

وناخذ علومك ؟ إيه على طاري العلوم : ترى ولد زعيط

صدم له بعير وعانه منسدح في العناية المركزه !

والبعير لحقناه وذكيناه , وبنتعشا علاه الليلة ..

ونرجع نواصل إي والله وشلونك وتسيف حالك << وياكثر هرج البدو يتكرر ومايخلص

شكل كل شخص بيدخل الديوانية بيجيب معاه المركا حقته لأن كل المراكي ماخذها

بندر عشان تسنده..

واللي يتتن يحشم شيبتي ويقط الزقارة لأجي وأمده بالعقال

<< أنت وياه يمال القطيعة سدو أفواهكم وأرموا اللي فيها واهرجوا علينا علوم الرجاجيل

ياولد تعال صب القهوة لعمامك فنجال ...

ماصبوه من زمزمية***
ولاصلحنه راعيات المناكير << أحيان أحس إني رجال

امصلحن في دلة شاذليه***
من وارد الرسلان خلف الدناقير

لو راس مالك مايجي خمسميه***
كنه بجيبك خمسمية ملايين





وفل الحجاج وخل عنك الهواجيس ... كلن يموت وحاجته ماقضاها

.

.

.

لاتصب لي قهوة أبي بارد الجو حار ..

وحياكم اللي يبي عصير أناناس وبرتقال يرفع إصبع رجله ..:icon_mrgr







تررررررررررررن ترررررررررررن الماخوذ يرن عن إذنكم يالربع الأهل

طالبيني واحد من الورعان مفلوق:icon_mrgr

أشوفكم القابلة على خير سريييييييييينا ..

بالنسبه هل تعتبر ان مشاركتك في اي امر من شؤون المنزل عيب في حقك او ما شابه..؟
من وجهه نظري لاعيب ولاشي امر طبيعي جداَ أن تشارك ومن يرى غير ذلك فهو شخص للأسف مزال يعيش
في عهد قد ذهب بدون عودة








حد هوووووون

لا أدري لا أدري ولكن اليوم مزاجي معكر ,,,

جدآ جدآ معكر ...

وكأنه تجمل علي بعشر دقايق كان المزاج فيه مرتاح ولكن ما لثبت الدقائق ألا أن أنتهت ..

,,,,

جميل أن يكون لنا مجال نجتمع فيه ونتخاطب بالعقول ,,

,,,,,,,,,,,,,,,,,,,,,,,


كنت هناك ذات مره ولم أعد إلى هنا إلا مرة <<< وش تقول ^_^

يقول الشاعر \\
ماهقيت أن البراقع يفتنني ,,, لين شفت ضبا..... مبرقعاتي


ويقول المثل \\

(( مد رجولك على قد إلحافك ))

ويقول صديقي

(( هات ببسي وكبده عليها كتشب ))

من الذي له نفسٌ تقبل (( كبدة )) الآن ...!!!!!؟؟

الحمد الله على نعمته ولكن أشعر بأن صديقي من سلالة القطط ^_^

======


لست أدري من أنا فهل أجد من يقول لي من أنا وأعطيه كيساً من الدرارير ^_^

بندر النايف

حياك الله هلا وغلا فيك
وش أخبارك

هات ببسي وكبده عليها كتشب

هلا فيك يا أبو عبدالله أنت ومطارد سراب
وخير ما عملتوه
فلن نجد عندكم ألا كل علم طيب


بما أن الديوانية خالية من الأسئلة
ما عدا سؤال أختنا المتميزة شدادة الوزير

		المشاركة الأصلية بواسطة : اقتباس
	بالنسبه هل تعتبر ان مشاركتك في اي امر من شؤون المنزل عيب في حقك او ما شابه..؟

هذا لا يعتبر عيب
بل القيام بمساعدة والدتك أو أخواتك
فهم ليسوا آلالات متحركة لا تتعب

لا مانع في مشاركتهم أعمالهم
أو حتى القيام بها بشكل فردي

وهذا أفضل من إستقدام الخادمات
اللي والله ما شفنا ألا الأذية من وراهم






سؤال في محور آخر
كعادة الأغلبية دايم على لسان حالهم " والله أني مشغول "
وهو أساساً ما عنده شغلة مهمة

لماذا نفتقد لتنظيم يومنا المعتاد ؟

سلام عليكم


مساكم الله بالنور


كلن في مكانه حلفت ما احد يقوم

وحيا الله كلن بسمه



بالنسبه لسؤال شدادة الوزير


بحكم اني عزابي احيان ببيت اهلي احيان اصلح الاشياء بنفسي مثل الطبخ

احيان بعد من التعود دايركت و من غير شعور اصلح شغلات كثيره بالبيت

بالعكس مافيها شي




بالنسبه لسؤال ابو فهيد



ربما من وجهة نظري مجتمعا تدخل فيه من الرسميات الاشياء الكثير

يعني الواحد لو بيسوي له جدول اسبوعي

بيكنسل اشياء كثيره

بسبب هالعزايم المفاجئه خصوصا بالصيفيه

طبعا انا ما استنقد بالعزايم

ولكن بوجهة نظري هي من الاشياء الأساسيه

الي تخرب جدول السعودي

يمكن ناس بتقولي ان حتى بالغرب فيه عزايم

اقوله في عزايم بس يكون عندك خبر عنها قبل كم يوم او اسبوع بعد

مو قبل العزيمه احيان ب 6 ساعات توصلك عزيمه

و ياويلك لو ماتحضر يركبك حق إلا العذر الوحيد

المقبول عند شيابنا

إذا كنت ماسك خفاره



ومساكم الله بالخير