۞ ديوانية الشدادين ۞

		المشاركة الأصلية بواسطة : اقتباس
	ترف داخله سباق أنتي ^_^ لي عودة لهروجتس

ههههه بندر لازم نطامر الديوانية كلها

حكي ومواضيع وناس طالعة وداخله

بحجز لي مكان قبل يطير ..........:ill_h4h:

مع بدء الاجازة الصيفية في كل عام، تطفو قضية السفر على السطح، ويبدأ الكثيرون في شد الرحال الى الخارج.
ومن بين هؤلاء المسافرين، نجد ان فئة الشباب أو المراهقين تشكل نسبة كبيرة ومعظم هؤلاء هدفهم من السفر معلوم لدى الجميع أي ليس للعلم والدراسة أو العلاج أو للعمل من حيث حضور المؤتمرات والندوات او الدورات التدريبية للتطوير او حتى للأطلاع على ثقافات متعددة ولو سألته بعد سفره عن تاريخ هذا البلد اللي سافر له مايعرف شيء وأنما يدربي هالرأس في الكباريهات والسينما والمسارح الله يبعدنا واياكم عنها , وكذلك قد لا تتوفر لهم مصاريف السفر من تذاكر واقامة في الخارج وجولات سياحية.. الخ ويلجأون الى اهاليهم او لبيع مقتنياتهم الشخصية من سيارة وخلافه لتأمين نفقات السفر. وتكمن خطورة سفر هؤلاء المراهقين في انهم لا يزالون في مقتبل العمر وبدون تجربة تذكر في الحياة ومن هنا، فانه يسهل خداعهم واغواؤهم للوقوع في الحرام والمحظور.
والشىء الاكثر خطورة في سفر هؤلاء الشباب من صغار السن هو احتمال تعرضهم الى عمليات غسل دماغ من قبل اشخاص محترفين لتحويلهم الى ارهابيين وبدلا من ان يكونوا مصدر فخر لبلادهم
يتحولون الى وبال عليها وقنابل موقوتة لاشاعة الموت والخراب.
ومن هنا، يجب على اولياء الامور ان يكونوا حذرين للغاية من سفر ابنائهم المراهقين للخارج
تحسبا من وقوع ما لا تحمد عقباه.

ترف موضوعك صراحه خلاني أحك راسي وشعر جسمي وقف ,,,

أعوذ بالله خطف مواليد وين يودووونهم ؟؟؟

أكيد أنهم الي في الشوارع يشحذون ..

ياربي أعوذ بك من شرهم وشر نفوسهم وما تأمرهم عليه من شر ..

المفروض من الأم ربط ولدها أو ما يطلع من بطنها في السرير حقها .

وإذا طلعت وراحت مكان تحط في جهاز أنذار أي يد تنمد له غير يد أمه يصيح الجهاز

لازم من هالإختراع لازم ..

		المشاركة الأصلية بواسطة : اقتباس
	أعوذ بالله خطف مواليد وين يودووونهم ؟؟؟ أكيد أنهم الي في الشوارع يشحذون .. ياربي أعوذ بك من شرهم وشر نفوسهم وما تأمرهم عليه من شر ..

يوه ياكثرهم يابندر أخوي يشتغل بوزارة الصحة ولما يقولي القضايا اللي تصير

يشيب راسي وأكثر خطف يصير بوقت زيارة المرضى وزحمة الناس تدخل

حرمة للحضانة على إنها من أهل المولود وتاخذه وتطلع فيه لكن الحين

بعد البلاغات والمصايب اللي صارت صاروا يشددون على الحضانة ولازم

تقول اسم الأم كامل وإسم زوجها عشان يتأكدون إنك من عائلة الطفل ومع

كل هذا مايسلمونك إياه بيدك بس للأم وبوقت غير الزيارة ...

واللي يخطفون أتوقع يا إنهم يشحذون فيه أو يتاجرون بأعضاءه عادي يصير تهريب للمواليد ويبيعون أعضاء جسمه ويكسبون من وراه وحسبي الله عليهم قلوبهم حجر ونفوسهم شريرة ..

دام أخوك في وزارة الصحة كلميه لي يجيب لي أستراحه

غايب عن العمل يومين ^_^

===

طيب تقولين يتاجرون بأعضائهم ؟؟!!!

وين المستشفى الي يشتري ؟؟

داخل المملكه أو خارجها..

أن كان داخلها مصيبه وأن كان خارجها كيف طلعوووه ..

ونقول يشحذون بهم ؟؟

طيب وينك يا فرقة منع التسول ليه ما تكشفون على هالعصابات ..

أقول بلانا منا وفينا ..

والله يحمينا

ياهلا بكم والي موجود والي مار
هلا بك اخوي البرنس
طلعت برى وعجبك الجو وشكلك ادمنت السفريات
هههههههههههههههههه
واقولك السفر برى او في السعوديه ماتفرق الي يفرق هل انبسطت واستانست ولا لا لان المكان الي ترتاح فيه ويكون الوقت جميل ومناسب والمادة وفيرة وتفلها صح تتمنى ان ترجع له مرة ثانيه واحيان ترجع بس ماتستانس والدعوة توافيق

كل المواضيع اللي طرحت هنا تستاهل اننا نرد عليها

لكن برد على اخر طرحين>>

1|اختطاف الاطفال من المستشفيات لاغراض معينة
س| من المسؤول عن حماية الاطفال في المستشفيات؟
س|مالدافع من اختطاف الاطفال ؟

طبيعي ان المستشفى هو المسؤول الاول عن حماية الطفل وعليهم ايجاد الحلول اما بالزام الممرضات بالمكوث في الحضانة وعدم الخروج منها بتاتا

او بالتقنيات الحديثة وضع كاميرات في الحضانة وعلى بواباتها
بس مانقول الا حسبي الله ونعم الوكيل على من يحاول خطف الابرياء لاي غرض كان

.....................................

2|سفر الشباب الى الخارج

انا من المعارضين وبشدة سفر الشباب الى الخارج

لان اسبابهم معروفة ليييييش بيرحون؟!!
ولانهم لايعون بعض الامور المهمة ولايقدرون مايفعلون

يعني احتمال كبير وقوعهم بالمحرمات مثل تناول مخدرات او المسكرات التي تذهب بالعقل
او قد يقع المراهقون المسافرون للخارج في فكر الارهاب يكفيك انه فيه مفسدة للخلق وله تاثير كبير على الجانب الديني
ناهيك عن الجانب الوطني
وقد يجره للمهالك ونحن في غنى عن ذلكـ



قضيتي التي اود طرحها|

استبداد بعض الاباء على ابنائهم بامور شخصية حتى على ابنائه المتزوجون يعني تسلط من الدرجة الاولى ؟

يا هلا والله بالجميع
ومنورين كلكم الديوانية ,,, لا خلا ولا عدم يا رب
هؤلاء هم أعضاء منتدانا الرائعين وأقلامه المتميزة

نرحب باللي انضموا إلينا مؤخراً:
البرنس والجازي والله يحييكم في الديوانية ويحيي اللي قبلكم

وودي أختصر كلامي للبرنس بهذه الأبيات للإمام الشافعي رحمه الله:

تغرب عن الأوطان في طلب العلا=وسافر ففي الأسفار خمس فوائد
تفرج هم واكتساب معيشة=وعلم وآداب وصحبة ماجد
فإن قيل في الأسفار ذل ومحنة=وقطع الفيافي وارتكاب الشدائد
فموت الفتى خير له من معاشه=بدار هوان بين واش وحاسد

يا هلا والله بأختنا الترف
منورة الديوانية بحضورك المتواصل وطلتك المتجددة
والله يحييك في كل موضوع يطرح أو تطرحينه أنتي ..

أما المستشفيات ففيها من الفساد والأخطاء ما الله به عليم
وفيها من المنكرات كل عظيم وجسيم

ومشكلة الاختطاف مشكلة حديثة على مجتمعنا السعودي المحافظ
وهي من الأمور السيئة جداً والتي كشفت سوء مستشفياتنا وفساد إداراتها

فكان لزاماً عليهم أن يقوموا بمثل هذه الاحترازات والدواعي الأمنية
من أجل الحفاظ على هؤلاء المساكين من الاختطاف

ألا لعنة الله على من ضاعت مخافة الله من قلبه وأحرق
قلوب الناس على فلذات أكبادهم

يا هلا بك يا الترف مرة ثانية وألف شكر لك على حضورك المتألق

يا هلا والله بالجازي
والله يحييك يا مشرفتنا
ودنا والله إنك علقتي على المواضيع السابقة
لكن يا الله
الخيرة فيما اختاره الله ,,

مشكلتك التي طرحتيها مشكلة اجتماعية وأسرية بحتة
وأستغرب والله من هؤلاء الآباء وتعاملهم السيئ مع أبنائهم
فهذا والله ظلم وضياع لأمانة ائتمنهم الله عليها وسيحاسبهم بها

وأعتقد والله أعلم أن لفساد الأب ووقوعه في المنكرات والرذائل
أو المفسدات والمخدرات دور كبير في ذلك ..!!
ولا حول ولا قوة إلا بالله

تحيتي العطرة أيتها الجازي
والله يحييك معنا وخليك بالقرب

وأعطي المايك لأبو سيف
لأني أشوفه مسنتر في الديوانية

اقلط يا ذيبان حياك الله