04 Aug 2009, 03:55 PM
|
[ 51 ] | ||||||||
|
عضو متميز
 
|
هـــلا بك يـ البرنس .. تبي الصج تحسدون على السفريات خارج المملكه ..!! يمكن يوم نبي نسافر مره و مرتين و ثلاث عشان الأشياء الغريبه اللي نشوفها زي التبرج و السفور.. الحريه المطلقه !! قال الرسول -صلى الله عليه وسلم- : بمعنى الحديث ( من كانت هجرته لله و رسوله كانت لله و رسوله و من كانت هجرته لإمره ينكحها أو دنيا يصيبها كانت هجرته لما هاجر إليه ) ................................... ترف ..
موضوع جداً خطير !!!!! على قولت أخوي بندر النايف يمكن يخطفونهم يشحذون بالشوارع و يمكن للمتاجره بأعضائهم .. و يمكن ضعاف الإيمان ما رزقهم الله بذريه يقومون بخطفهم و تربيتهم على أنهم أولادهم.. يا رب ترحمنا برحمتك و لاتؤاخذنا بما فعل السفهاء منا !!!! |
||||||||
|
|||||||||
|
|
|
04 Aug 2009, 05:16 PM
|
[ 52 ] | |||||||
|
عضو متميز
|
هلا وغلا اخوي البرنس 000 صدناك سفريات ومن ورانا 0ههههههههههههههه احيانا يكون الانسان محتاج للسفر لاراحة النفس والبعد كل البعد عن منغصات الدنيا ولكن يجب ان نكون متمسكين بمبادئنا وقيمنا الاسلامية والاستقامه على طريق الحق والصواب ولنكن سفراء دعوة وهدف منشود 0 ربما تكون عند البعض عادة وموضه ولكن يبقي في السفر سبع فوائد ان احسنا الصحبه 0 اخوي البرنس يبقي السفر متعه بالفعل وراحه وطمانيه للنفس 0 بس لا تطول 0ههههههههههههه اختي ترف هذه عادة سيئة وخطيرة بدات تنتشر بمستشفياتنا لم نكن بالقبل نسمعها ولكن الامر جلل لانه يمس شريحة لا ذنب لها 0 ربما يريدون ان يدلونهم على طريق الخطا ابتداء من الشحاذه الى بيع الاعضاء وغيرها من الابتزازات ولكن اين دور الرقابة واين الضمير الحي بين اروقة هذه المستشفيات 0 اخوي السلطان لاهنت يا بعدي على سؤالك المستمر عن حالة والدنا ابو حسين وابشرك انه بصحه وسلامه بعد خروجه من المستشفي وهو الان بصحه مطمئنه ان شاء الله ونسال الله ان لا يحرمك الاجر والمثوبة وتقبلوا جميعا احترامي وتقديري |
|||||||
|
||||||||
|
|
|
|
04 Aug 2009, 05:17 PM
|
[ 53 ] | ||||||||
|
عضو فضي
 
|
كل شي رهييييييييييييييييييييييييييب اللة يعطيكم العافية (اخوكم محمد الحارثي) |
||||||||
|
|||||||||
|
|
|
|
04 Aug 2009, 08:03 PM
|
[ 54 ] | |||||||
|
عضوة متميزة
 
|
السلام عليكم اشحالكم  عساكم بخير ديوانيه عاااااااااااااامره ان شاااء الله والله نقاشاتكم حلوه والحوار من بينكم احلى واحلى ربي يبارك فيكم ويديم المحبة والتواصل بحاول اتذكر مواضيع نقاشاتكم واعلق عليها ... وان شاء الله اني ما انسى شي .. واللي اطوف موضوعه سهواً فمنه المعذره والسمووحه للأمانه كل المواضيع حلوه بس بعتمد على ذاكرتي عاد  اما نقطة انه الرجل يساعد زوجته في البيت .. فبرأيي ان الرجل الخليجي والعربي عموما ما زالت تغلب عليه شرقيته! ومن اهم سمات هالشرقيه طبعا انه لا يجد نفسه في أعمال المنزل! وطبعا لا يمكن بأي حال من الأحوال أن نعمم! فهناك أزواج يهوون ويستمتعون بمساعدة زوجاتهم في أعمال المنزل! وهذا شيء طيب وجميل وإذا ما امتنع الرجل عن ذلك فشخصياً لا ألومه! يعني عادي .. ساعدني جزاه الله الف خير ما ساعدني ربي يحفظه... بكل الأوال الشغل برا البيت يهد حيله .. كافي عليه اما مواضيع بو نوره .. عن المنتديات .. شخصياً وعن تجربة قديمة في المنتديات تجاوزت الثمان سنين..! اشوف ان المنتديات القبلية لها ثقلها ومكانتها مقارنة بالمنتديات العامة الأخرى..!! وهي تضاهي في نظري المنتديات المتخصصة سواء كانت اسلامية او أدبية..!! جميل ان تعرف ان لك حدود دايماً.. التمادي بدون رادع ... له من السوء أكثر من الحسنات او الايجابيات! والأجمل أكيد ان تضع الحدود أنت بنفسك قبل أن يضعها لك الآخرين! المنتدى إذا كان قبلي وفي نفس الوقت ثقافي ويحقق لي الإستفادة وأستطيع من خلاله أن انمي قدراتي الحوارية والنقاشية بمستوى راقي وأسلوب مهذب ولبق من أناس لهم مكانتهم الاجتماعية والقبليه بين أهلهم .. فمرحبا به! أما منتديات اللعب والخرابيط وحركات المراهقين والطايشين .. فهذي لها أهلها من المراهقين وأصحاب العقول ((اللي عليها السلام))!! اما موضوع الصداقات.. وانه الانسان يقلب عليك فجأة بدون مبرر!! فرأيي من راي أحد الاخوان اللي ذكر فيما معناه أنه لازم دايماً قبل لا نحكم على الشخص انه متغير علينا ان نقدر ظروفه ووضعه ولا نشيل بالخاطر لمجرد انه ما سلّم علي او ما اتصل لي من مدة او انه كله مكشر وزعلان في وجهي!! يمكن له ظروفه .. نقدرها ليما يتكلم ويصرح بشي في داخله! أما لو أنه فعلا زعلان منك وقاصد انه ما يكلمك وانت عارف ومتأكد من نفسك أنك ما زعلته.. فهذا انسان لا يستحق دقيقة تفكير وحدة تشغل فيها ذهنك فيه! اذا حطيت راسك كل يوم على المخدة قبل تنام وانت راضي ومرتاح انك ما زعلت ولا غلطت على حد . ونمت مرتاح!! وجا ثاني يوم فلان او علان زعلان منك بدون سبب.. فهو إما زعلان من نفسه لنفسه ويبي يقطع علاقته فيك ولا عارف شلون او انه سمع لاشخاص ما كدّر خاطره من تجاهك وزعل منه لنفسه كذلك!! فهو بالحالتين ما يلزمك !! لان بكل بساطة هذي مشكلته مب مشكلتك!!! فليس تتعب نفسك وذهنك وتفكر فيه؟؟!!! وفي نفس الموضوع لي تعليق على كلام اخونا احساس واثق.. الله يعينك على رفيجك .. والموقف اللي صار وياك صار وياي تقريبا على اختلاف الاماكن والاشخاص!! والله ياخوي لا تعبت نفسي ولا فكرت فيهم! لان متأكدة إني ما غلطت على أحد وراضية كل الرضى عن نفسي ... والظروف والأشغال والحياة ما ترحم أحد هالأيام .. والمفروض مثل ما أنا أقدّر انشغالهم عني همبعد لازم يقدرون انشغالاتي!! يمكن الفرق بين قصتي وقصتك يا احساس واثق .. واللي يمكن كان لصالحي في قصتي .. ان رفيجاتي ايام المدرسة شافوني صرت مغرورة ولا ابي اكلمهم ولا اسأل عنهم!! في حين أن رقمي نفسه عندهم ما غيرته .. ممكن اي ودة تبيني ترفع التلفون وتدق علي! في حين انهم غيروا ارقامهم اظن ستين الف مرة ولا اعرف هم رقم!!!! وبعد يلوموووني ليش ما اتصل!!  البنات مشكله بس طنش تعش اذا ظليت تناظر ورا ما راح تمشي جدام!!! تـــرف ياختي انتي عضوة مميزة عندنا في المنتدى ربي يبارك فيج وان شاء الله ياااارب دوووووووم نشوفج شعله نشاط وحيويه .. خلج مثل ما انتي ^_^ غناتي تكلمتي عن موضوع سرقة الاطفال .. والله هذي سوالف تخوف!! اليوم الواحد ما يأمن ابداً على عياله يخليهم وحدهم بمكان عام!! صج الناس ما عاد فيهم أمان! كل يوم والثاني سوالف هالخطف بالجرايد والمواقع ..!! الله المستعان! ما اتذكر منو قاللي هالسالفة من فترة .. بس اذكر السالفه عن عايلة كانوا طالعين عمرة وعندهم يهال صغار بينهم بنت صغيرة كانوا بالحرم .. الام تصلي والبنت حولها .. ولما خلصت تلفتت ما لقت البنت!! قلبووو الدنيا يدورون عليها ما لقوها .. بالاخير فقدوا الامل يلقونها ورجعوا البلاد .. بس ظلت الام كل فترة وفترة تطلع عمره وتقعد تدور البنت .. قلبها كان حاس ان بنتها حية وبتلقاها .. ظلت على هالحال سنين .. ومرة من المرات كانت طالعة من الحرم مع ناس من اهلها وشافت وحدة من هذول اللي يطلبون عند الحرم مادري يبيعون شغلات على الارصفة .. ماعرف اظن صوماليين ماعرف شو جنسياتهم .. المهم معها بنت صغيره تطلب من الناس .. يدها مقطوعة ولسانها بعد قاصينه .. وتشحت البنت! الام طبعا عرفتها انها بنتها .. ماعرف شلون عرفتها .. بس يمكن احساس الام!!! خذتها معاها سوا لها فحوصات .. طلعت صج بنتهم بس بعد شووو!! احليلها لا كلام تتكلم ولا اطراف مثل باقي اليهال.. لا يد ولا لسان!! الله ياخذهم!! صج قصة خبروني عنها عورت قلبي من خاطر! واظن اخيرا موضوع البرنس عن السفر اااااااااااااخ اااخ جيت ع الوجع  <<<< هذا حااال اللي مو لاقييين اجازة مثل الناس عشان يسافرون ان شاء الله تستانس في سفرتك هالسنه يا بوعلي على وين ناوي بالسلامة؟ .. شرق اسيا ولا اروربا ولا عربية <<< هذي الاخيره اغلب خلق الله مطيحين فيها هالصيفيه عشان رمضان ع الابواب يبوون يقضوون الاجازات ببلد عربي عشان لا يضيعون نكهة رمضان وليالي رمضان الجميله والله ياخوي انا اعرف ناس السفر عندهم هوس لدرجة لازم كل شهر يسافرون حتى لو بالويكند!! ع قولتهم يبون يتنفسون .. الهوا برا غير الهواء في البلاد ياخذون الاحد او الخميس اجازة ويلاااا يا سفر!!! والسفر متعة بصراحة واللي يتعود عليه يدمنه .. وشخصيا عندي متعة السفر مش في بلد معين لا! معة السفر لما تروح كل مرة بلد وتتعرف فيه على طبايع وثقافة وعادات وتقاليد هالبلد ...! تعيش العالمية بنفسك! تصير ابن بطوطه بجد! واذا ناوي على فنزويلاااا يا بوعلي بليييز دخيلك خذ معاك بوعبدالله .. الرجال شوي ويجن جنووونه على جذوووره الفنزويليه .. خذه وياك يسلم على شافيييز يلااا ترووح وترجع بالسلامة ان شاء الله ديوااانيه عااااااااااااااااامرة ان شاء الله والسموووحه اذا طوفت شي من مواضيعكم بس بحول الله بكون موجوودة معاكم بكل فرصة يسمح فيها وقتي وبتابع معاكم سوالفكم هني ربي يحفظكم 
|
|||||||
|
||||||||
|
|
|
|
04 Aug 2009, 10:30 PM
|
[ 55 ] | ||||||||
|
عضو متميز
|
كيف حالكم وكيف اصبحتوا وكيف امسيتو انشاء الله تمام أختي ترف الاطفال أمانه في اعناقنا ونسئل عنهم وندعو الله ان يحفظهم لنا دائما ولكن بعض الامهات عندها اهمال أو ثقه زائده في احد الاسواق عندنا في الرياض طلعت اطفالي للملاهي علشان يلعبون ونلقى بنات صغار اكبروحدة يمكن في المدرسه وشغالتهم معهم وجالسين لايلعبون ولاشي ,,,,, تأخر الوقت وجيت اطلع من الملاهي وأسألهم عن اهلهم قالو امنا معنا وطلعت ولا ندري وينها والاب في الدوام قلت لهم اكلمه لكم انبسطوا البنات وقالوا ايه قلت يله عطوني الرقم قالوا مانعرفه وتأسفت لحل البنات وين امهم وش ذا الاهمال نزلت للسوق والمحلات كلها مغلقه بالله هاذي ام وين احساس الامومه وين خوفها علي بناتها تتركهم في مركز تجاري الى الساعة 12 منتصف الليل |
||||||||
|
|||||||||
|
|
|
|
04 Aug 2009, 10:54 PM
|
[ 56 ] | ||||||||
|
عضوة متميزة
|
أخ يالربع أقصد مساء الخير للجميع .. حدي طفشانة وزهقانة وأبغى عصير ليمون وإلا برتكب جريمة شنعاء أي زفت إن شاء الله ليمونة وآكلها بقشرها بس عشان أهدأ شوي أعوذ بالله من الشيطان وش بلاك ياتـــرف خذي خذي جيكة ليمون وريحي بالك وقولي وش عندك ..  وأبغى ليمون بعد عشان وأنا أكتب آكل وأحكي مثل الأوادم الله يعينك على نفسك شوي شوي بالهداوة طيب لاتطول صوتك علي  خلاص عادي شويات وأهدأ من نفسي بعد برميل الليمون اللي أكلته أممممم كيف حالكم وعساكم طيبين " مريت على الديوانية بعد العصر وقريت ردودكم ومشاركاتكم وماحصل لي أشارك بوقتها لأني طلعت ومارجعت إلا على تسعة دخلت هنا وكتبت ردود وعلى النهاية جا بابا وقالي أبغى النت ضروري بعتمد الرد وهو فوق راسي ويقولي خمس دقايق بشوف شغله وبين آخذ وعطاء رفع صوته علي عشان يخوفني لأني إذا كلمني بهدوء أقوله بس دقيقة خليني أخلص هالشغلة ويوم شافني طولتها رفع نبرة صوته وخفت يعصب وسكرت وراح ردي ويوم جلس بمكاني جلس يضحك علي وقالي ماهقيتك ضعيفة ياتـــرف هذي نفخة بسيطة وشلون لو أصرخ بوجهك تعطيني النت بكبره قلت : إيه مو عشاني خايفة عشان تخلّص بسرعة وأدخل المنتدى الموضوع حماس ولازم أرد وأنت خربت علي ............ المهم جلس ساعة ونص وهو يقول خمس دقايق وموضوع مهم وموضوع مهم وبالأخيييييييييييييييييييييييير سطح المكتب حقي كله صور من هالأشكال التحفة ...      بعارين للبيع ونياق الوضح ومزايين التيوس معروضة للبيع وفحل لخروف مدري وش سالفته والشقحاء أخ يالقهر ضاع وقتي وهو يعاندني لحد ماطنقرت والحين يناديني عشان أسوي له شاي << الحين جالس يطبّق علي طريقة ضبط النفس ويتحداني من العشاء ماأنفعل ولاأزعل ثواني بسوي له شاي بالملح وراااااااااااجعه للردود بلاضبط نفس بلا هم .. |
||||||||
|
|||||||||
|
|
|
|
05 Aug 2009, 12:50 AM
|
[ 57 ] | ||||||||
|
عضو متميز
|
|
||||||||
|
|||||||||
|
|
|
|
05 Aug 2009, 02:02 AM
|
[ 58 ] | ||||||||
|
عضوة متميزة
|
مـرحـبا .. صباحكم معطّر بعبير الورود ومسكها الفوّاح وحيّا الله الجميع كلن باسمه .. دام أخوك في وزارة الصحة كلميه لي يجيب لي أستراحه غايب عن العمل يومين ^_^ خطاك السو يابندر ماتشوف شر صبو له شي ساخن الرجال صوته رايح من احتقان حلقه << ولو إني حاسه إنك لعّاب وتتهرب من العمل بسبب عزايم الغداء والمفاطيح لكن أبشر وش تبي مرضك تنويم وإلا عملية وإلا مقروص << ههههه تذكرت أيام الجامعة أعذاري فضايح مره تسمم مره أشياء ماتنقال لأني أسحب بالأسبوع === طيب تقولين يتاجرون بأعضائهم ؟؟!!! وين المستشفى الي يشتري ؟؟ داخل المملكه أو خارجها.. أن كان داخلها مصيبه وأن كان خارجها كيف طلعوووه .. ونقول يشحذون بهم ؟؟ طيب وينك يا فرقة منع التسول ليه ما تكشفون على هالعصابات .. أقول بلانا منا وفينا .. والله يحمينا اللي وصلني إن الأعضاء تباع بالخارج أحيان على طول من يخطف يكونون عاملين حسابهم ومخططين كيف يخرجون فيه للخارج ومن بغى الشر يعرف دروبه وكذلك أحيان يكون بعد فترة طويلة من خطف المولود يهربونه بكذا طريقة ويبيعون أعضاءه بالملايين الكلى لوحدها بمئات الآلآف غير الكبد و... و... لـكن هنا اللي سمعته استخدامهم بالشحاذه وبعضهم يبقى كم سنة ويشتغلون فيه بالدعارة أنا اللي قاهرني كيف مايصيدونهم يبقون سنين وبعد مايسوون اللي يبيون يصحون المسؤولين اللي كانوا نايمين سنين ويبدأون يكتشفون البلاوي وإلا من كان يصدّق إن البطحاء الخرابه اللي مابها إلا الهنود ووصاختهم يكتشفون بها تحت المجمعات السكنية عالم قذرة عايشه بالقبو وقالبينه للدعارة وللخمور وعاملات اندونيسيات وفلبينيات وهات ياجراره ومسكوا عالم بالهبل بعد فوات الأوان وانتشار الرذيلة وتفشيها .. أما منع التسول صاحي أنت مالهم صوت بتاتاً العالم تشحذ بكل زاوية ولاحسيب ولارقيب قبل فترة دخلت علينا حرمة جوات البيت لأن الوالد مع إنا ساكنين بالرياض لـكن باب الشارع حق الرجاجيل مايتسكر بتاتاً تقول ساكنين بقرية مو بمكان راقي وبالعاصمة المهم عندنا قهوجي خاص فقط للضيوف واللي مانعرفهم وكل من هب ودب يلقى الباب مفتوح يقدع ويتقهوى ويضرب الباب جتك الشحاذه ودخلت عندنا بوجود أبوي وكل اخواني حسينا إنها بجد محتاجه وإلا كان ماغامرت ودخلت بيت ناس ماتعرفهم وجلست تستعطف وعندي نص الإيجار مادفعته وزوجي مات بسرطان وتوي طالعه من الحداد وطردني صاحب العمارة وقالت اسمه وفعلاً نعرف صاحب العماره بنفس حينا ومشهور عشان كذا ماشككنا والليلة بنسافر لقطر ولازم نتم المبلغ وتبكي وكسرت خواطرنا بحكيها ومعاناتها المهم عارفين البدو من يجيهم أحد لازم يفزعون معه طلعت من عندنا وأخذت بيدها تقريباً سبع آلاف وعليها وقسماً بالله أكتشفنا من باكر إن اسم زوجها اللي قالت لنا عنه وإنه بنهاية شارعنا حي يرزق ومتوظف كمان بشركة نادك ومداوم ومافيه إلا العافية وإنها كذابه وحابكة السالفة وماندري هي متفقه معاه أو إنها صدفت وصار مثل اسمه ومعلوماته المهم بابا قال لنا كيفها احنا سلمنا المبلغ بيد الله قبل لا نسلمه بيدها والأجر وصل والفلوس ماهمتنا بس إنه تفاجأ من دناءة النفوس وكذبها وتبليها على نفسها بسبب وصخ دنيا يعني الشحاذه منتشرة بالهبل ومكافحة التسول نايمة على أوذانها والدنيا سايبه .. ** وياهلابك يالجازي وياهلا بكل ماأضفتيه من دوافع ومسؤولية من وما إلى ذلك ولاهنتي كفيتي ووفيتي ,, ** السلطان الله لايهينك وفعلاً مثل ماقلت هالمشكلة حديثة علينا ومستنكرة وشكراً لإضافتك وحضورك الرائع بأسباب القضية من فساد الإدرات وتفشي تلك الأمور السيئة .. ** لاهنت ياعادل سيف والله يحفظ أولاد المسلمين لكل من أراد بهم سوء .. ** أخوي ابن مهرس كل التقدير لإضافتك لهذه القضية ولاهنت والله ومثل ماقلت نضم صوتنا لصوتك ونقول : اين دور الرقابة واين الضمير الحي بين اروقة هذه المستشفيات |
||||||||
|
|
|
|
05 Aug 2009, 03:46 AM
|
[ 59 ] | ||||||||
 
|
أم خماااس هنيه ^_^ كيف حالك يا بنت زايد يا سعادة السفيرة وش تشربين ترا ما قلت لأحد وش تشرب لأني أقدر المقامات السفاريه ههههه حياك الله .. وترف كلامك 100% |
||||||||
|
|||||||||
|
|
|
|
05 Aug 2009, 03:48 AM
|
[ 60 ] | ||||||||
|
عضو متميز
|
سلام عليكم ممكن نغير الموضوع الى سمعوا السالفه قبل كنت جالس بلاستراحه وسمعت خبر انهم بيفتحون استقدام شغالات من طاجكستان و بيمنعون كم جنسيه من شرق اسيا ما اذكرهم بالتحديد طبعا من التعليقات الي سمعتها حرمتك مافي امل تطلب منك شغاله حتى لو كانت نفاس ما بتطلب بتشتغل عدل بس اهم شي وحده من الطاجكستانيات ما يجون قالو والعهده على الرواي الي قال الطاجكستانيات يشبهون للروس او هم والروس واحد علشان كذا نقلت لكم هالكلام هل تتوقع سيدي رب المنزل ان زوجتك ستطلب منك استقدام خادمه لو طلع الخبر صحيح و هل ستتطلبين سيدتي ربة المنزل خادمه في حال الامر صحيح ؟ نشوووف ا |
||||||||
|
|||||||||
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ۞ زفرات العاشقين ۞ | عيد الشدادي | مرافئ البوح | 19 | 21 Sep 2007 11:03 AM |
| ۞۞ تقـول لـي لبيـه واقـول لـك سـَم ۞۞ | بدوي فاهم | بحور القوافي | 28 | 11 Aug 2006 11:20 AM |
| ۞۞قصيدتي في صديقي ابو زلف۞۞ | بدوي فاهم | بحور القوافي | 26 | 18 Mar 2006 01:36 AM |
| أدوات الموضوع | |
|
