مجلة الشدادين للقصائد المختارة

قلبٍ تعنّا له ,, وقلبٍ عنا لك = والفرق شاسع بين عنوه وعنوه
جيتك وأنا ما ودّي إلا وصالك = وأنت الذي بين المخاليق نقوه
أنا بدونك ما بها شك هــالك = وإلا معك دنياي يا زين حلوه
ودّي أنا اسكن يا حبيبي خيالك = وما ابي أعكّر جو فكرك وصفوه
لو قلت أدوّر يا حياتي بدالك = من هو يسد فــ خانتك ,, وأنت منوه
أنا وقلبي والمشاعر حلالك = ويوم انتخى قلبك ,, لقى فيّ نخوه
واللي خلق زينك وصوّر جمالك = كنت أحسب إن الحب في القلب نزوه
لين افترقنا واصبح الليل حالك = من ظلمته والشـــوق لا شـــك بلوه
تبي الصراحة ما قهرني دلالك =لان الدلال يزيد في القلب نشوه
اللي قهرني زلةٍ في مقالك =وهي زلة لسانك عن ألفين هفوه
يا كيف أبقوى بس ( ربع ) احتمالك = وهقوتك فيني ماهيب أيّ هقوه
أحلف بربي ما قدرت أتمالك = نفسي ,, واشوفك صايرٍ فيك قسوه
يا صاحبي تبغى جواب لسؤالك = دامك معي ماعاد أبي أي ثروه
لو يجحدك عمك وجدك وخالك = لاصير لك دون المخاليق عزوه
خذ الكلام اللي تحطه في بالك =(( ما خاب من هو يعشق إخوان بدوه ))

اختيار الأخت : المنال الصعب

يا صاحبي هذي السوالف مهي لي " ="عمر الصقر مـا هيبتْـه الحمامـة
أحدٍ يجي ويقابـل السـي بالسـي "="أمـا انــا أقابـلـه بابتسـامـه
منهاج قلبي يرسمنـه لـه ايـدي " ="يعني يموووت ولايبيـع احترامـه
ما همنـي هـذي وهـذي ولا ذي " ="قلبـي يهيـم ولا يهينـه هيـامـه
يا حاجة الضميان في رشفة المـي "= "في موقـعٍ عيـت تشيلـه عظامـه
هي حاجتي بالضبط لأشعة الضـي " ="يمكن يودع بعـض ليلـي ظلامـه
تدري متى تبكي صديقك وهو حي ؟" ="إذا دريـت إنـه يبيـع الكـرامـة
يا وي من وقت التعاجيب يـا وي " ="كـل ٍ يقـول أنـا زعيـم الفهامـة
اسمع كلامي وانتظر انطر شـوي " ="خل الملامه خـل عنـك الملامـه
إذا فقدتك أنت بالـذات مـن لـي ؟" ="أبقـى وحيـد ليـا نهـار القيامـه
وإن جالك السافل يبي خوتك عـي " ="والله ليطلع لك من الطيـب شامـه
لا تعتذر ما تجتمع شمس مع فـي " ="عذر البخيـل إنـه كثيـرٍ صيامـه
قالوا من أول آخر علاجهـا الكـي " ="يمكن يفيـد الكـي مـع الرخامـة
إن جيت او ما جيت عادي ولا شي " ="موقف وعـدّا وانتهـي بالسلامـه
تدري متى تبكي صديقك وهو حي ؟" ="والله ( قسم ) إن فارقتـه الكرامـه

اختيار الأخ : ساري

اليوم لك ثاني مع راحة البال,= وانا بعد همي له اليوم ثاني
اليوم تاركني اناظر بالاطلال,= صورة,, رساله ,,حلم ,,جرح واماني
ليلي قضيته بين همٍ وغربال،،= واقول في نفسي حبيبي نساني?
غنيت انا عقبك من الضيق موال,= يومك تسمع للطرب والاغاني!
لي دمعةٍ من فوق الاوجان تختال،=يومك تلاعب مترفات المباني
وبي عبرة منها المخاليق تهتال،،= ياعبرتي لاتفضحيني عشاني!
ياعبرتي خلي لك الصدر منزال،،=لاهوب بك داري ولاهوب عاني!!
مشغول له في ترفة حالها حال،، = ماهوب فاضي لعبرتي او جناني!!
في يوم واحد نسته كل الامال!!،،=وش عاد لو يدري بشوق غشاني
ماهوب مثل اول هذاك الغلا زال!!،،=عزاه كيف الود زال بثواني؟
عشرة سنينٍ طوال ياكيف تنزال؟؟،،=وتحط في قلبك هنوف مكاني؟
ماكنت اظنك تجحد الود لا طال!،،=اثرك على طريف وتبيني اعاني!
قد قالوا ان البعد والصد قتال،،=وانا اشهد انه علة بالمحاني!!
يومي اشوفك لابس بشت وعقال! =والشارب الاسود وزول سباني
وعروستك من الحيا ترخي الشال:= وترسل لها بسمه تزيد امتحاني
دمعي بلا علمي على وجنتي سال!=اشتقت لك ليتك تحس بحناني
ليتك تشوف الحال يامتلف الحال!!=بس التفت لي شوف شـ الله بلاني
نصيتها تضحك لها لاهيٍ سال،،=واقول ياليته حبيبي نصاني!!
(الله يادنيا التعاسه والاهوال،،=الله يستر وش يخبي لي زماني
غلطانه اللي تعشق اليوم رجال:=(مهما حلف بالود يبقى اناني
وقلب الرجل مابه من الحب مثقال!!= والبنت ترفه قلبها مايداني
حاولت اعبر والقلم في يدي مال،،=من هول مابي انعقد بي لساني!

اختيار الأخت : المستحيله

الطيب فرصه والجمايـل توافيـق=ومن لاتوفق ماكتـب لـه جمالـه
ومن لارقى للطيب روس الشواهيق=مازان لـه وقتـه علـى مابدالـه
وما دام لفعول الجمايل عشاشيـق=كسب الجمايل مايجـي بالسهالـه
ولو انها تشرب مع فكّـة الريـق=كل خذاله كل مـا أصبـح بيالـه
والطيب منوه للقلـوب المشافيـق=كـل يتـوق ومنوتـه راس مالـه
والمدح مايزهى على الرجل ويليق=الا لاصـارت وافيـات خصالـه
يستاهلـه رجـل يفـك المزانيـق=اللي يقـال ونعـم لاجـا مجالـه
ومن ساقته نفسه وهو مابعد سيـق=لأجـل الجميـل يزيّـن الله فالـه
والمرجله ماهـي بتحتـاج تنسيـق=من بين قلب اللي عشقهـا وبالـه
ومن عادة الدنيا تخـون المواثيـق=تفتـرّ مكرتهـا سـواة المحـالـه
ولولا اللوازم ماعرفنـا المخاليـق=مانعـرف الرجّـال ليـن انعنالـه
والكفؤ تظهر فزعته حزة الضيـق=وينشاف في الشده بعيـن العدالـه
نسل الرجـال متّعبيـن الملاحيـق=متوسط مـن بيـن عمـه وخالـه
واللي يطيق ولا بغى قال ما أطيق=تحرم عليـه المرجلـه والشكالـه
والهيّنه تكبر على اللاش والهيـق=له في الرخاء قاله وفي الضيق قاله
والطيب شاره والضماير صناديـق=والـلاش طيبـه ماتعـدّى ظلالـه
وأنا أسبر قلوب الرجال المغاليـق=والصامت أقطع غايته مـن مقالـه
ومادام في الدنيا رجـال ومطاليـق=نصيتهـم والـلاش مالـي ومالـه

القصيدة للشاعر/ سعد بن حبشان

اختيار الأخ : سالم

الجـادل الـلـي يـمـر القـلـب شارعـهـا=بـيــن الحـنـايـا تـعــدي ماتطالـعـنـي.
تقفـي مــع الــدم بعـروقـي واتابعـهـا=واحس كنهـا علـى نفسـي توزعنـي.
قامـت تبعثـر غـلا وان جيـت اجمعـهـا=اضمـهـا واتـشـتـت لـيــن تجمـعـنـي.
بـيـن الحنـايـا تـثـنـي فـــي مرابـعـهـا=كنهـا تـقـول اتـحـدى مــن يطلعـنـي.
دام الـحـشـا بـيـتـهـا وانــــا مـدلـعـهـا=وش دخل القلب يزعل يوم توجعنـي؟
ولـيـا خــذا رمشـهـا رجـــل يطالـعـهـا=لـعـل رمـــش خـذانــي مايرجـعـنـي.
عيـونـة جـيـوش والـنـظـرة طلايـعـهـا=غارت بصدري وجاز لسيفها طعنـي!!.
ويوم انكفـت ليـن قلبـي مـن قلايعهـا=والصبر عـن خافقـي ماعـاد ينفعنـي.
مادهلـهـا القـلـب وعيـونـي مراتـعـهـا=امـوت فيهـا وهــي للـريـح تزرعـنـي.
ريحـانـتـي والـغــلا بالـقـلـب زارعـهــا=تشرب عروقـي وتروانـي وتشبعنـي
كان النحل من رحيـق الـوردمشبعهـا=وانا شموخي من احلا شي جوعني.
ولـيـا تعـانـق خجلـهـا مــع تواضـعـهـا=عانقت ليـل علـى مسـراه شجعنـي.
لويـنـسـري ليـلـهـا سـريــت بـايـعـهـا=بشـر ولا اللـة عــن الـزلـة مرفعـنـي.
واصبحت من عقب ماني ضدها معهـا=ان ضاعت اضيع وان دلـت تسنعنـي!!
للـجـادل الـلـي شرايـنـي شـوارعـهـا=القلـب يقتـادنـي والنـفـس تمنعـنـي

القصيدة للشاعر : ضيدان بن قضعان

اختيار الأخ : ابورائد

يا قلب ميز سيئتك واحسناتك=وافطن لوقتٍ صارشاشة على دش
وحذراك حذرا لا تبين شماتك=على صديقٍ ضحكته عش في غش
أما خذاسرارك وحنى صفاتك=والآ تقـفى لك عراقيــــبك وحش
مجلس رياجيلٍ سوات اللساتك=والبنشري ماجـود للنفخ والفش
لاقال ويش السالفة قال جاتك=ومن سرعته في السالفة قام يهتش
لوقلت له تصلح فحل فـ(اشوهاتك)=في ذمتي ما ينتبه لو تقول اش

للشاعر : عيد بن عنيزان

اختيار الأخ : البلاهدي

راكب اللي سرعته تقل شقٍ من سما=ادعجٍ كنه يبي يقول شي ومستحي
جيب (لند كروز)وجهه تقل وجه اطخما=من غلاسعره بعيدٍ على بعض اللحِي
كن جلده لامشى جلد همَال ادهما=سيلهاجريه لحا طرف الوادي لحي
وان مشى على هوينه تقل ممشى عما=ايتقدا يوم يمشي على حروة وحي
منوة اللي ميتٍ جوع رويانٍ ظما=جايعٍ ظامي على شوف غروٍ منتحي
كل مايزمي خياله على بالي زما=هم قلبي والمشاريه تنحاني نحي
يامروجة الحكي ماش سن بلا جما=النوايا كنهاالشمس والدرب ابرحي
مال عدواني دخل في فراقه وان نما=عيَدوا يوم ان بعده فحاقلبي فحي
مارميتم اذ رميتم لكن الله رما=دارت الدنيا علينا مثل دورالرحي
واوجودي كلما اذكرك يا عذب اللما=وجدمن ذنبه محا كل اهل بيته محي

القصيدة للشاعر : الغيداني

اختيار الاخ : البلاهدي

علموا اللي كـل يـوم ٍ يقابلنـا بثـوب=مـا يخدرنـا كلامـه مـع مـن خـدّره
إن لقينا اللعب نزحف مـع جـو ٍ لعـوب=و ان هبطنا سوق طيـب ٍ خذينـا نـدّره
العرب ما هيب تعلـم مسـدات الغيـوب=و وارد المـا مـا يدلّـه يكـود مصـدّره
و لا تجيك الحصبه إلا من فراش محصوب=وحبة الجدري تجي من فـراش مجـدّره
و المحب اذنيه ماهيـب تسمـع للعيـوب=و العدو لا درهمـت بـه تجـي متحـدّره
دامت الأخلاق يملك بها الواحـد شعـوب=ياجب انها فـي جميـع الامـور مبـدّره
و ان لقيناها طويله و موخرهـا سحـوب=و المـرض فيهـا فحولـه تهيّـج فـدّره
ان قدرنا نقفل الباب مـن دون الهبـوب=ولاّ جـا درب لنـا و القنـي مـسـدّره
الأصايـل كـل يـوم تلافـح بالكعـوب=و الـردي لا عيّـن اللـي يهينـه قـدّره
ولا تعرف حسابك إلا ليا صرت محسـوب=وشرهة القـادر علـى العالـم المتقـدره
فالمقابـل نفتـح لـه دواليـب القلـوب=و المقفـي قلعـة الـوادريـن تــودّره

القصيدة للشاعر : سعد بن جدلان

اختيار الاخ : البلاهدي

للحديث بقيه >>> تعبت

	اسمح لي اقتحم الإغلاق وأقول بيض الله وجهك يا أبو فيصل ولا هنت جهد جبار جداً تشكر عليه ومن رأيي أن تبقي الموضوع مغلقاً حتى لا تتداخل الردود بالقصائد المختارة استمر وفقك الله ،،،، فقد جمعت من كل بستان أطيب وروده .