قصيدة مدح في الشيخ/عبدالله بن دريويش الحارثي

هذه القصيده في حفلة الشيخ/محمد بن جديع الجياشي الحارثي احتفاءً بقدوم
رجل الأعمال الشيخ/عبدالله بن دريويش الحارثي فقلت بهذه المناسبه هذه القصيده:

يامرحبا من هاجـسٍ جياشـي=في حلة اللي ينحرون الحاشـي
عند الرجال مكمليـن الواجـب=سقم الحريب ونسلهم جياشـي
عند الجياشه محتميـن الهيـه=عون الدخيل اليا زبن منحاشـي
يامرحبـا ترحيبـةٍ مـمـدوده=ترحيبةٍ تبري عليـل الجاشـي
وابن جديـع مكملـن ماجوبـه=شيخٍ على دربه يسير الماشـي
اقدم الترحيب باسمه واسمـاء=ربعه ليا من الزمـان انداشـي
يامرحبا واللـي لفـا عبـدالله=شيخ المراجل للمراجل حاشـي
حاش المراجل و المراجل صعبه=والحارثي في المرجله رهّاشـي
مثل المخيل اللي يحـول سيلـه=ويسقي كبودٍ للمياه اعطاشـي
انا اشهد انـه واصـلٍ للقمـه=اقولهـا للـي يبيهـا كـاشـي
له وقفـةٍ بالخيـر دومٍ تذكـر=وذكر الحيا والطيب لاهله عاشي
من روس قومٍ يحتمون الـرده=من ناصره والناصري لاشاشي
من ترج لا ميسان قـومٍ تفعـل=وسهومهم دون الديار اعطاشي
ياسعد منهم في الملاقـا جنبـه=ذيب الجبل من دقلهم معتاشـي
سقم الحريب مورديـن الهيّـب=نطاحة الكايد ليـا مـن هاشـي
هذي فعايلهم عـزاز المنسـب=ومالله خلق فيهم ضعيف ولاشي
وصلاة ربـي عـد نـوً همـل=على النبي اعداد سحب رشاشي

إهداء من الشاعر/ سطام بن محمد بن ضيف الله الجياشي الحارثي

سطام
صح لسانك وعلا شانك وبيض الله وجهك قصيدة قويه في بيوتها وقافيتها ولك مني جزيل الشكر وأبن دريويش من كبار بني الحارث وله مكانته عند الجميع بماله وحاله

واللـــه وسبعــة انعــــام بالمــادح والممــــدوح
وصـــح لســـانك يابــو محــــمد واعتـــلا شـــانك
والقصيــــدة جــزلـة ووافيــة مــن شــاعر جــزل ووافـــي
وفــــــــــــــــالك المليــــــــــــــــــــــون والبيــــــــــــــرق ياذيبــــــــــــان

لا هنت يا أبو محمد ولا هان غاليك
وصح لسانك ملايين
والشعر غالي والقوافي عزيزة
وفقك الله

سطام صح الله لسانك ملايين ونعم بالمادح والممدوح وتقبل تحياتي

سطام الجياشي
صح لسانك وعلا شانك
وليس مستغرب عليكم الجزالة
في القول والفعل , وقصيدة من العيار الثقيل
وقيلت في من يستحق المدح . والنعم بالمضيّف وبالمادح والممدوح تقبل مروري
دمت بخير ,,,

خيال الشدادين يامرحبا بك وصح بدنك يابعدي

ومرورك يعتبر شرف لي يابن عمي

الجيعان ماعليك زود وصح بدنك يابعدي

وياروحي يابني الحارث والحاضرين

السلطان من قال ماهان وصح بدنك

ومرورك وسام شرف

الرحال صح بدنك وماعلاك زود يابعدي

ومرورك وسام شرف