۞۞ تقـول لـي لبيـه واقـول لـك سـَم ۞۞

قصيده هي آخر ما كتبت أتمنى ان تعجبكم .......

ماعاد باقي فـي عـروق الصبـر دم=وْلاعاد باقـي غيـر يمكـن وبعديـن
بعدين يمكـن ينتهـي الشـك والهـم=وتفهـم كلامي زيـن مازيـن يازيـن
وترجـع لقلـبٍ فـي محبتـك مغـرم=وتصدّق اللي قلت لك يا أريش العيـن
يـا شيخة احـلامـي وخليـني أحلم=ياكثـر حبـي لـك وياليـت تدريـن
وياكثر ما جيتـك وانـا حيـل مهتـم=وانتـي ولاهمـك تجيـن وتروحيـن
وان قلت ابنسى صاح لـي خافقـي أَم=يا شيخ روح هناك تلعب علـى ميـن؟!!
واليوم جيتك والسوالف علـى الفـم=ومن يوم شفتك ما بقى غير حرفيـن
حبٍ سكن في خافقي وصـرت ملـزم=اني اصونه رغـم طعنـه وجرحيـن
لبيـه يـا جرحـك وياجرحـي إلتـم=ولبيه يـا حلـمٍ يـودي علـى ويـن
مـدري ولكـن ريـّح النفـس ياعـم=وانس الهموم وسولف بخاطـرٍ زيـن
تقـول لـي لبيـه واقـول لـك سـَم=سم الله اللي معـك يمشـي بوجهيـن
سولـف وزم إشفـاك بالسالـفـه زم=سولف على كيـفك فدتـك الملاييـن
انا معك مـن حيـث مـا ودك وثـم=ابشر على خشمي وعلى الراس والعين
ودك نكون اصحـاب ؟!! ياصاحبـي تـم=آمـر تدلـل ايـه حاضـر وذلحيـن
لكن تـرى لـو لا الغـلا والله اعلـم=ما اقنعتني وصرنـا مجـرّد صديقيـن!!!

بدوي فاهم

صح لســـــــانكـ مـــــدد اخوي بدوي ابدعت ،،

وسلمت يمنااااااااكـ،،

بانتظار المزيد من ابدعاتكـ يا شاعرنا ،،

دمت بخير ،،

		المشاركة الأصلية بواسطة : #شموخ# اقتباس
	صح لســـــــانكـ مـــــدد اخوي بدوي ابدعت ،، وسلمت يمنااااااااكـ،، بانتظار المزيد من ابدعاتكـ يا شاعرنا ،، دمت بخير ،،

صح بدنك اختي شموخ وتسلمين

تحيتي لك ولإطرائك الجميل

مشكوره

اخوي

بدوي فاهم

رائع ايها الشاعر البدوي المتيم

رائعة هي كلماتك رائعة وصادقه ومعبره هي مفرداتك

رائعة هي اّفاقك ورائعة هي انفاسك

رائع انت ورائع نسج خيالك

سلمت يمينك وسلمت قريحة ابداعك

تحياتي

قصيدة في منتهى الروعة



صح لسانك وعلا شانك

قصيده جزله ورائعه لا يختلف عندها اثنين

ولا انسى اقول انها مميزه ايضا

صح لسانك

الله يابدوي فاهم ... انت علامك .. والله انك طاب طبه قويه ..
الله يسلمك وعقبال عندي قل امين ..........................
..

تقـول لـي لبيـه واقـول لـك سَـم=سم الله اللي معـك يمشـي بوجهيـن

صح لساندك يابدوي

والله انك فااااااااااااااهم

فااااااااااااهم يالغالي

حبٍ سكن في خافقي وصـرت ملـزم=اني اصونه رغـم طعنـه وجرحيـن
لبيـه يـا جرحـك وياجرحـي إلتـم=ولبيه يـا حلـمٍ يـودي علـى ويـن

الله يعينك يا بدوينا على الحب

والحب لولاه ما عشنا

صح لسانك ولا هنت يالذيب

يالبيه على هالقصيدة

روائع خيالك
جعلك سالم