قصيده للشاعر مطر بن مهمل في آل مره

هذه القصيده للشاعر مطر بن مهمل الشدادي الحارثي في شاب اسعف ولده طلال على طريق الجبيل الدمام بعد ماتعطل واندلعت بها النار هو واهله وقام باعطائهم سيارته الخاصه
وقام بحمل السياره للصناعيه لاصلاحها
والشاب من قبيله آل مره اسمه محسن المري
ولاهي غريبه على آل مره الكرم والطيب ومساعدت المحتاج

يامحسن المري وصلنا خبرك اليوم= وجانا الخبر عبر التليفون وابراجه
كسبت الجميله وانت للمرجله زيزوم=وفعل عليه شهود والناس هراجه
بني مره اللي تنصر العاني المظلوم=ولها ينحني التاريخ ويفتح ادراجه
قبيله لها الامجاد يوم الغزو والقوم=ولها فالكرم والطيب نيران وهاجه
قبيله على الحد الشمالي حدود الروم=ولها العز مكتوب حروفه بديباجه
طلال اوصله مني سلامي وهات علوم=وترى راعي الطالات يعرف بمنهاجه
عديم الوصايف فارس نادر شغموم=تحدى الزمان وقسوت الوقت واحراجه
وانا برفع البيضاء على النايف المزموم=وخل البياض يبدل الليل ودلاجه
انا من بني الحارث شبابي قوي عزوم=وردنى على عد الروى قبل هداجه
شدادين لاجاء الوقت قاسي وفيه ثلوم=على الباب ماحطوا كوالين مزلاجه
وشدادين من يسمعبنا مايجيه النوم=يطير الكرى من ناظر العين وحجاجه
ودون الوطن لو نشرب العلقم المسموم=شربناه والاوطان للنفس محتاجه
وصلاة ربي عد ماهل شهر الصوم=على محمد اللي بين الشرع معراجه

نشكرصقرالشدادين على المشاركة بهذه القصيدة الجزلة في قبيلة آل مره ولاهي غريبة القصائدالجزلة من أبو طارق
أخـــــــــــــوكم راع الباضـــــــــــــــــــــــــــــــــة
وكـــــــــــــــــــــل عام وأنتم بــــــــــــــخير

كفو والله يا آل مرة
ونعم بكم وبكل قبائل الجزيرة العربية

وصح لسان شاعرنا الفذ مطر بن مهمل
كفى ووفى وما قصر والله يبيض وجهه

ومشكور يا صقر الشدادين

.
.


وَ آلنعِم بـِ/ آلْ مُرَّة وَ آلقبَآئِل جَميِع
صَّح الله لسَآنْ مطَّر وَ سلَّم بنآنكْ
صَقر آلشَدآديِنْ

يستاهلونْ آل مُرة هالأبيَاتْ ..
صح لسانْ من قال ، وَ لا هنت أخيَ صقر

تحيتيّ

اشكر الجميع على المرور العطر
ارق التحايا واعذبها
من
صقر الشدادين

البناخي طﻻل
ماتشوف شر واتمنى لك السﻻمة في
حلك وترحالك وبيض الله وجه اهل الفزعات
وياليت تتصل علي حاﻻ. ولك فائق التقدير

ابيات متسلسله
وبوح صأإادق


صح لسان قايلها واعتلى شانه


يعطيكك العافيه

اشكر لكم مروركم العطر الذي اثلج صدري

وكل عام وانتم بالف صحه وعافيه

مع فائق احترامي

صقر الشدادين

مدحت فأعليت ، واعتليت يامطر الشدادي
سلم الناقل لنا صقر الشدادين