دام الشدادين سوّوا فالبلد شلّة // انا حسيكي وعن 90 شدادي

كل عام والجميع بخير
الظروف تبعدنا عنكم

-
-
-

سلام حامي سواة الجمر فالملة=والبادي اظلم وكلٍّ يعرف البادي
كان الشدادين سوّوا فالبلد شلّة=انا ( حسيكي ) وعن 90 شدادي

-
-
-

يشرفني كثيرا اللعب مع احبتي في موقع الشدادين
وسبق لي ان لعبت مع احدهم ذات مساء محاط بالعنصرية ..
وها انذا اعيد الكرة .. واتمنى هذه المره ان تبتعد عصى الديكتاتورية
وان يسود جو المحاورة عبق الديمقراطية الاخاذ ..


-
-


بارق العتمور

وانت بخير اخووي
وحيااك الله معانا في منتدى الشدادين
سعيد بمشاركتك الجميله جدا
يعطيك العافيه .

هههههههه أما عصى الديكتاتورية هذي أعرف إنك تقصدني أنا

لكن ما عليك يا بارق العتمور حنا نرحب بك ونحييك ونقول

أبشر بعزك وباللي يرضيك

هلا بك مرة ثانية

خلوووووووووووها

يامرحبابك لاكن مهايطك خله=لاهوب مرويك ولا مطعمك من زادي
لاتلحق الشجره اللي فوقك مظله=ياقردٍ اقشر وعن درب السنع غادي

حياكم الله جميع ياهلا ومرحبا

نبي نحط موعد يجتمع في الشعراء

وتكون المحاوره مباشره بين الشاعرين

وش رايكم في الليله الساعه 9 يالربع

انتظر موافقة الشاعرين

الله الله يا أبو راكان

وفي انتظار بارق العتمور الله يحييه

هلا اخوي عبدالله مبدئياً ماعندي مشكله ابداً اي وقت تحبونه


هلا اخو السلطان وان شاء الله مانغلق !!

هههههههههههه

هلابكم والله

بارق العتمور

سلام حامي سواة الجمر فالملـة = والبادي اظلم وكلٍّ يعرف البادي
كان الشدادين سوّوا فالبلد شلّـة = انا ( حسيكي ) وعن 90 شدادي

أبو ركان

يامرحبابك لاكن مهايطك خله = لاهوب مرويك ولا مطعمك من زادي
لاتلحق الشجره اللي فوقك مظله = ياقردٍ اقشر وعن درب السنع غادي

هلافيكم

اشكركم على التفاعل ..

وهذه رسالة موجهه للاخ ابو راكان.. اذا كنت ممن يعشقون الاسفاف
فأنا اعتذر عن اكمال مشوار المحاورة ..
انت تمثل موقع رسمي .. ولا بد ان تنتقي الكلمات والابيات التي تمثل قبيلتك ..

واستلم لا هنت ..


خلوووووووووووووووها :


-
-
-

ماهي غريبة ليا رحبت بالزلة=والحنظلة ما تشم لريحها كادي
ما اشره على اهل الردى والخبث والخلة=واحشّم ال ..... من حشمة هل الوادي

-
-


بالنسبة لما يتعلق بموعد المحاورة .. انا لا استطيع بسبب ظروفي
ومعذرة للجميع ..
اعدكم انشاء الله ان يكون هناك قريبا وعد رسمي لاقامة محاورة ناضجة ..

واتمنى ان ترتقي هذه المحاورة الى المأمول
مع التحية للاخ ابا راكان

0
0

بارق العتمور

الدعوة مزوح وتسلية
خاطر يالحسيكي
وهذي طبيعة المحاورة
والله لايجيب الزعل .