قصيدة فى فيصل الدويش رحمه الله

اليا قيل وين مطير واخفن الارماس = الراس بين محقبة واللهابة
كزولهن من غب الامطار عساس = وتباشرو بالصلب كثرة شرابة
وتقودوا فرسانهم قحص الافراس = وحطو جنيحن شدتن من حرابة
يتلون ابن سلطان قطاع الارماس = دينن على ولد الدويش وفابة
يقداء جموعن كنها ناب الاطعاس = وصم الحواف ماعرفنا حسابة
اسمن على جسمن وجدن على ساس = وفعلن قديم من عصور الصحابة
ياشيخنا مالك حلين مع الناس = كونك صباح وكون غيرك نهابة
كونك كبير ومنة الاجناب تقتاس = الى واجة الطرقي الاخر حكا بة
مثل نهارن يوم الارياق يباس = من ذاق ضرب ايمانهم ماسعا بة
خلي على صيانهم حمر الاكياس = والبن الاشقر ماهتنوا في شرابة
ولا يزاعم الدوشان كود انقر الراس = اللة يمن خوف من لاسعابة
امهارهم في غبة الكون غطاس = وايمانهم ترمي العشاء للذيابة
لباسة الماهود والدرع والطاس = ومصقلن تدني المنايا ذبابة
يجلي عن الكبد الصدا سلة الماس = يومن تقطع بالرضيمة ضبابة
من ضرب علوى خيلهم تمرس امراس = امراس صيدن مقتفيتة ذيابة
ما عفتوهن عند زينات الاجناس = وعند البكار اللي لهن انحطابة
عدونا يصبر على كسرت الباس = وصديقنا يفتق زرار الحرابة
والذود جعلة فدوتن لك عن الباس = ياشوق من كن الزهر في لبابة

صح السان الشاعر الشاعر

ولا هنت يالذيب على طرح القصيده الرااائعه

صح ألسانك
ويستاهل فيصل الدويش المدح وبيض الله وجهك على هذه القصيدة

الله يرحمه فيصل.. من دهاة شيوخ مطيروالدوشان ميزتهم بين كل الشيوخ انه لا قتل الرجال يبات في بيته آمن من شده هيبته ..
وصح لسان الشاعرحنيف بن سعيدان

..

		المشاركة الأصلية بواسطة : اقتباس
	اسمن على جسمن وجدن على سـاس.......وفعلن قديم مـن عصـور الصحابـة

ياسلام عليك سلطان اختيار موفق وصح لسان الشاعر حنيف

		المشاركة الأصلية بواسطة : سلطان الدويش اقتباس
	عدونا يصبر على كسرت الباس = وصديقنا يفتق زرار الحرابة والذود جعلة فدوتن لك عن الباس = ياشوق من كن الزهر في لبابة

سلمت يدينك ياسلطان

ونعم بمطير وبتاريخهم

تقبل شكري ويعطيك العافيه

		المشاركة الأصلية بواسطة : اقتباس
	اسمن على جسمن وجدن على سـاس وفعلن قديم مـن عصـور الصحابـة

سلطان الدويش..هذا القصيد والا فلا...
بيض الله وجهك على الاختيار الرائع.

صح لسان الشاعر على القصيده الراااائعه

يتلون ابن سلطـان قطـاع الارمـاس=دينـن علـى ولـد الدويـش وفابـة

ما عفتوهن عنـد زينـات الاجنـاس=وعند البكـار اللـي لهـن انحطابـة


سلمت يمناك ياسلطان وسلم الشاعر

ونعم برجال مطير

الله يرحم الشيخ فيصل

وصح لسان اشاعر

ومشكور كل الشكر على ما نقلته لنا من كلمات جزله ومعاني غزيره بالمعنى الشعري الفريد