يا الله يا ربي القادر

من جوعك وهو .... قادر
ما يشبعك لو جاع القوم
لا تقنع عقلي .... يا ناصر
جربت الدنيا حوم وحوم
ما ينفع بالوعد ...... باكر
اذا ما فعله نار .... وزوم
افطن لعمرك ... يالخاسر
ولا يردك كثر ....... اللوم
ازبن للمعدن ..... الشاطر
ولا يغرك سعر .... السوم
ارخص حلالك .... وبادر
قبل الخزيزة تقفي . دوم
كم واحد بالبلا .... صابر
يبي الفرج ونومه ... نوم
الياصار ما تفزع وتغامر
ترى بير الردى ... مهدوم
انظر بعقلك ثم .... ناظر
الشيمة ماهي زول هدوم
الشيمة طيب ... له ماطر
مطرها ديم غشاه . غيوم
يالله يا ربي ...... يالقادر
تفزع لخلقك ..... يالقيوم

القارظ العنزي

مبدع ومتميز شاعرنا أبو فيصل
ما قصرت وصح لسانك وعساك على القوة

صح بدنك والتميز
في مرورك سمو الشدادين

ارحب يا أبو فيصل

والله يحييك ويمسيك بكل خير
وبيض الله وجهك على هذه القصيدة
ولا هنت يا بعدي وصح لسانك ملايين

وبك رحب الله ايها
القدير السلطات
لاهنت ولا هان منطوقك

صح بوحك وابداع بسطورك

مكثورالخيرووومد تتألق بريشتك
لك الورد

صحة ايامك شواهيق
حفظك الله ورعاك

حياك الله شاعرنا العزيز
وبيض الله وجهك وصح لسانك على هذه القصيدة
وحضورك في المنتدى زاد كثيراً من الفائدة والله يحفظك

الله يحييك درع الخوي
وحضورنا في منتداكم
شرف لنا وبه نجد ما ينفعنا
ويبيض وجيهنا عندكم لاهنتم