لي صاحب صابته جلطة

لي صاحب صابته .. جلطة
انا السبب من كثر .. خطله
وانا اعرفه قاسي . القلطة
لكن ظلمني وهو ..... ظالم

وش ظلمنا صدق . اقوالك
نبي الشهادة على . امثالك
والرب يعلم وش . سوالك
اللي بكم عاشق ..... حالم

خفف عتابك ... لا تظلمني
ياللي بحبك ....... متيمني
ظلمك لنا زاد .... وتتهمني
وش عذرك لو يدري العالم

نبي حقوق ...... . مغيبها
حقوقي عندك ... وخابرها
ما هي كبيرة ... لا تكبرها
خل الهوى غانم ..... سالم

سدد ديون الهوى ... عجل
عجل عليه ....... ولا تأجل
سوالفك صارت .. . تخجل
وعهدي بكم دايم .. مسالم

وش غيرك يا بعد .. روحي
يا علاج همي مع . جروحي
عجل بوصلك .. يا مملوحي
والا ترى غيركم ....... والم

القارظ العنزي

الله يعينك على صاحبك يا أبو فيصل
والله يسعد مساك بكل خير ويبارك فيك
ما قصرت يا شاعرنا العزيز وبيض الله وجهك
على الابداع المستمر

والله يعين الجميع ويمدنا
من فضله وإياكم ايها السلطان
طبت وطاب فالك لاهنت ولا هان منطوقك

شاعرنا المتميز أبو فيصل
سلمت وسلم قافك وطاب حرفك
وصح لسانك وعسى فالك الطيب والتوفيق

يسلم عمرك وصحة ايامك
سمو الشدادين حفظك الله