عشق المصالح عندنا دوم مقفول

تكفى على هونك ترى القلب مشغول
لا تشغل القارظ ترى البيض ... بلواه
قبلك رماني ناعس الطرف . مكحول
كم واحد يبكي على شوف .. شرواه
وانا ترى مثلي على العشق .. مجبول
عايش على ذكره وحوله .... وطرياه
وكان انت ملزم على الحب .. ياحول
الأمر لله حرك الشان ............ وياه
معقول تبي الحب عن بعد .. معقول
هذا ما هو حب ولا هي ..... سواياه
الحب جمع على العرض .... والطول
مع الذي يشوق ذوقي ........ مزاياه
الياقلت له حياك يسمع .... ولا يقول
ما هو من اللي ينتظر كيف ... فتواه
يفتيه قلبه بالغلا ويذبح ...... الغول
الحاسد اللي بس يتغول .... بعجفاه
اهلا هلا بك كان حبك ما هو .. فول
هذا فطور وذاك ودك ......... تعشاه
عشق المصالح عندنا دوم ... مقفول
وقلوبنا عن تاجر الحب ....... معفاه

القارظ العنزي

حياك الله يا أبو فيصل
حضور مميز وأكثر من رائع
ما قصرت يا بعدي وصح لسانك ملايين

الله يحييك السلطان
طبت وطابت ايامك

بيض الله وجهك وصح لسانك يا أبو فيصل
على هذا القصيد الزين والنظم الطيب
شاعر كبير وما فيك حيلة والله يطول عمرك

وعمرك اطول درع الخوي
لاهنت ولا هان منطوقك

شاعرنا المتميز أبو فيصل
سلمت وسلم قافك وطاب حرفك
وصح لسانك وعسى فالك الطيب والتوفيق

يسلم عمرك سمو الشدادين
طبت وطابت ايامك