ايه شدادي

[align=center][blink][align=center]ايه شدّادي[/align][/blink][/align]

ياحروف خلت اسمي علم بين الرجالي=افتخر بك بين باقي الحروف الأبجديه
الحروف اللي على شانها عنيت حالي= الحروف اللي لها في الضماير مقدريه
خمسة حروف تخاوت على مرٍ وحالي= كل حرف له مزايا تخصه عن خويه
أول حروف السعد يا موجهت السؤالي = حرف (شين) اللي هل المجد تضرب له تحيه
شايل لاسم الشجاعة وللشدات شالي = الشجيع اللي عزومه على الشدة قويه
وثاني حروف السعد بعد حرف الشين دالي = حرف (دال) اللي مع اسمي مواقيفه جليه
رمز يرمز للدنادين ماضين الفعالي = الرجال اللي تسابق على سهم المنيه
وثالث حروف السعد حرف( الالف) الالف غالي = غاليٍ صرفه بصرف البنوك المصرفيه
الولد منا عن الف من قروم العيالي = والف عن مليون رجال والا ازود شويه
ورابع حروف السعد( دال ) حظ الدال عالي = شايل اسمي منه حرفين مابه حرف زيه
وخامس حروف السعد (ياء) وحرف الياء بدالي= كنه آخر قطرة من هماليل الرفيه
هاذي حروف السعد من جمعها ثم قالي=( قال شدّادي )! يجف البحر وينش ميه
ايه شدّادي وصيتي طلع من طيب فالي = ايه شدّادي وافاخر وفي راسي حميه
ايه شدّادي عريب النسب عم وخالي= ايه انا من روس قحطان قوم المزحميه
ايه شدادي مغارم كريمين السبالي= هم بني عمي بني الحارث القوم الرويه
والشجاعه عادةً لي بساحات القتالي= آرد حياض المنايا على وسق المطيه
والكرم والجود طبعي على طول الليالي= ماتغيرني ظروف الحياة السرمديه
اعزم الجيران واذبح لضيفي من حلالي = وانطحه بالعود الازرق وكيف الشاذليه
مانسيت حقوق جاري ولا يوم طرا لي = اترك حقوق لجاري كتبها الله عليه
ولاني بناسي حقوق الخوي ورب الجلالي = ان اله في القلب دايم مكان ومنزليه
ولاني بناسي حقوق الدخيل اليا لجالي = الدخيل احماه لو كان اعيد الجاهليه
ولاني بناسي حقوق الصديق اليا عنالي = من تعنى لي لقاء مايسره في مجيه
ولاني بناسي وفايه للاقصى والموالي = الوفاء للرجل والغدر للنفس الدنيه
هكذا رباني ابوي واخذت المعالي = بالعلوم الغانمة ماتهمقيت الرديه
هكذا وصاني ابوي وابويه مثالي = هو مثالي من مثالي انا اخذت الوصيه
ولاني بكامل للاوصاف لله الكمالي = الكمال لعالم الغيب خلاق البريه
مار بامدح عزوتي كل ماجا لي مجالي= مدحي لربعي شرف لي ولا هو عيب فيه
تاج راسي عزوتي في اللزوم وراس مالي = تحتمي ميقافها بالسيوف الصيرميه
يشهد التاريخ بافعالنا باول وتالي = في السنين الحاضرة والسنين الاوليه
والنهايه عد ما لاح براق الخيالي = بامر ربي ياصلاتي على محمد نبيه

الشاعر : متعب بن فراج الشدّادي

صح لسانك .. يالشدادي ..
والله والف نعم ..

صح لسانك يامتعب ولا هنت ,,,,

يامال العافيه والله ,,,,

قصيده رااااااااااااااااااااائعه,,,,

تقبل تحيااتي ,,,,

صح لسانك يابو فراج
عز الله انها جزله من قرماً جزل ,,,,,
وتقبل خالص شكري وتقديري ,,,,,,

	أخوي الغالي متعب ألف شكر وتقدير لك على غجابة دعوتي بنظم وكتابة قصيدة تمجد فيها ربعك الشدادين وه أنت ذا تستجيب لطلبي كرماً منك وتقديراً لربعك وبني عمك رجال الشدادين وفي يومين فقط استطعت أن تصف وتبدع وتوصل الفكرة لكل قارئ لقصيدتك الجزلة كفيت ووفيت يا ابو فراج وعساك على القوة دوم وهذه القصيدة سوف يوضع منها نسخة في الصفحة الرئيسية عند افتتاحها في أقرب وقت . تقبل فائق إعجابي وتقديري أخوك السلطان

[blink]اشكر الجميع على المرور ......... والعفو يالسلطان هذا واجبي تجاه اعيال عمي[/blink]

[all1=99FF33]

شكر وتقدير

لك يا متعب

عداد ما بين بيروت والطائف من مسافات 1000000 مرة

عز الله ما قصرت يا عريب الجد

واسمحلي هالقصيدة بنشرها عندنا هنا ياذيبان

مشكوووووووووووووووووووووووووووور[/all1]

العفو اخوي بعيد الديار وانا اقولك .. شكرا على هذا الاطراء
(وترى ماني عارف المسافه بين بيروت والطائف)
اما بالنسبه للقصيده فهي ملك لكل شدّادي ومن حقه نشرهاوالتمثل بها

الاخ



الشاعر



متعب


فراج


الشدادي


صح لسااااااااااااااااااااااااااااااااااااانك




تسلم على هذه الرايعه




تسلم على هذا الابداع




تسلم على هذه الحميه




تسلم على هذا الجمال




اخوي القصيده رااااااااااااااااااااائع



لذلك لم اقدر ان اختار بيت بعينه لكي اعلق عليه



لانها كلها تستحق الاشاده



يعطيك العافيه و الى الامااااااااااااااااااااااااااااااااااااااااام

الله الله الله

ماشاء الله تبارك الله

لا اله الا الله محمد رسول الله

وش هالقصيده الراائعه

أخوي متعب

والنعم والف نعم

صح لسانك وقلبك مليون

تسلم ويعطيك الف عافيه على الراائعه

حضور وابداع وقوه ومعنى