آخر 10 مشاركات |
مختارات | ما كل من هزّ الحسامَ بضاربِ ولا كل من أجرى اليراع بكاتبِ |
مواضيع ننصح بقراءتها |
|
|||||||||||||||||
قصة ابن مرعي وعتيبه والشلاوى
في أحد الأيــام (قــبل 50 ســنة تقــريبا) كان الشاعر سعد بن مرعي النوفـلي الحارثي ومعه رفاق له من قـبيلة عتيبة قــادمـين من الطائف متجهين صوب مكة ليلا (ومكة في ذلك كان يسودها الفقروالبساطة كغيرها من المدن السعوديه في ذلك الوقت وكان معظم بيوتها عشاش وصنادق) فحينما دخل الشاعر سعد بن مرعي ورفاقه العتبان مكه اتفقوا رفاقه على ان يذهبوا الى جماعتهم في الملاوي عسى ان يكرموهم فلما ذهبوا الى الملاوي طرقوا على بيوت جماعتهم كلها فلم يرد عليهم احد..ولم تفتح لهم الاابواب.. فتغيرت وجيه العتبان من الغضب فقال لهم بن مرعي انا اخبرلي ربع من الشلاوى قريب من هنا نبى نميل عليهم قال العتبان: توكلنا على الله فذهبوا الى الخانسه وعندما أقبلوا عليها اذا هــم يشــاهدون بيوت من مسافه بعيدة مضيئة بالفوانيـس وكان في حوش البيوت مزيد بن سفر المعتبي الشلوي وسعد بن مشحن المعتبي الشلوي وحـمد بن جـايز الجعراني الشلوي فلما رأوا ابن مرعي ورفاقه مقبلين أمطروهم بالتراحيب وقدموا لهم القهوة في الحال ثم بعد قليل قلطوهم على كثيرة الشحم وضيفوهم احسن ضيافه في ساعة متأخرة من الليل في ذلك الزمن وبعدما تعشوا وعينوا من الله خير قال الشاعر سعد بن مرعي لرفاقة العتبان: عندي ولّى عندكم (يعني من يبدع القاف) ثم كررها مرة اخرى.. فقالوا:عندك! فقام بن مرعي ثم قال : ليت الشلاوى في الديار مرتبين*** من مشرق الديرة ليا مغرابها حتى ليـا جينـا البنـادر هابطيـن*** نلقـى بيـوت مـا تصـك ابوابهـا بعد ذلك قام العتبان يرمون عمايمهم على ابن مرعي ويسألونه بالله ان لايكمل القصيدة خوفا منه ان يتلحق ربعهم اهل الملاوي..
|
03 Oct 2013, 08:27 PM | [ 2 ] | ||||||||
مؤسس شبكة الشدادين
|
رد: قصة ابن مرعي وعتيبه والشلاوى
هلا بك أخوي شدادي مطنوخ والله يحييك في منتداك سعدنا بتواجدك معنا والله يبيض وجهك ونعم والله بربعنا الشلاوى ونعم بعتيبة ورجالها وبكل القبائل وننتظر منك المزيد دائماً |
||||||||
|
|||||||||
04 Oct 2013, 05:42 PM | [ 3 ] | |||||||
عضو جديد
|
رد: قصة ابن مرعي وعتيبه والشلاوى
الله يبقيك وسلمك اخوي السلطان وان شاء الله راح انزل موضوع قريب اخوكم/ شدادي مطنوخ |
|||||||
|
||||||||
16 Oct 2013, 02:05 PM | [ 4 ] | ||||||||
عضو نشيط
|
رد: قصة ابن مرعي وعتيبه والشلاوى
وعليكم السلام ورحمة الله وبركاته ونعم والله بربعنا الشلاوى .. يفعلون الططيب ونعم بعتيبه جميع .. دون قصور في باقي القبايل .. والله يعطيك العافية على إيراد القصة ... تحياتي ... |
||||||||
16 Oct 2013, 02:13 PM | [ 5 ] | ||||||||
|
رد: قصة ابن مرعي وعتيبه والشلاوى
ونعم بالجميع
ولاهنت أخوي شكري وتقديري |
||||||||
|
|||||||||