أبيات من قصيدة طويلة للشاعر بسيس ابن حديد موجهة للشيخ بجاد ابن محمد الله يرحمهم

بروح يم ابجاد لاجاه شرا=حيث ان ابو خالد رفيق وعاني
ابجاد مثل السيف لانسل حرا=رجل على تبع الردي مايداني
يابجاد في قصايدي وش تورا=ابنشدك حيثك تعرف المعاني
يابجاد قلبي مثل سلف يفرا=من ماسمعت وشفت والموت جاني
القلب من بعض المخاليق فرا=يدق قلبي مثل دق الثواني
اللي يمشط قذلته ويتمدرا=ويدور الحسنه مع اهل الحساني
لاتدخله خله ورا الباب برا=لو قال انا فلان ولد الفلاني
وان كان كثر في الحكي واستمرا=طسه على خشمه وله علم ثاني
دنيا علينا جرت الحبل جرا=تجرنا مثل الحقب والبطاني
لفاتها فيها مسرا وضرا=لف السلوك المبرمه للمباني
دنيا تسقينا حلاوا ومرا=وماكان في قلبي يجيبه لساني
من صاحب الرديان زادوه ضرا=تخالطوا مثل الفرس والحصاني
والبرد جانا مالقينا مذرا=وعصاي عن بعض الدروب تحداني
ان جيت ازر الثوب عيا يزرا=بترك ضعيف الهرج وابغى السماني
ان جيت ادور للقهد صبح فرا=ركب الجبال السود وانا مكاني
يالايمي منزالك السلع والرا=واللي معك عشرين معزا وضاني

الله يرحمك يابو فواز ويرحم ابو خالد

قصيده في قمة الروعه

ومن اروع قصايد شاعرنا بسيس

رحمة الله عليهم جميعاً

لاهنت يافواز

الله يرحمهم أجمعين
ونعم الرجال والله أبو فواز وأبو خالد
عسى الله يرفع قدرهم في الجنة ويرزقهم من نعيمها
ولا هنت يا أبو محمد وعسى عمرك طويل
ولا تنس تنقل القصيدة لصفحة أبو فواز

ماقصرت على الطرح الرائع يابوفواز
قصيدة رائعة والله يرحم بسيس وابوخالد

الله يرحم أبو فواز وأبو خالد

ونعم الرجال عليهم سحائب الرحمة والغفران

ولا هنت يابن العم

شكرا لكم على مروركم وعلى ردودكم الله يحفظكم