قصيدة غزلية / للشاعر محمد الحارثي ( محيسن )

الي اللي طاح قلبي في غرامه=تسبب في شقاه وفي هيامه
وليته كب قلبي في خفوقي=خذا نصفه وسبب في انقسامه
عشقته عشق مجنون الليالي=ولبسته من الديباج خامه
وحطيته بصندوق الضماير=وزعمته على عرش الزعامه
ملكني من ضلوعي لا ضلوعي=على كرسي المعالي والفخامه
ازوره كل صبح وكل ليله=واقول الحمدلله في السلامه
حبيبي ماتغير عن محله=عزيز النفس مايترك مقامه
مادام انه ترك في القلب بصمه=اكيد انه مايتغير نضامه
ثلاث سنين والخفاق بيته=واقول اكيد لا يوم القيامه
اثرني عايش بحلم الليالي=وعزي من يغرنه حلامه
تنحى وادبرت عني ظعونه=تركني من هياله في عدامه
اكابد ونتي والله يعلم=دموعي فوق خديني علامه
تشوف الحال مثل العود بالي=تصرم تحت رجلين الحمامه
اناوشلون ابسلى عن حبيبي=يكود انسى عقالي والعمامه
ليا نامت عيوني مر طيفه=وهويهنى حبيبي في منامه
خذه اللي عسى ربي حسيبه=يشب النار في عود الثمامه
قعد ينقل كلامن ما نطقته=يزود في كلامي من كلامه
وصار يروح ينقلها لخلي=ويوصي في خواله في عمامه
فلوالجسر فولاذآ حديدي=فكثر الطق يثر في لحامه
خبيث الطبع يالله قرب اجله= مايعرف وش حلاله من حرامه
يبي يهنا مع اللي مت لجله=ابو عنقآ مثل عنق النعامه
ياماشاءالله على ذاك المحيا=يالبا ضحكته والابتسامه
اذا منه جلس لارحم حيه=تشوف اشلون تفصيل الجسامه
واذا منه وقف يالله دخيلك=تشوف الناس تجلس في مقامه
وله خصرآ مثل عود البشامه=ثلاث اشبار تكفي في حزامه
ولالي غيراضحي لاجل اشوفه=مايلحقني بعد هذا ملامه
واذا قلتو تناسه كيف بنسى=مادام انه ترك فالقلب شامه

صح لسان الشاعر قصيده متميزه
لك كل الشكر على النقل

قصيده كبيره من شاعر كبير

ننتظر المزيد

صح لسان شاعرنا محمد الحارثي
ولا هنت أخوي محيسن على نقل القصيدة لنا
وإن شاء الله نشوف لك المزيد

صح لسانك


وشكراً على النقل المتميز

الله الله الله

يامحيسن

صح لسانك حضوور يلفت الانتباه

وفي انتضار جديدك

واذا قلتو تناسا كيف ابنسا
مدام انه ترك بالقلب شامه
عزالله انه صحيح ترك بالقلب شامه,,, الشامه المباركه اللى جاتنا بها القصيده الشامخه صح لسانك ملايين اخوي محيسن والله يبيض وجهك
تقبل تحياتي,,,,,,,