قصيدة تسعين صاحب للشاعر حسن بن محمد المحمدي الحارثي رحمه الله

يا الله يا من كوّن الكون من عـدم=يا خالق الموجـود مـن عدمـاه
يا باسط السبع الشديـدة بوسعهـا=ويا رافع اشراع السمـا وأعـلاه
خلقتنا وأنـت الـذي مطلـع بنـا=وتعلـم بسـر العـبـد لوغـبـاه
وأنت الذي قسمت الأرزاق بالقلـم=واعطيت كل(ن) رزقه اللـي جـاه
حي(ن) شكر فضلك ومدة يمينـك=وحي(ن) تغانـى واللعيـن أغـواه
وحي(ن) طغى واختار لذة حياتـه=واطغـاه مالـه بالفخـر واطغـاه
وحي(ن) لقي فأول زمانه سعـادة=واتلى زمانـه جـاه مـا يعضـاه
وحي(ن) لقي فأول زمانه تعاسـة=واعاضـه الله ربــه وجــازاه
والوقت يا من هو عن الوقت داري=ميـز وقيّـس فـأولـه واتــلاه
لا تامنه ما يأمنـه غيـر جاهـل=لا شـاف مقبـالـه ولا مقـفـاه
يمشي معه من لا وقف في طريقه=ويصعب على من وقف(ن) خطـاه
وما أحد يصدق جاهل(ن) في شبابه=إنـه مجـرب وقـتـه وقـاسـاه
بعد صغير سن مـا خـط شاربـه=لكـن ذاق الـمـر واستسـقـاه
جرب وراح وجا وضاعت خمونـه=واختـار مرواحـه علـى ماجـاه
واختار لو يعزل عن الناس كلهـم=لا حيث ما فالنـاس مـن يرفـاه
الناس حبّابـه لمـن كثـر مالـه=سبابـه لمـن فـقـره تــولاه
تسعين صاحب كل ما اطريت أعدهم=وتسعين صاحب عدهم ما أغـواه
وتسعين صاحب بالنقـاوة نقيتهـم=وتسعيـن صاحـب مثلهـم تنقـاه
وتسعين صاحب هرجهـم ماتملـه=وتسعين صاحب هرجهم ما احـلاه
وتسعين صاحب في طريقي لقيتهم=وتسعيـن صاحـب مثلهـم تلقـاه
وسجلتهم في لوح محفوظ عنـدي=حتـى ويعـرف شيخهـم مـاواه
وناديت من ضلى يجينـي بوجهـه=واليوم عن وجهـه بـدت علبـاه
وسألت عنهـم عاليـات المبانـي=وقالـن ردي السـاس لاتـرقـاه
وسألت عنهـم ذاريـات الهبايـب=وقالـن خفيـف السـاق لاتنخـاه
وهنيت للـي ماجملهـم حسابـه=واتلـى زمانـه خيّبـوا رجــواه
ولو ينفع الرجال صاحب يجالسـه=مـا صاحبـه بالهـرج يتقـفـاه
ولو ينفع الرجـال صاحـب يحبـه=ما كان يصبـح صاحبـه يشنـاه
ولا عاد يفـداك القريـب الموالـي=ولاعـاد يفـداك الــذي تـفـداه
أبـوك ومحبـك وعمـك وخالـك=كفـك ومـا جابـه ومـا ضـواه
اليا امتلى جيبك وكثـرت قروشـك=الكـل منـهـم تلتقـفـك يــداه
كل(ن) يقول فلان معـزوم عنـدي=له واجب(ن) معروف مـا ننسـاه
غالي علينـا ويستحـق الكرامـة=وأعز ما هـو بعـد مـا شفنـاه
وإن كان جيب الثوب ماعون خالي=ياويل ويلـك مـن هلـك ويـلاه
إن ما بدا لـك كـره فالليـل الأول=الليل الآخر عفـت مـن ممسـاه
تلقى لسنهـم بالحكـي مستهلـه=وعيونهـم يـا نـار يـا موشـاه
يشففـون الـهـرج ويحففـونـه=ويسمعونـك هــرج ماتبـغـاه
أخـوك يتعـداك كنـك غريـمـه=وأبوك ما يعطيـك وجـه رضـاه
وأنت الذي ساسك ونسبتك منهـم=لكن مـا لـك بعـد فقـرك جـاه
هذا كـلام اللـي يبيهـا نصيحـة=للـي زمانـه مــا بـعـد ورّاه
وهذا كلام اللي جـلا عـن ديـاره=هرج العرب عـن ديرتـه جـلاّه
عفنا وشبنا مـن ديـار القرابـه=وديـار ربـي للعـرب مـهـداه
وإن كان ما كل(ن) يعذر من أهله=ويـحـن لمربيـنـه ومـربــاه
لكن هـذي عـادة الوقـت هـذا=عادة تجي مـن مثلـه وشـرواه
ومني سلام الله على منبع الوحـي=علـى منابيـع الوحـي وهــداه
اللـي ربـى فيهـا محمـد نبينـا=واللي سليـم الـروح مـا ننسـاه
صلوا عليـه ولا تناسـون ذكـره=عداد مـا مـال الغصـن بجنـاه

وسلامتكم....

ولو ينفع الرجال صاحب يجالسـه = مـا صاحبـه بالهـرج يتقـفـاه



ولو ينفع الرجـال صاحـب يحبـه = ما كان يصبـح صاحبـه يشنـاه




ولا عاد يفـداك القريـب الموالـي = ولاعـاد يفـداك الــذي تـفـداه




أبـوك ومحبـك وعمـك وخالـك = كفـك ومـا جابـه ومـا ضـواه



صح لسان الشاعر حسن الحبشي ورحمه الله واسكنه فسيح جناته

وسلمت اخوي الكاسر على هذا النقل وياليت تزودنا بجميع قصائده

دمت بخير,,,,,مع تحيات العبدلي

^
^

صح لسان الشاعر


وتسلم يمينك على أنتقائها ^ ^

في قمة الروعة

سلم يمناك ولاهنت عـ النقل المميز

دمت بخير

اسعدني مرورك اخوي نايف
وابشروا بالمزيد
من روائع الشاعر حسن الحبشي
رحمة الله

الله يسلمك
يا سديم
وشرفني مرورك

الله يسلمـــــــــــك يا
معانــــــــد الجــــــــــرح
وشــــرفنــــــــــي مـــــــــــرورك

الكاسر سلمت يمينك على الاختيار والنقل الرائع

ورحمة الله على شاعر هذه القصيده

تقبل تحياتي

الله يرحم الشاعر محمد ويسكنه فيسح جناته

ولاهنت أخوي الكاسر

ونتمنى منك المزيد لهذا الشاعر الفذ

الله يرحمه ويسكنه في فسيح جناته


ولاهنت الكـــاسر