الشدادين وقبائل يام والعجمان وسبيع..

حياكم الله
وبالنسبة لملاحظتك أخوي خالد فأنت صادق فيما قلت والماقف واحد وبني الحارث كلهم في المغازي سوى وأبشرك ماني من اللي ينكرون باقي ربعهم ولكن أنا ذكرت للتوضيح وأكثر من كان في تلك الغزوة هم جميع الشدادين وجميع ذوي حطاب ومعهم فرسان من بني الحارث والموعدين بالغزية أبن جريس وابن مهرس ونوماسنا واحد وطالة ابن عمي طالة ٍ لي
وحياك الله يالنشمي ومرحبابك
حنا بني الحارث هل المدح والطيب /// واللي معه حسبه نضيع حسابه

ياخوي المعركه شاركوا فيها ابن الحارث كلهم وحتى ناصره بعدين كانت بقباد الشيخ مقبول بن هريس
وان كانك تبا توكد منها راجع موقع الشلاوى
و

يا جياشي حياك الله

وأنا أخوك صدقت كل ابن الحارث شاركوا والدليل الجياشي يقول بعد ما سمع مبارك بن مهرس قال(( أهلنا وراهم والدرب ياطاهم)):

يا ويل اللي مهوب منا = واللي منا يضحك نابه
شيخنا زبن المجنا = واهني اللي مشى به

والجياشي ما أعرف أسمه لكن أنشد عنه الشيخ دوخي بن زيد الجياشي..

وأما مقبول بن هريس وسبعة أنعام لكن ما قاد الغزوة وأعتقد القصة مثبته بقصيدة والسالفة حاميتها قصيدتها أنها لابن جريس وابن مهرس هم قوادها ولا داعي لتحريف القصص المعروفه..

ونعم بالقبايل ولاكن القصه فيها زوده واجد

بيض الله وجهك بن العم







لاهنت ولاهان الطيبين مثلك

والله وسبعة انعام فيك يا ابن مهرس بكل امانه قلمك مميز الله يعزك ويحفظك

ابن مهرس مساك الله بالخير

,,,

الكلام الي كتبته مافيه من الصحه شعره

,,

أنتو قبيله ونعم فيكم ولكم ماضيكم وحاضركم

ولكن التجني على القبائل الثانيه عيب وشق جيب

التاريخ مسجل كل شي

وياليت اذا بتكتب شي تحط المصدر

وانا شفت موضوعك هذا من ثلاث ايام ودورت في الكتب والتواريخ
حتى في قصص الاطفال مالقيتها

أعذروني ياجماعه لكن تاريخ العجمان موثق في التواريخ

,,

اما بنت الشيخ الي سلبوها
هههههههه

مت عليها من الضحك

لاتحذفون ردي هذا شي انا متأكد منه
والشدادين ربعنا وجيرانا والف نعم فيهم
وانا مستعد للمناقشه

تقبلوا مروري وتحياتي

العجمي محمد

حياك الله عند الاد شداد ابن الحارث

والمثل يقول " يا غريب خلك أديب "

وعلى هونك يالأجودي وأتمنى أنه ما ينطبق علاك كلام الشاعر الفارس في عصر التقاتل القبلي

عندما صارت عليه الهزيمة فرد بشموخ الفرسان على أخصامه بقوله:

ما تشحن الغلبه يكود الهداني = وألا غلام ٍ ما يعرف التقاييس

والهداني هو الضعيف وإن شاء الله ما أنت بضعيف..
أما الغلام فهو صغير السن المتسرع وأتمنى أنك ما تكون مثله..

والقبائل قديماً لها أنتصارات ولها كساير, يعني مستحيل فيه قبيلة منتصرة دائماً يا صبي العجمان!!!

ثم بنت العجمان ما سلبناها لأنها لحقت أباعر أهلها وهذا طبع البنات السنافيات, وعز الله إنهن أطيب من بعض رياجيل هذا الزمان!!!

وجلست العجمية عند الشدادين معززة مكرمة, وتزوجها واحد من أبرز فرسان الشدادين وسلالته معروفين حتى الآن خوالهم الأولين العجمان الطيبين اللي يعرفون حقوق الرجال!!

أما إنكارك لهذه القصة بحجة أن قصص العجمان جميعها مسجلة, فلا أعتقد بأن هذا عذر كافي وشافي ينفي صحة القصة التي يحفظها جميع أفراد قبيلة الشدادين وخصوصاً بناخي العجمان من الشدادين!!

وردك هذا أسمح لي أقولك ما فيه شعره من الصواب وكلام العقال!!

لكن بغيت أسألك يا صاحب كتب التواريخ وقصص الأطفال هل سجلتوا في تاريخ العجمان المثبت عندكم هذي القصص:

قصة حمد العوامي الهاجري وراكان بن حثلين اللي من قصيدة الهاجري بيت يقول فيه:

ثم أنشدوا راكان يوم ألتقاني = يوم ألتقاني وأقفت الخيل عرجود

وألا قصة الشيخ عجران بن شرفي السبيعي وراكان بن حثلين اللي حصل بينهم مواقف ومساجلة منها قول عجران السبيعي:

الله يرمي من غدر بالوهامي = الباير اللي حط في الدين تشكيك

وألا يا طويل العمر ما تسجلون من التاريخ غير اللي يعجبكم واللي ما يتماشى مع رغباتكم ترمونه!!!

لكن يا صبي العجمان ما نقول فيكم غير كل خير وتستاهلون المدح وأنتم أهله

وكل قبيلة فيها حقها من رجالها, والعيب يالعجمي إستنقاص القبائل والعنصرية العميا

وما نقول غير اللي قاله الفارس سدحان البقمي:

نفعل ولا ننكر فعول ٍ للأجواد = ولاني بخطوات البخيل الجحودي

والله يرحم الفرسان الأولين ويجعل مثواهم الجنة

بيض الله وجهك والله يا ابن مهرس

عز الله كفيت ووفيت وما قصرت

وردودك ردود الرجال العقلاء الحكماء

اللي لنا لنا واللي علينا علينا

ولا هنت مرة ثانية يا مشرفنا

والله يحييك أخوي العجمي

نرحب بك أجمل ترحيب والمنتدى منتداك

ونتمنى أن يكون الحوار راقياً والمشاركات

خالية من التجريح والسب والكلام اللي ما له داعي

تبقى يابن مهرس وتبقى يالسلطان
مافيه شك اني بين ربعي واخواني وانا والله ماقصدت تجريح في اشخاصكم
انا مختلف ويا المهرس على ماجاء في الروايه فقط
ولي عوده رد على تعليق ابن مهرس