سَجلْ دُخوُلكْ / خُروُجكْ بِـ بيَتْ شِعر ♫ ( النُسخّة الثَالِثّة ) !

ليت الفرَج صبحٍ يجي و نفيقه !
و ليت الأرق ما نام عند اعتابي ،
ليلٍ تحت عيني ماهو من ضيقة !
اللي تحت عيني ؟! ظلال عُيونٍ ،،

احفظه يارب من جور الزمان
لاتبكّيني عليه و لا يغيب

حبّني في وقت فيه الحب هان
يا عسى ظنّه بـ قلبي ما يخيب ،



#عبدالعزيز مسلط ،،

لا تضيق ان مرّك الليلة حنين ،
ماعلى صدر الصباح الا السلام !

لاتعزّب وحشة الجرح الدفين ،
رح توسد صبرك الدافي ، و نام ،،

تقضي العمر هارب ولا تدري لوين
من ايش ما تدري , وتقضيه هارب ,
لايش ? وليش هارب ? ومن مين
مهزوم لو جيش المشاعر يحارب ,




عبدالعزيز مسلط ‚‚

.



النفوس الكبيرة تعرف اللي تبيه
............... ماتدوّر رضى العالم و تركض وراه
من يجامل وجيه ويستحي من وجيه
............... راح عُمره وهو يمشي بدون إتجاه



.

اجمل اشكال الوصل المدامع بـ العناق ،
و الرضا بعد ( الزعل ) ، و اللقا بعد الفراق ،،

.



حنا بهَتنا خوف و لا الفرح فات ؟!
. . . . . . يمكن تناسينا و يمكن نسينا
من كثر ماذقنا المواجع بالأموات
. . . . . . صاير فراق الحي هّين علينا !

جرّحتنا الحسايف و الظنون العجاف
و تركتنا يدين الصبر بالمنتصف

لا بكينا جفاف ، ولا سكتنا جفاف
و لا حكينا شعور الآهـ ما ينوصف ،،

.

أنا مثل من تهقوى بالحياة و جفل
. . . . . . . . و استطعم الحزن يوم اللي يحب خذلوه !
في وجهي الباب ياوجه الحسافه قفل
. . . . . . . . ومعاي قلبٍ يموت ولا يقول أفتحوه !

السكوت ان طال يغريه الكلام ،
والكلام ان ضّج مايرحم شعور ،،