الشعر ياللي تطلب الشعر موجـود

الشعر يللي تطلب الشعر موجود=في كل حزه لازهمته وجاني
من فضل ربي ماعطاناه بحدود= ولاخصصه في وقت عن وقت ثاني
تزاحم اهجوسي ومن جودها تجود=من منبع الباشا بوسط المحاني
في كل لحظه لو نبي الزود بنزود=ماهمني منهو مدح أو هجاني
الطيب اله الطيب مثني ومردود=والجاهل اعطيه العصا ان حداني
وكحل عيونه بملحه وبارود=حتى ان بغاها عشر ترجع ثماني
ولاهمني فالوقت حامد ومحمود=اعرف مكان الناس وعرف مكاني
اسوم طيب واتحاشاه مقرود=ولادز فالهوش الضعيفه حصاني
(والمرجله تبغالها شمرة زنود=وللي نوا للمجد لازم يعاني )
وحبل الشقاء مقيول ممشي وممدود=ان طاعني ولا مطيع ان عصاني
والشعر طبعه بين صدار وورود=هداج تيما في قديم الزماني
احدٍ رقا عاليه ويرقابه سنود=وحدٍ فهق نجمه سهيل اليماني
وما انت غالي والعتب فيك معدود=ولاطيع فيكم كود جزل السماني
وقد قلتها واقولها ماتبي شهود=يشهد علي الله قربك اماني

أبو راكان

		المشاركة الأصلية بواسطة : اقتباس
	(المرجله تبغالهـا شمـرة زنـود وللي نـوا للمجـد لازم يعانـي

الله ابوراكان صح لسانك وبيض الله وجهك

		المشاركة الأصلية بواسطة : اقتباس
	وما انت غالي والعتب فيك معـدود=ولاطيع فيكم كود جـزل السمانـي وقد قلتها واقولها ماتبـي شهـود=يشهـد علـي الله قربـك امانـي

الله يحقق امانيك يابو راكان... والشهود ضرورة..عشان الواحد يضمن حقوقه..
صح لسانك وكفو والله قول وفعل يالنشمي..

أخيـــــــــــــــــــــــــــــــــــــــراً يا أبو راكان

نسعد بقراءة قصيدة لك في المنتدى

أخذتك منا الأسهم والسوق

لكن تبقى الشاعر الجزل الذي نظل نطارده

ونطالبه بكل جديد وجميل

صح لسانك يا ذيبان وبيض الله وجهك لا هنت

صح السانك

وفكرك مليون 00 ولاهنت على هذا النظم الرائع
ابيات جميله بسلاسة حرفها 0 وجمال المعنـا

0000000000000000000000000
اجمل تحيه تقبلها

الله الله يابو راكان وينك غائب عنا بالقصيده

الراااائعه والجزله هذي بيض الله وجهك

اخوي الغالي على القصيده الجميله

الرائع رائع ياابووووووووووووو راكان

وصح السانك على القصيده الجزله

تحياتى


ابو تركى

كفو يا ابو راكان
بيض الله وجهك
تحياتي لك

اخوي ابو رائد
صح بدنك ووجهك ابيض والمرجله فعلاً تبغى من يتحزملها وان كانت على حساب بعض الهوايات .

اختي المستحيله
اللهم امين واشكرك على مرورك المفرح و بالنسبه للضمان قلب الرجل ولسانه اكبر ضمان وإذا مكفى حيل الله اقوى نجيب شيك مصدق ونحط شروط جزائيه
ههههههه اشكرك يالنشميه

اخي وصديقي العزيز ابو نوره
اشكرك على الكلام الطيب وعلى مرورك الرائع وثق اخي العزيز بماء انها ليست الاولى لن تكون الاخيره ولا اخفيك الشعور بالتقصير فيما اوكل لي وعسى مافي القلب يشفع والظروف تسمح وتشوف اللي يسر خاطرك . الاسهم هههههه ماهي لحالها ترى
والحمدلله على جزيل فضله

الفرسان عيون ابو راكان
اتقبل تحاياك هو فيه احد مجنون مايتقبل تحيتك
يامرحبا فيك وتشرفت قصيدتي بقراءتك ياطويل العمر وتقبل شكرى على مرورك الكريم

اخوي الغالي عبدالله
نفس الكلام اللي قلته لبو نوره ولا والله ان قصيدي يتشرف بقراءة مثلك وشرواك واشكرك جزيل الشكر على مرورك الرائع الجزل دائماً

صديقنا وحبيبنا ابو تركي
الرائع والله نبل اخلاقك وحضورك السعيد وهذا انا ارفع العقال بحضورك الكريم

ابو عابد
ماعليك زود ياطويل العمر وتشرفت بحضورك


تحياتي للجميع
اخوكم

صح لسانك يا ذيبان وبيض الله وجهك لا هنت