يا نور الدين والملّة

يا نور الدين ..... والملة
انا مثلك أحب ... الدين
لكن ديني مع ...... الدلة
اذا افطرنا نشدتك وين
يطيب الهرج .... والفلة
مع اللي هو سواد العين
حرام الهرج ..... ما حله
على عهد الوفاء ماشين
على وضح النقاء ... كله
غلانا يا بهي ...... الزين
عسى الله يكمل .. الخلة
في فرحة تربط الغالين
على درب الأمل .. والله
نعيش بقربكم . لو حين
يا علاج الهم .....والعلة
يا غاية قلبي المسكين
حبيبك ينتظر ....... قله
متى توفي هذاك الدين

القارظ العنزي

ارحب ارحب يا صبي العنزة
والله يحييك في منتداك يا شاعرنا الجميل
القلب خضر لكن التوقيت لك عليه


صح لسانك وما قصرت يا بعدي
قصيدة على اللون الغنائي العذب الجميل
وعساك على القوة

صح لسانك أخوي الشاعر القارظ العنزي
مشكور على هذه القصيدة ونتمنى منك
الحضور في كل جديد ومفيد

رحب الله فيك اخونا السلطان
وجزاك الله خير نعم كما قلت
الوقت لك عليه . وانما هي احاسيس
ربما فرضت نفسها والعذر قدمناه
بصومنا والغالين يتفهمون الوضع
طبت وطاب فالك ومآلك لاهنت
ولا هان منطوقك غالينا السلطان

صحة أوقاتك سمو الشدادين
كل الشكر على الذوق اللطيف