لا واوجودي عقب ناصر وجوداه

بسم الله الرحمن الرحيم

قصيدة رثاء في الفقيد الغالي : ناصر بن نايف بن مصلط بن شرار بن مهرس رحمه الله واسكنه فسيح جناته ،،،

لا واوجودي عقب ناصر وجوداه = وجد اليتيم اللي برى اليتم حاله
أبكي ودمع العين ما جف مجراه = واللي سواتي صدق واعزتاله
فقدت ابن عم ٍ طروقه امخلاه = ومن صغر سنه ضاري ٍ بالجماله
يا طيب وقفاته ويا طيب مبداه = حر ٍ تسلسل من علاوي جباله
الطيب طبع ٍ له وساسه ومجناه = امسند ٍ ما بين جده وخاله
روس الشيوخ اللي لهم شيمة وجاه = سوّاقة البيرق رموز الشكاله
ياكثر حزني كيف بصبر لفرقاه =وبيني وبينه طيب رفق وزماله
كنا سوى دايم ولا أحتجته ألقاه = ودايم معي في كل قاله وطاله
يقعد مقاعيدي وممشاي ممشاه = ونصبر على جور الزمان ولياله
واليوم عنا روحّت به مناياه = وعليه لحد القبر هلوا هياله
ولا احد ٍ بلايمني لو أصيح وانعاه = ويا عزتي للقلب مما جراله
عسى السحاب اللي تكاشف رفاياه = اللي من المنشى حقوق ٍ خياله
عساه فوق القبر ينثر برد ماه = ويسقي ميامينه ويسقي شماله
لو الفدا يدفعك يالموت لأفداه= لأفداه باللي حيلته دون حاله
وافداه باللي يشتكونه دناياه = اللي على ربعه يحدد سلاله
والمال يرخص والذهب من فداياه = وجميع ما نملك لعله فداله
لكن حكم الرب لابد نرضاه = نرضى بما دبر عظيم الجلاله
والعبد مهما طال عمره بدنياه = لابد ما ياتيه يوم ارتحاله
يالله تغفر له وتمحى خطاياه = وإنك تعوضنا الصبر وإحتماله
وعساه في الجنة برحمتك يالله = ومن سلسبيل الخلد يشرب زلاله
وأنا مدامي حي ما والله انساه = ياكود ( عِنّ ) يقال شد لصلاله

فيصل بن مهرس

والله اوجعتني يافيصل وحاس بوجعك

لكن وانا اخوك هذا امر الله

وعلينا حق ولابد نرضاه مثل ماقالت

فيصل يقول مايخرج من القلب يصل للقلب مباشره

وإحساسك بقصيدتك يافيصل خرج من قلبك

ووصل لقلبي وبيصل لقلب كل من يقرأ نصك

عظم الله أجرك بولد عمك وعساه بالجنه

وأسأل الله أن يمنحك الصبر والسلوان

فيصل أنت شاعر مبدع جداً وسبق وقلت هالشي في تعليق لي

على وحده من قصائدك

صح لسانك مليون ولايسدون ونطمح لجديدك يافيصل

وانت عارف ان الدنيا ماتوقف عند شي

تقبل مروري وتحياتي

أسأل الله أن يرحمه رحمة واسعة
ويدخله فسيح جناته
ويجعل قبره روضة من رياض الجنة
وأموات المسلمين جميغًا
قصيدة تجسد الحزن في أسمى العبارات وأجزلها

الله يرحمه وصح الله لسانك الله يسكنه جنات النعيم

,,,صح لسانك يالبناخي,,,
والله يرحم ناصر ويسكنه الجنه
ويعوض أهله ويرزقهم الصبر والسلوان


أهل الحرقاء

مأراوع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بحب وسعاده ..

تحياتي ..

أحسن الله عزائك و عزاء قلبك , صبراً جميل و الله المستعان
و الحمدلله حتى يبلغ الحمد منتهاه
ما يدوم إلا وجه ربك يا بعدي , الدنيا فانيه و كلنا راحلين

عسى عظامه للجنّه و الله يرحمه و يجبر كسرك يا أبو زايد
و لعنبوا لايمك |, إن العين لـ تدمع و إن القلب لـ يحزن


أبو زايد الله يجيرك من المصايب و يبعدها عنّا و عنكم و كلّ مسلم



,’

الأعزاء .. وحي الالم ، شمس الاصيل ، سلطان عبدالله ، أهل الحرقاء ، احتياج ، عادل

شكراً على مروركم وجزاكم الله خيراً ..

صح لسانك ولاهنت يااخوي فيصل الله يرحم ناصر ويسكنه فسيح جناته

		المشاركة الأصلية بواسطة : هائل الشدادي اقتباس
	صح لسانك ولاهنت يااخوي فيصل الله يرحم ناصر ويسكنه فسيح جناته

صح بدنك يا هايل وجزاك الله خير

وشكراً على المرور