العز والنوماس

السلام عليكم ورحمة الله وبركاته مساكم الله بالخير واليمن والمسرات وكل عام ومنتدانا واعضاوه وزواره بخير ,, اشارك بقصيده وعذري من الله ثم منكم على القصور لاني مهما قلت مابوفي المنتدي وموسسه واعضاءه حقهم,,

العز والنوماس لك دايم الدوم=ويامنتدانا عشت وموسسك عاش
عاش الذي خلاك يالؤل منظوم=دره فريده كل من شافها شاش
متميز وراقي ولك نهج وسلوم=والعنصريه مالها فيك نباش
بيت(ن) وسيع وبالمطاليق مزحوم=الفكر والابداع له ضل وفراش
شامخ وبمجاد الشدادين موسوم=في ضل ابن مهرس هوى زين الانقاش
سلايل اللى لاثنا يكسر القوم=وسبع الخلا من ضرب يمناه يعتاش
واليوم سابع عام يامبرك اليوم=من ماتشوف العين يستانس الجاش
للمنتدي واهله وزواره عموم=زليت لى دله بعد بنها غاش
بهرتها ياراعي الكيف بالتوم=ابزعفران وهيل ماجات ببلاش
وفنجالها سقته على كل شغموم=وقهويت منها الترف مكحول الارماش
دامه بدا لى لازم وجالى لزوم=عن لازمي والله ماجنب ولاانحاش
من دون ميقافي ابا طيح واقوم=لو الزمن واقف لى بخشم رشاش
ولن كانني قصرت ماني بمعصوم=باقبل على الطيب وباقفي عن الاش
باقبل وعذري من على راس مزموم=سمين وابيض يالنشاما من الشاش
ويامنتدى ربعي عسى عزك يدوم=ويعيش ابو عبدالله ومن معه عاش

والمعذره على القصور

فهد بن رزيق


اسألك بالله وين القصور


والله والله ما فيه قصور


اطربتني وامتلكت مسامعي


كاملة والكامل وجهـ الله

اشهد بالله انك فحل شعر يابن رزيق

ولي الشرف اكون اول الحضور

اخوك / محمد المريري

الله يطول بعمر أبو عبد الله
والله يحفظ منتدانا تحت ظله ..

وصح لسانك ملاييين يا شاعر المنتدى
أبدعت ..

صح الله لسانك أخوي فهد وكل عام وأنت بخير
ومنتدانا الغالي بخير وأعضاءه جميعاً
وماحصل قصور وافيه من وافي
والله لايهينك تقبل
مروري
الرحااااال

بيت(ن) وسيع وبالمطاليق مزحوم=الفكر والابداع له ضل وفراش
شامخ وبمجاد الشدادين موسوم=في ضل ابن مهرس هوى زين الانقاش
سلايل اللى لاثنا يكسر القوم=وسبع الخلا من ضرب يمناه يعتاش
واليوم سابع عام يامبرك اليوم=من ماتشوف العين يستانس الجاش

صح لسانك يابن رزيق
وبيض الله وجهك.

صح لسانك
قصيده جميله
ماقصرت والله
الله يعطيك العافيه

ابن رزيق

والله اني اقرا لك القصيده وأفتخر بها فخر كاتبها

جزززززل يا ابن رزيق وشهادتي فيك انت عارفها


من دون ميقافي ابا طيح واقوم
لو الزمن واقف لى بخشم رشاش

عزالله انك تقول وتطول
صح لسانك تكرار وامرار
وبيض الله وجهك يابعد راسي

صح لسانك وبيض الله
وجهك
وكل عام ومنتدانا بخير

مامنك قصور ياابن رزيق وكفو والله ودايم على العليا سنود

وصح لسانك ’’ صح لسانك ’’ صح لسانك

أبدعت ودوم وافي يافهد

وهنيئاً للمنتدى تواجد شاعر كبير بحجم ابداعك وشموخك

بيض الله وجهك

صح لسااااااااااااانك ملاييييييييييين ياشاعر المنتدى

وبيض الله وجهك