رفيعة روسنا ولغير ربي ما نوطيها

أعزائي إليكم هذه القصيده الوطنيه والوطن حقه علينا

ألاياالله يامجـر الريـاح ومنـزل الامطـار = وبيدينـك نفـوس النـاس تهلكهـا وتحييهـا
طلبناك العفو والمغفره والستر يا ستار = نها رٍ كل نفسٍ قدر ما تعمل تجازيها
و ترد الكيد لاصحاب المكيده وقصد الاشـرار = خفافيش الظلام اللي عسـى ربـي يجازيهـا
وأنا لجل الوطن وحب الوطن بكتب مع الشعار = بيـوت الشعـر بكتبهـا ولحنهـا وغنيـهـا
نغني للوطن نفدى الوطن بالمـال والاعمـار = وعينٍ ماتحرص الـدار رب العـرش يعميهـا
لنا تاريخ مجدٍ مشتهر من سيرة الاخبـار = ودولتنـا عسى الله من عيون الحسد يحميها
سعوديه علمها كلمة التوحيـد فيـه أشعـار = لذلك يشهـر التاريـخ حاضرهـا لماضيهـا
قبل مـده تذكرنـا ميـة عـام لهـا تذكـار = قرينـا قصـة الاجـداد للاحفـاد نرويـهـا
طلع صقر الجزيره في الجزيره شعت الانوار = وعم الخيـر قاصيهـا وعـم الخيـر دانيهـا
عسى لله يرحمه ويسكنه في جنـة الابـرار = بحكم الدين ثبـت ساسهـا وأرسـى مبانيهـا
وحنا في بلاد مقدسه تلفت لها الانظار = رفيعه روسنا ولغير ربي ما نوطيها
وقادتنا لهم في قلوبنـا حـب ولهـم مقـدار = لهم توجيه عزم وحـزم وسياسـات نمشيهـا
أبو متعب مليك صادقٍ واضح حكيم الشار = عطياه الجزال وكل منا يفتخر فيها
ولبو خالد ولي العهد نعلنها بعد تكرار = لهم منّا تحيات ولهم بقات نهديها
وأنا عندي نصيحه والنصيحه بيت باختصار = أشوف أن النصيحه واجبـه مانـي بمخفيهـا
نحافظ علّ الوطن ونعوذب با الله من لهيب النار = ومـن لاراقـب الله لامحالـه رائـحٍ فيـهـا
وختمها بذكر الله وصل الله علـي المختـار = عليه أزكى سلامي والصـلاة الـي نصليهـا

مع تحيات ( أبو نايف )

الله الله يا أبو نايف

وطنا غالي ومن حقه علينا نحبه ونفخر بإنتمائنا له

وجهك أبيض ورايتك بيضاء عسى الله يطول في عمرك

ويبارك في أيامك

أبو متعب مليك صادقٍ واضـح حكيـم الشـار
عطيـاه الجـزال وكـل منـا يفتخـر فيـهـا
ولبو خالد ولـي العهـد نعلنهـا بعـد تكـرار
لهـم منـي تحيـات ولهـم بقـات نهديـهـا


صح لسانك يا أبو خلود قصيدة جداً رائعة ولك الشكر

اخيرا يابو نايف .... الله لا يحرمنا تواصلك يالذيب
صح لسانك وعلى طمعنا اعانك .

صحيح الوطن هو الام وغالي على الجميع

صح لسانك ابو نايف على القصيده الرااائعه

الوطن غالي على قلوبنا جميعا

وقصيده جميله جدا ورائعه

يعطيك العافيه اخوي خالد .

خالد الحارثي

صح لسانك يا مبدع ويعطيك الف الف الف عافيه أحيي فيك هذي الروح الوطنيه

والله الوطن غالي وحقه علينا ونفديه بأرواحنا

صح لسانك يابو نايف ولاهنت

صح السانك ياابو نائف

والله يعطيك العافيه

والوطن مهما نقول فيه من قصائد لا نوفيه حقه


تحياتى


ابو تركى

صح لسانك يابو نايف على القصيده الرااائعه