قصرها النايف

أتمنى أن تحوز على رضاكم وتنال استحسانكم

تمنيت شوفة عين قايد بنات الحــــــــــــور =غزالٍ عسى بيض الرعابيب يفدنــه
حبيب ليا منه طرا لـــــــــــــــي وانا مســـرور = آخذ زفرةٍ منها ضلوعي لهن حنــــه
زفرة شوق قلبٍ من عنا الحب ذاق الجور =تسابق بعدها عبرتى واجذب الونـه
ليا زارني طيفه وانا فالمنام تثـــــــــــــــــور = براكين فالقلب المعنى يسرنــــــــــه
يغني على طرقه ليا لحظة السحـــــــــــــور =عيوني لذيذ النوم معاد يطرنـــــــــه
حبيبٍ جبينه في دجى الليل مثل النور = عشقـته مثل عشق العصافـير للجنـــه
بنيت لحبيب الروح وسط الخيال قصور = كان الحظ ساعد والمقادير جابنــه
لها وسط قلبي قصرها النايف المشهــــور = الانهار مثل أنهار دجله يمــــــــرنـــه
أنهار الوفاء والشوق ماهو خيــــــال وزور = قلبى لا عطش للحب والشوق يسقنه
جريح الهوى له شوفتك وصفة الدكتــور = متى أقدامكم يا نور عينـــــــه يزورنه
عليه الليالي في غيابك تمر شهــــــــــــور = يندم يوم لحظات السعـــاده يفوتنه

تركي بن عبدالله الشدادي

		المشاركة الأصلية بواسطة : اقتباس
	جريح الهوى له شوفتك وصفة الدكتـور=متى أقدامكم يـا نـور عينـه يزورنـه

صح لسانك ياتركي .. وسلمت يالذيب ..

صح السانك ياتركي

على القصيده الراااااااائعه

يا هلا والله بأبو عبدالله

غيبة طويلة تطل بعدها بهذه الرائعة

صح لسانك ولا هنت وبيض الله وجهك

		المشاركة الأصلية بواسطة : اقتباس
	بنيت لحبيب الروح وسط الخيال قصـور**كـان الحـظ ساعـد والمقاديـر جابنـه

الله كريم ياتركي!!! بقدرته يجيبه!!!!
قصيدة مميزه...صح لسانك!!

صح الله السانك
قصيدة رووعه
مبدع ياتركي
تحياتي

عليه الليالي فـي غيابـك تمـر شهـور=ينـدم يـوم لحظـات السعـاده يفوتنـه

صح ألسانك أخوي يركي والاهنت ياذيبان

تركـــــــــــــــــــي

ولأن شهادتي فيك مجروحه سوف اكتفي بالقول


صح لسانك مليون واذا كان الشعر من بحر فشعرك هو المحيط

وتقبل تحياتي

صح لسانك ياتركي رااااائعه

فعلآ رااائعه اسجل اعجابي

لاهنت يابن العم

أعتذر و طول الرد وتأخر=والله إن غيابنا عنكم خطية
أجزل الأبيات لرضاكم تسخر=كل شخصٍ له بعيني مقدرية

أخواني وأخواتي أعضاء منتديات الشدادين

أعتذر لكم عن طول غيابي الناتج عن كثرة مشاغلي

لا أشغلنا الله إلا في طاعته

وأعدكم أنني سأكون معكم دائماً بإذن الله متى

ما أتيحت لي الفرصة وأسعفني وقتي