حلى الطواريء [ شاركونا ]

بسم الله الرحمن الرحيم

السلام عليكم ورحمة الله وبركاته

*·~-.¸¸,.-~*حلى الطواريء*·~-.¸¸,.-~*

أحياناً يمكن يفاجئك ضيوف

وما تكونين مستعدة .. لأنهم جاءوا بدون موعد !!

هنا راح نستفيد من بعض ..

حلى قهوة سريع .. وما يآخذ عشر دقايق في عمله

ويكون المُنقذ لك قدام الضيوف ..

،

،

وهذا حلى من عندي .. وسريع ..

المقادير :

كروسان الشوكولاتة [ جونيور ]



حليب نستلة + جبن كيري << بالخلاط .

الطريقة :

بس تصفين الكروسان بصينية [ أي شكل ]



وتصبين عليه خلطة الحليب والجبن .. وتخلينه يبرد شوي بالثلاجة .

وبعدين التزيين .. إما [ بعود أسنان ] ..




أو بالجالكسي ..

وتختلف طرق التزيين .. باختلاف طريقة ترتيبك للكروسان ..

وصحة وعافية على قلوبكم

وبانتظار تفاعلكم

هذا معمول سهل .. لو تسوين منه كمية وتحطينه بعلب بلاستيك وبالفريزر .. ينفع بالزنقات ..

وهذي طريقته للي ما يعرفه ..

المقادير : 3 ملاعق كبيرة نشا + 3 ملاعق كبيرة كاسترد ( ممكن تقللينه إلى ملعقتين أو ملعقة ونص لو حبيتي تخففين من اللون الأصفر ) + 3 بيضات + 3 ملاعق كبيرة حليب بودرة + ملعقة كبيرة بيكنج بودر + نص كأس زيت + نص كأس سكر .

ـ تخلط كلها بالخلاط .. وبعدين تحطينها بـ ( طاسة العجن ) وتضيفين باستمرار الدقيق الأبيض .. بدون تحديد الكمية ، ممكن يوصل لكوبين أو أقل شوي .. ما فيه مقدار معين .. المهم إنك تعجنين باستمرار لحد ما تضبط العجينة .

ـ تكورينها كور صغيرة وتحشينها بشوي تمر .. وتحطين كل كورة بالفراغ اللي بين المربعات في آلة الوافل ..

فكره خطيره ياجواهر
تشكرين عليها
ودايماً الضيوف يفاجئونا بدون موعد مسبق >>>> ياكرهي لها لزيارات التي تربك الوحده
حالياً مافي شيئ براسي
بشوف لي طريقه سريعة التحضير من ولا منا وأشارك معكم إن شاء الله
أهم شيئ بيوتكم لا تفضى من التمر هو الأساس عند البدو قبل كل شيئ

جواااهر مشكورة ياقلبي
بس ماخبرت فيه ضيوف يجون بدون موعد
لي عودة أنقذكم
.................

حلى الشامواه
ماعليك ألا تتصلين عالبقاله وتطلبين كيك يمامه بالفانيلا والباقي أكيد بيكون عندك في البيت
كيك يمامه أسفل الصينيه
في قدر عالنار .. كأس ونص مويه + ظرفين كريمه + ملعقتين حليب بودره
وإذا غلي تصبينه في الخلاط
مع علبه قشطـه + ملقعه صغيره كاكاو بودره + 17 حبه بسكوت الشاي
ويصب عالكيك ويرش عليه كاكاو بودره
ويدخل الثلاجـه ربع ساعه بس

هلا بك أمونة .. وبانتظار مشاركتك يا الغلا ..

عذوبة .. مو مسألة بدون موعد .. بس يفاجئونك بالاتصال ومايمديك تجهزين شي

يا الله شدوا حيلكم ..

مشكورة على الطرح

الحين رأسي مافيه شيء بس أذكر راح احطه هووووون


انتظرونــــــــــــــــــــــــــــــي

ما شاء الله تبارك الله
يا جواهر

حلى ولا أحلى
وعسى الله يحلي جميع أوقاتك
بكل خير ورضى وسعادة

وتسلم يديك

ما شاء الله تبارك الله

حلى ولا أحلى
يا جواهر
وعسى الله يحلي جميع أوقاتك
بكل خير ورضى وسعادة

وتسلم يديك والله يعافيك
ويكثر خيرك

هالحلى سريع سريع



كيك يمامة شوكولاته - حليب نستله - جوز هند محموس يكون لونه أشقر

مثل تسذا




نقطع الكيك بالعرض قطع صغيرة





نغمسها بالحليب

نرشها من كل الأطراف بالجوز




وممكن الزيادة من الجوز المحموس نرشها ع التمر بعد ترتيبه



يعطيك ألف عافية جواهر

موضوع روووعة .