طرد السراب

يالله ان ادعاي عندك مستجاب
وكل ذنب تبت عنه تغفره

حطني مع منهو اخطا ثم تاب
وقبل موته جاه شي ونذره

العمر يمضي مثل طرد السراب
والعرب تمشي وراه وتسبره

مرت الايام بحضور وغياب
وكل ميت راح نقعد نذكره

رحمتك يارب في يوم الحساب
رحمتك يارب حلمً ما اكبره

لسفر فيني مشقه من عذاب
ولارضيت الا بصبر يقدره

من حلاة العمر في سن الشباب
لين يكسي الشيب راسك واشعره

بعدها عندك يهونن الصعاب
وكل شي كان قدمك تقدره

من تجارب عمرك يهون العتاب
وكل شخص فيك مخطي تعذره

وللحزن صفحه وعنوان والكتاب
لا لقى له درب داخلك اعبره

وماحزنت الا على طرد السراب
ولارضيت الا بصبر يقدره

يا رب آمين تغفر لجميع المسلمين
وصح لسانك يا شاعرنا

اللهم امين
وصح لسسسانك ابدعت
دائمأ بنتظار ابياتك العذبه ،

صحة ابدانكم جميع وشكرا لكم ولمروركم الجميل

سلمت وسلم غاليك اخوي
ابو نايش
وبيض الله وجهك ولا هنت
وصح لسانك ولا ندمت