|
||||||||||||||||||
( تصحيح البيت ) الدلة اللي ما تبهر من الهيل
السلام عليكم ورحمة الله وبركاته دائماً ما نسمع هذا البيت اللي يقول الدلة اللي مـا تبهـر مـن الهيـل=مثل العجوز اللي خبيث نسمها وكثير منا يردده ولا يعلم قصته او صحته وهناك عدة روايات مختلفة عن هذه الأبيات وكلها مغلوطة ولو فكرنا وتأملنا الشطر اللي يقول مثل العجوز اللي خبيث نسمها اشوف انه ما له له معنى ولا له علاقة في طعم القهوة ونكهتها ومن أول مرة سمعت هالشطر مادخل مزاجي وأحس انه فعلا مغلوط إلى أن سمعت قصته ،،، والصحيح هو : الدلـة اللـي مــا تبـهـر مــن الهـيـل=مثل الجزور اللي قليلٍ دسمها وراح اذكر لكم عدة روايات وجدتها في الإنترنت وبعدها باذكر لكم قصة الأبيات نقلاً عن الوالد الله يطول بعمره عن أحد كبار السن الشماليين وغير كذا ذكرها أحد رجال مطير بنفس القصة وهو سماح المطيري رحمه الله ومن الروايات اللي وجدتها عن هذا البيت البيت المشهور الذي يقول : الدلة اللي مـا تبهـر مـن الهيـل=مثل العجوز اللي خبيث نسمها هذا البيت يااخوان كثير ما نسمعه لكن الاغلبية لا يعرف من هو قائلها والبعض الاخر يستغل الفرصة وينسبها لي شعراء قبيلته لعدم معرفت اغلب الناس من هو قائلة ويستغل الفرصة لكن ولله الحمد انا هذا البيت موثق تاريخيا في الكتب لاجل لاتذهب حقوق الغير او التلاعب بها بشت الطرق وأنا قريت موضوع عن هذا البيت المشهور في هذا المنتدى لكن الاخ الذي كتبه نسبها لشاعر غير شاهرها الحقيقي ولا ادري هل هو جاهل بي شاعرها بحق او متعمدها لكن الله أعلم وانا كنت اريد ان ارد على موضوعه واقول الحقيقة لكن خشيت انه يقول هات أدلة ووثاق تاريخياً عليها فقلت الافضل لي ان ابحث عنها في المكتبات وأحضر الكتاب واكتبها هنا لاجل لا امنح فرصة لتشكيك فيها او تكذيبها واليكم شاعرها الحقيقي والرد عليه من قبل شاعر أخر. هذة الابيات من ضمن قصيدة قالها أحد قوم الشيخ مقبول ابن هريس الشلوي شيخ الشلاوى وهو الشاعر : أسيود بن رماح الشلوي : يقول الـدلــة الـلــي ماتـبـهـر مـــن الـهـيــل=مـثـل العـجـوز الـلـي خبـيـث نسمـهـا مـن لا يكيـل الكيـف مــن بـنـدره كـيـل=والــنــار تـشـعــم معـتـبـيـن حـزمــهــا اللي الى جاء الوقت يصبر على الميل=هــذي طـبـوع الـلــي عـــزازٍٍٍ شيـمـهـا فرد علية الشيخ مقبول ابن هريس وقال : متى طلعتـوا يا طـوال العناجيـل=مثل السليمي رميها عند فمها مـر نبهـرهـا بـجـوز مــن الهـيـل=ومر نخلـي طبخهـا مـن عدمهـا والعنجول هو مسمى الدخان في هذاك الوقت المرجع : اسم الكتاب هو : من أدابنا الشعبية في الجزيرة العربية الجزء الثالث المؤلف : منديل بن محمد بن منديل ال فهيد الاسعدي وهذه رواية اخرى : هذه القصه من كتاب (قصه ومثل) , جمع وإعداد الشاعر/ ناصر بن عبدالله المسيميري . --------- (أسد يا أسد ) يقال بأن أو من قال هذا المثل هو الشاعر عجران بن شرفي السبيعي والشاعر عجران عاش في عام 1300هــ فما فوق وكان شاعراً فحلاً كفيف البصر ويظهر أن بصره كف في آخر حياته ؛ لأن له قصائد حماس ووصف , والله أعلم . نرجع إلى المثل وهو يضرب عندما يكون الخصمان متكافئان وهكذا يقال أن عجران السبيعي حل ضيفا على فجـحان الفراوي من كبار شعراء وكرماء ووجهاء قبيلة مطير وكان يسكن في الصمان وكانت الأسواق والقرى بعيده عن المراتع ووسائل النقل بطيئه لنقل الطعام أو القهوه والهيـل فقد ينفد الهيل مثلا ويبقى صاحب البيت مده بدون هيل وهكذا , وهذا ما حصل لفجحان الفرواي عندما ضافه عجران السبيعي وقام الفراوي وذبح الخروف وأمر بطبخه وعمل القهوه ولم يجد هيلاً فوضع فيها شيئا من الزنجبيل ويقال القرنفل ( العويدي ) ويقال بأنه قدمها بدون هذا كله وكان الفراوي لا يعرف بأن ضيفه هذا هو عجران السبيعي علما بأنه يسمع به وشهرته ذائعه وكذلك عجران لا يعرف بأن هذا هو فجحان الفراوي شاعر وكريم من كبار قبيلة مطير فعندما قدم الفرواي الفنجال لضيفه عجران وذاق القهوه واذا هي بدون هيــل فقال : الدلّة اللي ما تبهّر من الهيـل=مثل العجوز اللي خبيثٍ نسمها لكن الرجل الذي أمامه شاعر مثله أو يفوقه حين قال : نوبٍ نحط الهيل ومفطح الحِيل=ومرٍ نخلي الموجبه من عدمها عندما عرف السبيعي أن مضيفه شاعر وكريم قال : ( أسد يا أسد ) , يعني الذي أمامي أسد مثلي فيجب الإعتراف به بالشعر وكذلك بعذره لأنه عرف بأن الهيل قد نفد , وأن الظروف لاتساعد في بعض الأحيان والرجال يقدرون ويعرفون . ------- يقول الكاتب : أخذت هذه القصه من أحد مجالس مطير وصدقها لي أحد رجالات سبيع والله أعلم . وهنا انقل لكم ماسمعته وتصحيح البيت المغلوط والله أعلم: ويقال أن هذه الأبيات قالها شاب في مجلس ابن هذال شيخ عنزة بعد ما شرب الفنجال قال هالأبيات يريد فيها أن يستعيب ويستنقص قهوة ابن هذال : الـدلــة الـلــي ماتـبـهـر مـــن الـهـيــل=مثـل الجـزور اللـي قليـلٍ دسمهـا مـن لايكيـل الكيـف مــن بـنـدره كـيـل=والــنــار تـشـعــم معـتـبـيـن حـزمــهــا اللي الى جاء الوقت يصبر على الميل=هــذي طـبـوع الـلــي عـــزازٍٍٍ شيـمـهـا ورد عليه ابن هذال بهذه الأبيات : متـى طلعتـوا ياكسـار الفناجيـل=مثل السليمي طرحها عند فمها مرٍ نبهـر بزعفـران مـع الهيـل=ومرٍ نخلي الواجبة من عدمها هذا اللي عندي من علوم واللي عنده تصحيح او معلومة اتمنى يفيدنا بها ودمتم بخير
|
23 May 2011, 07:10 PM | [ 2 ] | ||||||||
شاعر
|
رد: ( تصحيح البيت ) الدلة اللي ما تبهر من الهيل
قواك الله اخوي السلطان وبيض الله وجهك على توضيح بس صدقني لو انت طرحتها في موضوعي انا ماراح اجادلك فيها حيث المثل يقول اكبر منك بيوم اعلم منك بسنه ومابالك انك اكبر مني بعدة سنين لكن عسى الله يطول بعمر والدك وبعمرك وعمار الجميع سبب طرحي للموضوع هو ان انا سمعت مثل ماكتبت في هذا متصفح اخوي سلطان وانا حبيت اتاكد بس وانا بصراحه مافهمت شي انت تقول لشخص من االشعراء قبيله الشلاوى ورد عليه مقبول بن هريس وبعدين تقول للفراوي لكن فالك الطيب وبيض الله وجهك على مجهودك الطيب والله لايهينك وانتظر مشاركات الاعضاء تحياتي لك |
||||||||
|
|||||||||
23 May 2011, 09:08 PM | [ 3 ] | ||||||||
مؤسس شبكة الشدادين
|
رد: ( تصحيح البيت ) الدلة اللي ما تبهر من الهيل
حياك الله أخوي بدر ويا هلا بك أنا ما قلت شيء أنا نقلت معلومة من أحد المنتديات والواضح من النقل يا بدر إن القصيدة أول من قالها أسيود بن رماح الشلوي واللي رد عليه الشيخ مقبول بن هريس رحمهم الله جميعاً |
||||||||
23 May 2011, 09:30 PM | [ 4 ] | ||||||||
شاعر
|
رد: ( تصحيح البيت ) الدلة اللي ما تبهر من الهيل
بارك الله فيك اخوي السلطان .. ولاهنت في طرحك مشكور |
||||||||
|
|||||||||
23 May 2011, 09:46 PM | [ 5 ] | ||||||||
شاعر
|
رد: ( تصحيح البيت ) الدلة اللي ما تبهر من الهيل
مشكور وماقصرت وبيض الله وجهك على توضيح وانت اختصرت لطريق لي حيث هالابيات ابي اضمها في ديوان او متصفح الشيخ مقبول هذا ماعروف ماانساه لك اخوي ابو عبدالله يعلم الله انك فخر لكل من ينسب الي بني الحارث |
||||||||
24 May 2011, 05:21 AM | [ 6 ] | ||||||||
مراقب عام
|
رد: ( تصحيح البيت ) الدلة اللي ما تبهر من الهيل
السلطان اشكرك على تصحيح هذا البيت وهذا جهد كبير وصدقت حين قلت مادخل مزاجي يااخوان التحريف كثير في القصائد او القصص اذكر في بيت اللي يقول الولد ان طاب طيبه من خواله =وان ترادى فإن خواله خايبيني هذا البيت غير صحيح صاحب هذا البيت شمري وعند ماسال عن هذا البيت قال البيت هذا غلط ومحرف عن معناه انا قلت. والولد وأن سئل يسأل عن الخوال قبل الوالدين بهذا الطريقة ويمكن انا نقصة بعض الحروف او تركيبته الصحيحه ولكن اعذروني ولكن مضمون البيت ان الولد يسأل عن الخوال قبل الوالدين وفقكم الله ولكم تحياتي الجزال. |
||||||||
|
|||||||||
25 May 2011, 08:47 PM | [ 7 ] | ||||||||
مؤسس شبكة الشدادين
|
رد: ( تصحيح البيت ) الدلة اللي ما تبهر من الهيل
حياكم الله ويا هلا بكم وألف شكر لكم وتواجدكم وتواصلكم معنا |
||||||||
25 May 2011, 08:55 PM | [ 8 ] | ||||||||
شاعر
|
رد: ( تصحيح البيت ) الدلة اللي ما تبهر من الهيل
اخي السلطان تشكر على هالمجهود اخي خيال الشدادين حبيت اتناقش معك في هالبيت لذي ذكرته انت وقايله الشمري انا اقول خطاء عليك صاحب هالبيت مو شمري هذا شاعر مشهور واسمه خر الذيب العجمي ولبيت يقول فيه لولد وان طاب طيبه من خواله- وان تردى من خواله خايبيني وجاراه الشاعر يقول لولد ان طاب طيبه من خواله- والعمام الطيبين مساعديني هذا هو لبيت ياخي ولك مني جزيل لشكر |
||||||||
25 May 2011, 09:56 PM | [ 9 ] | ||||||||
نائب المشرف العام
|
رد: ( تصحيح البيت ) الدلة اللي ما تبهر من الهيل
أبو عبدالله يعطيك العافية على هذا التوضيح ولكن أسيود بن رماح الشلوي : يقول الــدلــة الــلــي مـاتـبـهـر مـــــن الـهــيــل مـثــل الـعـجـوز الـلــي خـبـيـث نسـمـهـا والشاعر الأخر يقول : الــدلــة الــلــي مـاتـبـهـر مـــــن الـهــيــل
مـثــل الـجــزور الـلــي قـلـيــلٍ دسـمـهــا فأيهم الأصح ومنه صاحب السبق منهم |
||||||||
|
|||||||||